Kairake
Te Mitinare n akea Arana ni Mitinare
N te reirei iai au tia reirei ae iai anuana ae kaanga e kona ni kakamaaka temanna ngkana e tibwa ana iango iaon te bwai are e maroroakinaki. N te bong teuana ti moana ara marooro iaoia mitinare Aika Itiaki ni Boong Aika Kaitira. I ataia I kona ni kaman kaeka ana titiraki, ma I namakinna bwa I riai n aki. Ngaia are I taekina ae bon tau ni karaua nanona tii ibukin te tai aei.
Ibukin tabeua wiiki ake imwiina I aki kona n taona iangoan ara maroro. N tokina, e roko te iango irou bwa I riai n anganna ana Boki Moomon ma tabeua kanikina iaona n taekan te mwakuri ni mitinare. I maaku n te iango aei, ma I bon karaoia. I ataia bwa bon te wirikiriki ae I riai n iria.
Tao uoua te namwakaina imwiina, I a katauraoa ana Boki Moomon. N abwakin te bong I namakina ae kaanga te boki e a bue ni karika te bwangabwanga inanon au baekibaeki. Te teniua n teekan are I anganna iai ngke N nang nako ni motirawa ibukin te winta bon te kabanea ni kakamaku inanon maiu.
N te moan bong are ti oki iai, I rirarikin ana umwanreirei ma I maaku n rinnako. Imwiina I ongo ae weteai, ao e anganai te kaati. I warekia n te tabo n nakonako. E koreia bwa e a tia ni kamatebwaia “n abwakin” te rongorongo are I a tia ni mwaakenna, ao ae e a moanna n noora bukin tabeua n au aro.
E a unga nanou n tibwa te euangkerio n te tai aei, ao I a unga riki ni beku ibukin Tamau are i Karawa n te mition n te tai ae waekoa.