M̧ae Iien Jenaaj Bar Lo Doon
Pukot MENNIN Letok ko an Jetōb
Jān Būreejtōn George Q. Cannon (1827–1901)
Rikakpilōklōk eo Kein Kajuon ilo Būreejtōnji eo Kein Kajuon
Jān The Latter-day Saints Millennial Star, Apr. 23, 1894, 258–61; punctuation and capitalization standardized.
Ewōr jete iami rej pukot menin letok kein me Anij eaar kallim̧ur kake n̄an litok?
Pija jān iStock/Thinkstock
Kajjojo em̧m̧aan im kōrā ilo Kabun̄ eo an Kraist remaron̄ būki menin letok ko an Jetōb in Anij n̄an er ekkar n̄an tōmak ko aer im ankilaan Anij barāinwōt. …
Ewōr jete iami … rej pukot menin letok kein me Anij eaar kallim̧ur kake n̄an litok? Ewōr jete iami, n̄e kwoj badikdik im̧aan Jemedwōj Ilan̄ ilo baam̧le eo ami ak jikin ko renojak, kajjitōk kōn menin letok kein n̄an litoki iood? Ewō jete iami ej kajjitōk ippān Jemed, ilo etan Jisōs, n̄an kwaļo̧k E make n̄an eok kōn kajoor kein im menin letok kein? Ak em̧m̧an ke am̧ kōm̧m̧an jān raan n̄an raan, āinwōt an injeej in kōjem̧ eo kilōk peļļo̧k, n̄e tōmak ejjab jerbal, kajjitōk n̄an peptaij im erom̧ juon membōr in Kabun̄ in im kakkije ijeņ, ļōmņak bwe lo̧mo̧o̧r eo am̧ ejokne kōnke kwoj kōm̧m̧ane menin? …
… Ijeļā bwe Anij ej kōņaan kemour rinan̄inmej ro, bwe Ej kōņaan letok menin letok ko n̄an jeļa jān jetōb, menin letok eo an māletlet, an jeļāļo̧kjeņ im an kanaan, im menin letok ko jet me remenin aikuj. Eļan̄n̄e elōn̄ iaad rej bōd, ej ad eddo n̄an jar kōn menin letok eo bwe en kōm̧m̧an bwe jen wānōk. Ewōr ke aō bōd? Iobrak kaki. Ta eddo eo aō? N̄an jar n̄an Anij n̄an letok n̄an eō menin letok ko me naaj kajim̧we bōd kein. Eļan̄n̄e in kar juon em̧m̧aan elulu, innām ej aō eddo n̄an jar kōn iakwe em̧ool, eo ej meanwōd im jouj. Ij ke juon em̧m̧aan eo ej ebanban? Ej aō eddo bwe in pukot iakwe em̧ool, eo ejjab ebanban. Āindein ippān aolep menin letok ko an gospel in. Rej kōttōbar eo n̄an jibadbad in. Ejjeļo̧k juon em̧m̧aan emaron̄ ba, “O, eban bōjrak aō kōm̧m̧ane menin, ej aō jerbal.” Ejjab errā ilo menin, bwe unin an Anij kar kallim̧ur n̄an letok kajoor n̄an kajim̧we men kein, im n̄an letok menin letok ko me naaj juļo̧ki. Eļan̄n̄e jabdewōt armej ej aikuj meļetļet, ej an eddo n̄an kajjitōk ippān Anij kōn meļetļet. Ej āinwōt men ko jet. En̄in ej karōk eo an Anij kōn Kabun̄ eo An. Ej kōnaan bwe Armej ro Rekwojarjar An ren wānōk ilo m̧ool. Bwe kōn jibadbad in En letok menin letok ko im litok ņae iood men ko ro rej pukoti, bwe ren maron̄ in armej ro rewānōk ioon mejen laļ in, jutak ņae m̧ōjņo̧ ko aer rellōn̄, kōnke Anij eaar kallim̧ur n̄an litok menin letok kein me rekkar n̄an wāppen eo aer.