Kaorōk Iien Am̧ Ekkatak Gospel in
Lale kilen katak kōn gospel in im pukot uwaak ko n̄an kajjitōk ko am̧ make ilo jetōb.
Elmen am̧ ekkatak n̄e kwōj pukot uwaak ko n̄an juon kajjitōk eim̧we ak bōlen kwōj kajjieon̄ in meļeļe jeje ko rekwojarjar? Meļeļe—kwe make. Eoktak an doon ekkatak kōn jikuuļ, ak jet iien jej meļo̧kļo̧k bwe jemaron̄ etale make ekkatak ko ad barāinwōt kōn gospel in. Tokālik n̄e elōn̄ am̧ kajjitōk, kajjieon̄ jet iaan men kein n̄an lale ta eo em̧m̧antata an jerbal ippam̧.
1. Ejaake
Kōm̧m̧ane juon laajrak, juon jaat, ak juon māāp. (Lale waanjon̄ok in ilaļ.)
Kōm̧m̧ane juon iaļan ekkatak ilo intōrnōt. Je naan ko im ļōmņak ko innām kobaiki ippān ļain ko im bubbles ko n̄an lale elmen aer juon wōt.
2. Je
Je ļōmņak im en̄jake ko kwōj būki ilo iien am̧ ekkatak jān jeje ko rekwojarjar ilo juon bok in jōnōļ im en emakijkij am̧ etale ļōmņak ko.
Je ļōmņak im en̄jake ko ālkin jar ko am̧, men̄e en̄jake ko rejjab alikar n̄an ta eo kwoj ekkatak kake. Lale ta eo Jetōb ej katakin eok aolep iien.
Je kajjitōk ko am̧ ilo juon bok, ilo taļboon eo am̧, ak ilo juon peba jidikdik ilo peet eo am̧ n̄an kakeememej eok im n̄an jipan̄ eok keememej ta eo kwōj ekkatak aolep raan.
3. Ron̄jake im Kōnono
Kōnono ippān ro jinōm̧ im jemōm̧ ak ritōl eo kwōj leke. Jerbale ippān doon. Emaron̄ bōk iien, ak kwonaaj kajoorļo̧k.
Katakin ro jet. Bōk iien n̄an kwaļo̧k ta eo kwar kōm̧m̧ane kiiō. Kwaļo̧k ta eo kwar ekkatak jān ro jet.
Ron̄jake jeje ko rekwojarjar ak LDS bwebwenato ko jet im kein katak ko.
4. Kappok
Lale kein jipan̄ ekkatak ko ilo jeje ko rekwojarjar im online (lale laajrak in ilaļ kōn kein jipan̄ ko ilo LDS).
Lale ilo LDS.org kōn pija ko im al ko kōn ta eo kwōj ekkatak.
Katak Meļeļe ko an Naan eo. Kappok bwebwenato ak jepta ko repaake katak eo kwōj ekkatak kake.
5. Kōm̧m̧an
Bōk bwebwenato jān jeje ko rekwojarjar ak kein jipan̄ ko jet. Elmen am̧ keidi eok make ippān armej eo me ekōm̧m̧an bwe en em̧m̧an am meļeļe ta eo kwoj ekkatak? Ta jekjek ko reinļo̧k wōt ilo mour eo am̧?
Kōm̧m̧ane juon scripture chain me ekobaik uwaak ko kwoj loi ilo jeje ko rekwojarjar. (Lale waanjon̄ok in ilaļ.)