M̧ae iien Jenaaj Bar Lo Doon
Kajoor eo an Anij
Jān juon kōnvono ilo kweilo̧k eļap an priesthood taitōļ “The Doctrine of the Priesthood,” Ensign, Māe 1982, 32–34, capitalization standardized.
Tōmak ej kajoor im kajoor ej priesthood.
City of Zaion Translated, jān Del Parson
Anij ej Anij kōnke E ej obrak kōn tōmak im aolep kajoor im aolep priesthood. Mour eo An im etan ej indeeo.
Im jon̄an eo jej kajjieon̄ erom āinwōt E ej jon̄an eo jej bōk An tōmak, bōk An kajoor, im kōjerbal priesthood eo An. Im n̄e jej erom āinwōt E ilo wāween eo ejjejet im m̧ool, innām jej barāinwōt bōk mour indeeo.
Tōmak im priesthood rej etal ippān doon. Tōmak ej kajoor im kajoor ej priesthood. Ālkin ad bōk tōmak, jej bōk priesthood eo. Innām, jen priesthood eo, jej kajoor ilo tōmak m̧ae, būki aolep kajoor, jej erom āinwōt ad Irooj.
Tōre in ad ilo mour in ej kōjeno̧ļo̧k juon iien kōppopo im mālijjon̄. Ej ad kālet ilo ijin n̄an kōweepānļo̧k ad tōmak im n̄an eddōkļo̧k ilo kajoor eo an priesthood. …
Priesthood eo ekwojarjar eaar kōweepān armej ro ilo tōre ko an Inok jen jabdewōt tōre. Āinwōt jeļā kake ilo kōlaajrak eo an Inok (lale K&B 76:57), ekar jen kajoor eo me e im armej ro an raar wanlōn̄ļo̧k. Im raar wanlōn̄ļo̧k kōnke eaar wōr aer tōmak im kar kōjerbal kajoor eo an priesthood.
Irooj eaar kōm̧m̧ane juon bujen indeeo ippān Inok bwe aolep ro renaaj bōk priesthood eo enaaj wōr aer kajoor, ilo tōmak, n̄an kean̄ im tōl aolep men otemjeļo̧k ioon laļ in, n̄an kajutak juon kumi in tariņae ilo āne ko, im n̄an jutak ilo aiboojoj im mour indeeo im̧aan Irooj.
Melkisedek eaar juon em̧m̧aan in tōmak, “im armej ro an rekar kōm̧m̧an jim̧we, im kar bōk lan̄, im kappukot jikin kweilo̧k Inok” (Ukok eo an Josep Smith, Jenesis 14:34). …
Innām, ta, katak eo ilo priesthood? Im elmen ad mour kake āinwōt ro rikarejeran Irooj?
Katak in ej bwe Anij Jemed ej juon armej aibojooj, eweepān, im eutiej tata eo ewōr aolep maron̄, kajoor, im iooj ioon aolep otemjeļo̧k, eo ejeļā aolep men otemjeļo̧k im Paoktokin ej indeeo, im ej jokwe ippān aolep baam̧le.
En̄in unin bwe Jemedwōj Ilan̄ ej m̧ōņōņō ilo aiboojoj in ilo weepān im kajoor kōn An tōmak ilo wānōk im priesthood eo An ej indeeo.
En̄in unin bwe priesthood in ilo lukkuun kajoor eo an Anij, im bwe eļan̄n̄e jenaaj erom̧ āinwōt E, jenaaj bōk im kōjerbal priesthood eo An ak kōjerbal ak kajoor eo ilo An kōjerbale. …
En̄in unin bwe ewōr ippād kajoor, kōn tōmak, n̄an kean̄ im tōl aolep men otemjeļo̧k, jim̧or ilo kanniōk im ilo jetōb; n̄an jerbale menin kabwilōn̄lōn̄ ko n̄an kaweepeļo̧k mour; n̄an jutak im̧aan Anij im erom̧ āinwōt E kōnke em̧ōj ad tōmak ilo E, An weepān, im An kajoor, ak ilo naan ko jet kōn tarlep in priesthood eo An.
Innām, en̄in, ej katak eo kōn priesthood, men̄e emaron̄ ak ļap ilo jabdewōt men. En̄in ej kajoor eo jej maron̄ bōke kōn tōmak im ilo jim̧we …
Em̧ool ewōr kajoor ilo priesthood—juon kajoor eo jej pukote n̄an kōjerbale, juon kajoor eo jej pukote ilo jar me emaron̄ pād iood im ioon ro ineed indeeo.