Fa Ayamuhyehye Som

Mber a idzi Agyenkwa no n’ayamuhyehye fasusu ekyir no, ibohu dɛ ibotum dze nsesa aba binom hɔn abrabɔ mu.

Ayamuhyehye nye eruhu binom hɔn atsetsee nye pɛ a ɔka ho dɛ ibɛgye hɔn anaa ibɔboa ma ɔayɛ har. Ahyɛmudzi dɛ ibedzi Agyenkwa no ekyir yɛ ayamuhyehye ho ahyɛmudzi dɛ “hom soasoa kor biara n’adzesoadze” (Mosiah 18:8). Edwuma dɛ hwɛ binom hɔn do yɛ kwan a idze bɔsom dɛ mbrɛ Agyenkwa no bɛyɛ: a “na binom a wɔyɛ anyanyan, hom nhu hɔn mbɔbɔr” kã ho (Jude 1:22). Ewuradze hyɛɛ dɛ, “Na nyimpa biara nkyerɛ mbɔbɔrhu na ayamuhyehye wɔ no nua do’’ (Zechariah 7:9).

Agyenkwa N’Ayamuhyehye No

Nna ayamuhyehye yɛ Agyenkwa no som no farba (hwɛ afã hɔ: “Agyenkwa Ayamuhyehyenyi”). N’ayamuhyehye ma Ne mfɛfo maa Ɔsoom hɔn a oetwa ehyia Noho mber pii. Ohunn nkorɔfo hɔn ehiadze na apɛdze no, Otumii hyira hɔn na Ɔkyerɛkyerɛ hɔn wɔ akwanhorow mu a ohia ma hɔn dodow. Agyenkwa no ne pɛ dɛ obepegya hɛn atra hɛn atsetsee no korakoraa nye ayamuhyehye edwuma: No Werdambɔ ma adasa hɛn bɔn na amandzehu.

N’ahom dɛ obenya nkorɔfo hɔn ehiadze ho mbuae yɛ adze bi a yebotum aper enya ber a yɛsom. Ber a yɛbɔ tsenenee bra na yetsie Sunsum ne nkenyan no, yebenya nkenyan dze asom wɔ akwanhorow a mfaso wɔ mu.

Hɛn Ayamuhyehye ho Ahyɛmudzi

Ɔsor Egya pɛ dɛ Ne mba nya ayamuhyehye (hwɛ 1 Corinthfo 12:25–27). Yɛbɛyɛ esuafo nokwarfo a, otwar dɛ yenya na yɛkyerɛ ayamuhyehye ma binom, tsitsir ara hɔn a wohia (N&A 52:40).

Yɛnam hɛn enuma ahyɛmudzi do fa Jesus Christ ne dzin to hɛn do a, yɛgye dase dɛ yɛwɔ pɛ dɛ yɛbɛkyerɛ ayamuhyehye. President Henry B. Eyring, Ɔpamfo a Otsĩa Ebien wɔ Presidency a Odzi Kan mu no, kyerɛkyerɛɛ dɛ Sunsum Krɔnkrɔn n’akyɛdze no boa hɛn ma: [Yɛyɛ] Jesus Christ n’Asɔr ahyɛmudzi ba. …

“Dɛm ntsi na itse nkã dɛ ipɛ dɛ iboa obi a ɔhyɛ awerɛhow na nkodzen adzesoadze ase a ɔreper dɛ ɔbɔkɔ kan no. Ebɔɔ anohoba dɛ ebɔboa Ewuradze ma Ɔama [binom] hɔn adzesoadze ayɛ har ama woeenya awerɛkyekye. Wɔmaa wo tum dɛ faboa ma dɛm adzesoadze no nyɛ har ber a enyaa Sunsum Krɔnkrɔn akyɛdze no.”¹

Mfatoho, akyerɛbaa bi a ɔwɔ Russia nyaa ebusua mu nkodzen bi a osiiw no kwan dɛ ɔbɔkɔ asɔr afe kor na no mboree. Akyerɛbaa bi a ɔwɔ nkorbata no mu dze ayamuhyehye som no Kwesida biara ber a ɔfrɛɛ no na ɔkãa nsɛm a wɔkãa, adzesũahorow, asɛmpakã ɔfrɛhorow, mbɔdomamba a wɔawo hɔn, na nkorbata mu dawurbɔ ho nsɛm kyerɛɛ no. Ber a wosiesiee akyerɛbaa a ɔnnkɔ asɔr n’ebusua mu nsɛm wieii no, nna ɔtse nkã dɛ ɔda ho ka nkorbata no ho osian ne nyɛnko no ɔfrɛ dapɛn biara no ntsi.

Nsusui ahorow anan a idze Benya Ayamuhyehye

Mber a ayamuhyehye taa nyin wɔ hɛnara hɛn nsɔhwɛ ekyir no, ndzɛmba binom wɔ hɔ a yebotum ayɛ no ndɛ yi dze enya ayamuhyehye. Hwɛ akwanhorow a ibotum dze fapem anan yinom edzi dwuma.

Bɔ mpaa fa nya. Ber a itotɔserɛ Ɔsor Egya no, Obobuei w’akoma mu, na “ibenya nokwar nkãtse dze ama binom hɔn onnyiewiei yieyɛ na enyigye’’ (Preach My Gospel: A Guide to Missionary Service [2004], 118; hwɛ Moroni 7:48) so.
Fa dzi dwuma. Ibotum akyerɛ ayamuhyehye ber a iritsie na eretse ase. Fa woho hyɛ hɔn gyinabew mu na hwɛ mbrɛ hɔn nkãtse si tse. Sɛ obeye ama gyinabew na mber no a, ibotum aboa ma hɔn yaw, amandzehu, na ahohiahia no abrɛadze.
Dzi nkenyan do. Ewuradze botum eyi akwanhorow a yebotum dze akyerɛ ayamuhyehye akyerɛ hɛn a hɛnara yenntumii nnhuii. Sɛ Sunsum no putsi wo dɛ boa binom a, mma nntwentweɔn dɛ idzi bedzi dwuma.
Yɛ nyɛnko mãpa. Erekyerɛ ayamuhyehye botum ayɛ mberɛw dɛ mbrɛ erekyerɛ nokwar ahohia wɔ nkorɔfo hɔn abrabɔ mu. Suã dɛ ibetsie no asopa mu (hwɛ “Erosom ho Fapem: Ndzɛmba Enum a Etsiefo Pa Yɛ” Liahona, Obiradzi 2018, 6–9). Wo dɔ ma hɔn benyin, na ɔbɛyɛ mberɛw koraa dɛ ibohu akwanhorow a ibɛkyerɛ ɔdɔ.