Բարի գործեր աշխարհով մեկ
Վերջին օրերի սրբերը շարունակում են հետևել «բարիք գործելու» Փրկչի օրինակին (Գործք 10․38)։ Ահա վերջին օրինակներից․
Աբու Դաբիում, Արաբական Միացյալ Էմիրություններ, Եկեղեցու անդամները և ընկերները Մերձավոր Արևելքի ինը երկրներից մասնակցում էին համաժողովի և միջկրոնական մարդասիրական ծրագրին։ Նրանք հավաքել և բաժանել են 8500 հիգիենայի պարագաներ և սննդի փաթեթներ։
Ուգանդայում երկու ատամնաբույժ և բերանի խոռոչի հիգիենայի երեք մասնագետ, բոլորն էլ վերջին օրերի սրբեր, մեկ շաբաթ աշխատել են, կատարելով ատամնալիցքեր, հեռացնելով և մաքրելով ատամներ, սովորեցնելով բերանի խոռոչի հիգիենա և փոխանակելով լավագույն փորձը տեղական ատամնաբույժերի և ուսանողների հետ։
Մալազիայում Եկեղեցու անդամների ուշադրությունը ընտանիքն էր՝ Չինական Նոր Տարվա տոնակատարությունների ժամանակ, երբ, ըստ ավանդույթի, մարդիկ այցելում են գերեզմաններ, հիշելով և պատվելով իրենց նախնիներին։
Թաիլանդում 18-35 տարեկան անդամները հավաքվել էին Բանքոքում խոհարարության մրցույթի և ծառայության ծրագրի մասնակցելու համար։
Ֆիջիում անդամները և միսիոներները փրկարար աշխատանքներ են կատարել Վինստոն ցիկլոնից տուժածներին օգնելու համար։ Եկեղեցու ղեկավարները պետական և հասարակական կազմակերպությունների հետ միասին մատակարարել են սնունդ, ջուր, վրաններ, հիգիենայի պարագաներ և առաջին անհրաժեշտության այլ իրեր։