Mabongi ya Kosalisa, Sanza ya Nsambo 2018
Botanda Maboko na Mawa.
Ntango bolandi ndakisa ya mawa ya Mobikisi, bokomona ete bokoki kosala bokeseni na babomoi ya bato misusu.
Mawa elakisi kolengela mitungisi ya basusu na mposa ya kosalisa yango to kosilisa yango. Liyokani ya kolanda Mobikisi ezali liyokani ya mawa ya “komema mikumba ya moko na moko” (Moziya 18:8). Mosala ya kotala basusu ezali libaku ya kosala lokola Nkolo akokaki kosala: elongo na “mawa, kosalaka bokeseni” (Yuda 1:22). Nkolo atindaki, “Bolakisa bolamu mpe mawa na moto nyonso mpe ndeko na ye ya mobali” (Jekalia 7:9).
Mawa ya Mobikisi
Mawa ezalaki likambo ya motuya na mosala ya Mobikisi (tala sidebar: “Mawa ya Mobikisi”). Mawa na Ye mpo na bayekoli na Ye esalaki Ye atanda loboko na baoyo bazalaki nzinga nzinga na Ye atalaki mabaku te. Kososolaka bamposa ya bato mpe bosenga na bango, Akoki kopambola bango mpe koteya bango na ndenge oyo ekoki kozala ntina mpenza mpo na bango. Mposa ya Mobikisi ya kotombola likolo mitungisi na biso ekambaka na mosala ya nsuka ya mawa: Bomikabi na Ye mpo na masumu mpe mpasi ya bato.
Likoki na Ye na koyanola na babosenga ya bato ezali eloko moko oyo tokoki koluka ntango tozali kosalisa. Ntango tozali na bosembo mpe tozali koyoka na mayoki ya Molimo, tokofulama mpo na kotanda loboko na ndenge ya ntina koleka.
Liyokani na Biso ya Mawa
Tata ya Lola alingaka bana na Ye bazala na mawa (tala 1 Bakolinti 12:25–27). Mpo na kozala bayekoli ya solo, tosengeli kotombola mpe kolakisa mawa na basusu, mingi mingi na baoyo bazali na bosenga (D&A 52:40).
Kozwaka likolo na biso moko nkombo ya Yesu Klisto na nzela ya liyokani ya libatisi, totatola ete tozali na bolingi ya kosalela mawa. Mokambi Henry B. Eyring, Mopesi toli ya Mibale na Bokambi ya Yambo, ateyaki ete likabo ya Molimo Mosantu esungaka biso tosala: “Bozali bandimi ya liyokani ya Yesu Klisto. …
“Na yango bozali na liyoki ya kolinga kosalisa moto oyo azali na mikakatano ya kokoba liboso na nse ya bozito ya mpasi mpe monyoko. Olakaki ete okosunga Nkolo na komemaka mikumba ya [basusu] kokomisa yango pepele mpe kolendisa. Bopesamaki nguya ya kosunga ya kolembisa mikumba yango ntango bozwaki likabo ya Molimo Mosanto.”1
Ndakisa, ndeko mwasi na Russie azalaki na likambo ya mpasi na libota oyo epekisaki ye kokende eklezia uta mwa bamibu ebele. Ndeko mwasi mosusu na etape atandaki loboko na mawa Lomingo nyonso na kobengaka ye ayebisa ye basango, mateya, mabiangi ya bamisionele, bana babotami sika, mpe basango misusu ya etape. Ntango likambo ya ndeko mwasi esilaki, ayokaki lokola azalaki kaka na etape mpo na mabiangi ya mposo ya moninga na ye.
© 2018 na Intellectual Reserve, Inc. All rights reserved. Ebetami na Etazini. Bondimami ya Angele: 6/17. Bondimami ya bobongoli: 6/17. Bobongoli ya Ministering Principles, July 2018. Lingala. 15050 639