Emoot im Eo̧n̄ōd
Rijeje eo ej jokwe ilo Georgia, USA.
Hayden eaar jab kōņaan kōttar in ilo̧k in eo̧n̄ōd! Eļan̄n̄e Dan en kar jab itok. …
“Ewōr aō baam̧le jin lo laļ in. Rej em̧-m̧an tok n̄an eō.” (Children’s Songbook, 188).
“Būki tok kein eo̧n̄ōd kane. Eiien eo̧n̄ōr!” Jemān ekar ba.
Hayden eaar ettōn̄ dikdik ke ej reito reitak. Aolep men raar meram im lur. Raar make wōt ilo lo̧jet!
Ālkin baba, Hayden eaar etal likin ļo̧k wa eo im jibwi tok kein eo̧n̄ōd ko jen likin wa eo. Eaar eddo, ak eaar jab kea. Eaar ineeki ruo alen an eddo ļo̧k bwe en etal im eo̧n̄ōd ippān baba.
Bwā ko raar lemlem ippān doon ke baba ej jibwi nam̧ōjtak. “Āinwōt Dan ekiki,” eaar ba. “Kwomaron̄ ke karuji?”
Hayden eaar m̧akoko. “Uh, ekwe.”
Eaar baj wōt meļo̧kļo̧k bwe ļaddik eo jatin, Dan, en kar bar etal. Aolep iien Dan ej ettōr to ettōr tak im ekeroro. Eaar kakoik aolep ek ko!
Eaar reilo̧k jen juon wūntō. “Dan, kwon jerkak.”
Ak Dan eaar kiki wōt.
Hayden eaar bōjrak jidik. Kōn jeram̧m̧an, Dan emaron̄ kiki aolepān tūreep in.
Hayden eaar jibwe ļo̧k kein eo̧n̄ōr eo n̄an baba iturin bārijet.
“Mo̧o̧r ko kein, kein kam̧am̧am̧ im aolep men!”
Baba eaar bōk bo̧k in eo̧n̄ōd eo jen e. “Em̧m̧an, kom̧m̧ool.” Innām baba eaar reito reitak. “Ewi jatūm̧?”
Hayden eaar reilo̧k n̄an wa eo. Ālkin jidik iien eaar ļōmņak elemen an naaj en̄jake n̄e eruj im make iaan ilo juon jikin. Ejjab em̧m̧an, Hayden eaar ļōmņak. Ilo m̧ool, eaar bōlen lukkuun mijak. Im Dan eaar lalem wōt an iiō.
“Jidik iien, Baba. Inaaj bar ro̧o̧l tok.” Ak ke ej reilo̧k n̄an wa eo, Dan eaar jako!
Hayden eaar jab ron̄ jabdewōt em̧akūtkūt. Aolep men raar ikūn̄.
“Dan ejako ijin!” Hayden eaar lam̧ōj.
Baba eaar m̧ōkaj tok im bar lale wa eo.
Bōlen ej pukot kōj,” Baba eaar ba. “Eaar jidik wōt iien. Eban etto ļo̧k.”
Hayden eaar kajieon̄ in ikūn̄, ak eaar mijak. “Imaron̄ ke jar?”
“Ij ļōmņak ej juon pepe em̧m̧an.”
Hayden eaar kam̧m̧oolol Jemed Ilan̄ kōn ļaddik eo jatin im kar kajjitōk bwe ren loe Dan iien eo em̧ōkaj bwe en jako an mijak.
Ke eaar dedeļo̧k an Hadyen jar, eaar jako an mijak.
Baba eaar likūt pein ioon aeran Hayden. “Ta eo eļan̄n̄e kwon kar Dan? Kwon kar etal n̄an ia?”
Hayden eaar keememej bwe kōjem in wa eo eaar peļļo̧k. Dan eaar bōlen jab lo aer pād bārijet. Hayden eaar jitōn̄ ļo̧k iaļ eo epaak. “Inaaj jino etetal iaļ en ļo̧k,” eaar ba.
Raar ekairiir ļo̧k ilo iaļ eo ļo̧k.
Raar jidik jidik kajjojo iien. Ke ej etetal, Hayden eaar jar wōt ilo būruwōn. Ālkin jejjo̧ ne, raar itok ilo juon bōōl ilo iaļ eo im lo Dan.
“Dan!” Hayden eaar lam̧ōj.
Dan eaar oktak tok im ettōn̄. “Ah, kom eaar etal n̄an ia?”
Iien eaar bar m̧ōkaj. Hayden eaar ettōr ļo̧k n̄an ippān Dan im lukkuun atbokwoje.
“Im̧ōņōņō bwe kōm lo eok,” Hayden eaar ba. Eaar leļo̧k juon jar in kam̧m̧oolol ilo būruwōn.
Dan eaar ettōn̄ dikdik. “Ewi ek ko?”
“Itok, inaaj kwaļo̧ki,” Hayden eaar ba. Eaar jab kōņaan kōttar in etal n̄an lo̧jet. “Jen lale wōn eo jinoin enaaj kojōk kuņan. Inaaj jipan̄ kōmoroor keej eo am̧.”