Iwaad

Idaresit nte Mbet Jesus Christ

Akananam nte mbufo emenyene idiok usen? Nso ke mbufo ekenam man enyene inemesit? President Uchtdorf odiongo ete ke “nnyin kiet-kiet imenyene iduoesit, edikpu, ye mfuho nnyin. Nnyin imekeme ndikop ekaha ndien ke ubak-ini nte ke nkpo oro eyekan nnyin.”

Iboro esie edi ndinam se enye okotde “uwem owo-mbet”: “du ke mbuotidem yung ka iso ke mbuotidem.” Ke ini nnyin ikade iso ke mbuotidem, nnyin iyekeme ndinim Abasi ke akpaniko, inim ewuho Esie, ndien inwam mbon efen—inyung inyene idaresit ke esit ofuri edinam oro! Nte President Uchtdorf eketingde ete ke, “Mmo emi edude uwem nte owo-mbet … edi mbon emi mkpri utom mmo anamde akamba ukpuhore.”

Kere-banga ndinam ibat mme usung nte mbufo edikemede ndidu uwem nte owo-mbet. Nte uwutnkpo, mbufo ndiwet ifiok utom-unwam nte “ Wam ete ye eka mbufo ndinam udia-mbubreyo” mme ifiok ke ndinam item nte “Edibong-akam nyom oyoho ime ye ndito-eka mbufo nim.” Ini efen emi mbufo ekopde mmem-idem mme mfuho, duri nwed-ibat mbufo oro sio, mek ifiok kiet, yung da nam nkpo se nte edidide!