2016
Katak Kojan̄ juon Al ium̧win 10 Minit!
Eprōļ 2016


Katak KŌJAN̄E juon Al ium̧win 10 Minit!

Pija
learn to play a hymn 1
Pija
learn to play a hymn 2
Pija
learn to play a hymn 3

Eļan̄n̄e kojjan̄in kar kōjan̄jan̄ piano mokta ak kwar baj kōņaan wōt katak, en̄in ej juon iien em̧m̧an n̄an kwe. Men eo de ņe kwoj aikuji ej juon am̧ kein kōjan̄jan̄. Men̄e ejjeļo̧k juon ilo m̧weo m̧ōm, komaron̄ bōk bok in ippām n̄an juon jikin eo ijo ewōr piano ie ak kein kōjan̄jan̄ n̄an jino ekkatak.

Katak in em̧m̧an im epidodo jon̄an komaron̄ kojan̄ juon al. Ilo m̧ool, komaron̄ kōjan̄ juon ainikien al ium̧win wōt 10 minit!

Pojak? Jen jinoe!

Pojak ke in Kōjan̄ Piano eo

  1. Ilo am̧ jijjet ilo piano eo im likūt addin peim ioon keyboard eo, kōmakūt jidik jea eo likļo̧k n̄an jon̄an eo me elbow kane am̧ ren nukjek jidik.

  2. Jijjet ilo ioļapān jea eo, ikkijen wōt ioļapān keyboard eo.

  3. Jijjet m̧aanļo̧k ilo jabōn jea eo me likūm im eddoim en āinwōt iuunm̧aanļo̧k eok n̄an kōjan̄jan̄ eo.

  4. Likūt ne ko neem ilo laļ.

  5. Kakoņ am̧ jijjet, im jab m̧akūtkūt.

  6. Lale bwe en meram bwe kwon lo al ko im keyboard eo.

  7. Jutak. Likūt peium̧ iturājet im kakkijeiki. Kile lukkuun jekjek in peim, āinwōt n̄e rej jibwe juon bo̧o̧ļ. Ilo am̧ bar jijjet, likūt addin pein ioon keyboard eo, dāpij wōt jekjek eo.

  8. Likūt peim ioon keyboard eo, kōtļo̧k bwe peim en jibwe epaakeļo̧k ioļap in jikin eo ekilep ilo key ko remouj. Likūt peim ioon keyboard eo, ak kwon jab lukkuun jooni key ko ak ioon alal eo laļin key ko.

  9. Jiped key ko kōn m̧aan addin peim. Dāpij wōt jekjek in addi ko, kotake kōn nakōl kane am̧ ilo laļin peim. Ilo am jiped key eo, lale bwe ren āinwōt re kop addi kane.

Kajejjet Addi ko ilo key ko rekkar

N̄an jipan̄ eok likūt addi eo ejjet ilo kajjojo key, addi ko rej letok jejjet in key ko me rej kwaļo̧k ijin. Addi ko ilo key ko me emōj likūti turin noot ko ilo peij eo.

Likūt peim ioon jabdewōt kurup in key ko laļem, dāpij kajjojo addi ioon juon key. Kamineneik addi ko ilo key ko ilo am kōjan̄ key ko kōn addi ko rekkar ilo an kwaļo̧k. Noot ko me ewōr line ko rekajim̧we me rej walōn̄ļo̧k. Noot ko me ewōr line ko rekajim̧we ak rewalaļļo̧k.

Kōjan̄ “Ewōr Juōn Tol Emamroro”

Likūt pā ko peim ioon keyboard eo āinwōt an kwaļo̧k ijin ilaļ.

Kōjerbal kurup in ruo im jilu key kilmeej ko n̄an jipan̄ eok kajim̧we jekjekin am̧ likūt peim.

Kōjan̄ al in, ilo am ļoor addi ko rejjet ilo key ko āinwōt an waļo̧k. Noot ko me ewōr ļain ko rekajimwe im walōn̄ļo̧k n̄an pe eo tuanbwijmaron̄, im noot ko me ewōr line ko rekajimwe im walaļļo̧k ilo tuanimiin̄. Kamminene kōjan̄ al in m̧ae iien kominene kake. Kōjerbal katak n̄an kōkm̧anm̧anļo̧k wāween am kōjan̄ key ko kōn addin peim.

Kiiō emōj kwaļo̧k kilen kōjan̄jan̄ piano im emōj katak tōņ in juon al epidodo. N̄an kōjan̄ al ko jet, kwoj aikuj katak jet katak ko repidodo kōn biit in, tōņ in, im noot ko.

En̄in ej mōttan eo em̧m̧an tata: katak eo emōj am katak kake ej katak eo jinoin tata ilo Kooj in an Kabun̄ in ikkijen Kōjan̄jan̄, ewōr ilo jijino kajin.1 Karōk in Kōmeļeļe eo etan easy-to-follow ejipan̄ eok katak make iaam ak ilo kurup ko. Komaron̄ kakobaiktok baam̧le eo am̧ bwe ren ekkatak ippān doon āinwōt juon nokon in jota an baam̧le. Kooj in emaron̄ dedeļo̧k ilowaan wōt jijino wiik.

Elōn̄ ekkatak ko rej kwaļo̧k bwe ekkatak al ko me an private rejipan̄ kōkm̧anm̧anļo̧k elmekot an rijikuuļ ro, em̧m̧an aer katak ilo jikuuļ, im wōr aer kapāāl.2

Ilo ad ekkatak kapāāl ikkijeen al, jemaron̄ kōļapļo̧k talōņ ko ad me Irooj eaar litok n̄an kōj, kōļapļo̧k jeļāļo̧kjeņ ko ad, im katak elōn̄ wāween ko roktak me jemaron̄ kōjerbal jeļāļo̧kjeņ ko ad im talōņ n̄an kalōk aelōn̄ in kiin̄ eo an Anij.

Kakeememej ko

  1. N̄an wortōr i tok Bok in Ekkatak kein ikkijeen Kōjan̄jan̄, etal n̄an store.lds.org.

  2. Lale Laura Lewis Brown, “The Benefits of Music Education,” pbs.org; Jessica Velasco, “How the Arts Can Help Students Excel,” the Science of Learning Blog, Dec. 11, 2012, scilearn.com/blog/how-arts-help-students-excel; “Music Helps Children Learn Maths,” The Telegraph, Mar. 22, 2012, telegraph.co.uk.