2016
Elemen Kōm̧m̧an bwe Kraist en Unjen Mour ko Ad
October 2016


Uwaak ko jān Ritōl ro an Kabun̄ in

Ewi Wāween Ad Kōm̧m̧an bwe Kraist en Unjen Mour ko Ad

Jān juōn Brigham Young University–Idaho jar in jota kōm̧m̧an ilo Jeptōm̧ba 27, 2009.

Pija
holding the Book of Mormon

Jisōs eaar bōk ippān doon eo eweeppān ippān Jemed ilo leļo̧k Emake, jim̧or ilo ānbwin im jetōb, n̄an ankilan Jemed. Kōnono kōn Jemen, Jisōs eaar ba, “Ij kōm̧m̧an aolep men otemjeļo̧k n̄an kam̧ōņōņōik e” (Jon 8:29). Kōnke ekar ankilaan Jemed, Jisōs kar kinaak ļo̧k n̄an mej, “ankilaan Nejin naaj oran̄ļo̧k ilo ankilaan Jemān” (Mosaia 15:7). Jibadbad eo An ilo Jemed ej juon iaan pedped in jerbal in kwaļo̧k eo an Jisōs ilo alikkar im kajoor. Eaar ejjeļo̧k lainepata ilo E.

Ilo ejja wāween in wōt, kwe im n̄a maron̄ likūt Kraist bwe en unjen mour ko ad im erom̧ āinwōt E ilo An juon wōt ippān Jemed (lale Jon 17:20–23). Jemaron̄ jino juļo̧k aolep men ko jen mour ko ad innām bar jino jen jinoin bwe Rilo̧mo̧o̧r en ad unjen mour. Moktata jemaron̄ likūt men ko me rekkar n̄an keememej E iien otemjej—jar emakijkij, ekkatak im kōļmenļo̧kjeņ kōn jeje ko rekwojarjar, lukkuun ekkatak katak ko an rijilōk ro, kōppopo ilo wiik kajjojo n̄an bōk m̧ōttan kwojkwoj eo ilo erreeo, kabun̄jar ilo Jabōt, rekoote im keememej ta eo Jetōb ej katakin kōj kōn rikaļooraņ. Emaron̄ wōr men ko jet me renaaj itok n̄an ļōmņak eo am̧ me eļap aer ioonwaj eok ilo mour eo am̧. Ilo iien eo ejjejet im ekkar kōn men kein, bwe Kraist en unjen mour ko ad, eo ekar ņa jikin, bwe jen maron̄ jino kobaik tok eddo ko jet im men ko raorōk ilo tōre in im ko jet rekkar, āinwōt jeļāļo̧kjen im eddo ko an jerbal ko ad make. Ilo wāween in men eo eaorōk eban kobrak mour ko ad kōn men eo em̧m̧an, im kowaan men ko reddik aer aorōk naaj kadikļo̧k men eo m̧oktata ak an jimor jako ļo̧k.

Men̄e eban pidodo, emaron̄ jejjet ad wōnm̧aanļo̧k kōn tōmak ilo Irooj. Ij kam̧ool bwe ewōr iien ikdeleel im iien n̄an keememej iien otemjej im ļoor Rilo̧mo̧o̧r eo. Jej aikuj kijenmej ilo jerbal n̄an jem̧ļo̧kin im jar iien otemjej n̄an jeļā jipan̄ eo ekkar jej aikuji (lale 2 Nipai 32:9).