Star Ej Romaak
Rijeje eo ej jokwe ilo Colorado, USA.
“Em̧m̧an aō pād ijin ilo Būraimāri” (Children’s Songbook, 254).
Star eaar kookkōtaktak e nuknuk eo an. Āinwōt ekāāl an ekkanōk nuknuk n̄an mōn jar eo. Ilo m̧ōnjar eo mokta leddik ro rej ekkanōk jeraujij im kaduņe ilo Jabōt. Ak emo̧ ilo kabun̄ eo ij jar ie kiiō. E im jinen rej kab peptaij tok ilo Kabun̄ eo an Jisōs Kraist im Armej ro Rekwojarjar ilo Raan Kein Āliktata.
Star eaar ilbōk ke ej lale kūlaaj eo. Eaar lukkuun m̧ōņōņō ke ej kab kein kajuon an etal n̄an m̧ōnjar eo āinwōt juon membōr eo ekāāl, ak eaar barāinwōt ikūmkūm. Mokta, eaar pād ippān jinen aolep iien jar eo ilo m̧ōnjar eo. Ak ilo tōre in inaaj etal n̄an Būraimāri.
Star ej m̧ōņōņō kōn paatokin. Ta eo n̄e en kar jab koņ an pād ijen? Ta eo n̄e ajri ro jet ren kar jab kōņaan e?
“Star? Kwopojak ke? Jinen eaar kūri.
Eaar etetal laļ tak jān jikinwe eo. “Ijejjet ke?” eaar kajjitōk.
Jinen eaar ettōn̄. “Kwolukkuun aibojoj.”
Star eaar kōm̧m̧ane ļo̧k mejen. “Kwoj aikuj ba naan ne. Kwoj juon jinō.”
“Ejimwe am ba. Ij aikuj ba menin. Kōnke em̧ool.”
Star eaar ettōn̄ jidik. Jinō ekkā an kōm̧m̧an bwe en em̧m̧an aō mour. Ak ekar ikūmkūm wōt. N̄e en kar ejjeļo̧k ajri ekōnnaan kōnnaan n̄an e? Ekar wōr mōttan ilo jikin jikuul, ak raar jab membōr in kabun̄ eo an ekāāl. Eaar kōnņaan bwe en wōr juon mōttan bwe en etal im jar ippān.
“Ij kememej juon men ij aikuj kōm̧m̧ane,” eaar ba n̄an jinen.
Ekar ettōr lōn̄ļo̧k im bukwelōlō iturin peet eo an.” “Jemedwōj Ilan̄, jouj jipan̄ eō bwe en wōr mōtta. Ij tōmak bwe ta ko mijenede ro raar katakin eō kaki rem̧ool, ak Ij mijak wōt.”
Star eaar bukwelōlō im ron̄jake. Ālkin juon tōre eaar en̄jake juon en̄jake em̧m̧an im aeņōm̧m̧an, im eaar jab bar mijak.
Ilo mōn jar eo Star im Jinen raar jijjet turin juon baam̧le eo me ewōr jilu nejier leddik jiddik. Mama im baba ro rej kwaļo̧k kajjier im kōnnaan n̄an jinō mōkta jān an jino jar eo. Star eaar jipan̄ leddik ro kōļare juon pijain Jisōs.
Bishop Andrews eaar etal ippāier. “Sister Cunningham! Star! Em̧m̧an bwe ibar lo eok rainin.” Eaar em̧m̧an an ettōn̄dikdik n̄an er im idik peier im iakiakwe. Star emeļo̧kļo̧k jon̄an em̧m̧an eo an aolep ilo mōn jar eo. Bolen enkar kajeon̄ bwe en jeļā kajien aolep.
Ālkin kweilo̧k in kwojkwoj eo eaar etal n̄an Būraimāri. Ej reiļo̧k n̄an ajri ro jet ilo an mijak ke ej jijet. Raar kōnnaan n̄an doon im raar jab lukkun kile e. Star eaar ikūmkūm. Eto an baj make iaan.
Innem leddik eo me dettan wōt Star eaar delo̧n̄tok n̄an ruum eo. “Eaar lukkun bar mijak,” Star eaar ļōmņak. “Imaron̄ etal im kōnnaan ippān.”
Star eaar bōk kūtuwōn, innem etal ippān leddik eo. “Iakwe, eta in Star. N̄a rikāāl. Kokōņaan ke bwe in jijet turim?” Ekar bōk kūtūōn. Leddik eo en kar ke kōņaan mōttaiki?
Jidik wōt an leddik eo ettōn̄. “Eta in Sarah. Bar n̄a rikāāl. Baam̧le eo aō rej kab emakūt tok jān Ontario.
“Jinō im n̄a kōmro kar peptaij ruo wiik rem̧ootļo̧k,” Star ej ba. “Ijjab jeļā ta eo ij aikuj kōm̧m̧ane.”
Sarah eaar ļapļo̧k an ettōndikdik. “Jenaaj jimor pukōt kilen.”
Star im Sarah raar jijet turin doon ilo kūlaaj eo aero. Jet iien Star ej kalimjōk Sarah im ettōn̄ n̄an e. Sarah eaar bar ettōn̄ ļo̧k n̄an e. Eaar ineem̧m̧an im m̧ōņōņō. Eaar jeļā bwe Jemedwōj Ilan̄ eaar uwaake jar ko an im kar jipan̄ e bwe en wōr mōttan.
Ilo kūlaaj eo rikaki eo eaar kajjitōkin Star im Sarah bwe ren kwaļo̧k kajjeer.
Star eaar jutak. “Eta in Star Cunningham. Jinō im n̄a kōmro kar peptaij ruo wiik rem̧ootļo̧k.” Eaar bōjrak, im eaar ettōndikdik ke ej kalimjōk eo mōttan. “Im en̄in eo mōtta Sarah.”