Քույր Բինգհեմը ՄԱԿ-ում
2017 թվականի ապրիլի 13-ին, ելույթ ունենալով Նյու Յորք Սիթիում կայացած Միացյալ Ազգերի Կազմակերպության հավատքին նվիրված խմբային քննարկմանը, Սփոփող Միության գերագույն նախագահ Ջին Բ. Բինգհեմը հույս է հայտնել, որ կրոնական կազմակերպությունները «միասին կաշխատեն և փոքր ու հասարակ միջոցներով արտասովոր արդյունքների կհասնեն»:
«Կենտրոնանալ հավատքի վրա» տարեկան ճեպազրույցի ժամանակ Քույր Բինգհեմը խոսել է փախստականներին ուղղված Եկեղեցու մարդասիրական ջանքերի մասին և անկեղծ գոհունակություն է հայտնել բոլոր նրանց, ովքեր ներգրավված են տառապանքները նվազեցնելու «դժվարին, բայց հատուցվող աշխատանքում» ամբողջ աշխարհում:
Քույր Բինգհեմը վերջերս աշխատանքային այցով գտնվում էր Ուգանդայում, ՄԱԿ-ի մանկական հիմնադրամի (UNICEF) կողմից Քույր Շարոն Յուբանկի հետ, ով Սփոփող Միության Գերագույն Նախագահության առաջին խորհրդականն է և ՎՕՍ Բարեգործությունների տնօրենը: Քույր Յուբանկը մասնակցել է նաև Նյու Յորքում կայացած հանդիպմանը: