KALIKKAR
Kōmeļeļe Kein Rejim̧we Ke?
Rijeje eo, eo ekar jokwe ilo Colorado, USA, emōj an jako ilo iiō eo ļo̧k.
Juon iien baajkōļ ekar lukkuun kareel eō bwe ij aikuj in pukōt tōl an Irooj ilo mour eo aō.
Jet iiō rem̧ootļo̧k, ikar pād ilo juon iien baajkōļ ilo France ippān leddik eo jatū, leddik eo ippān ļeo jatū, im leddik eo nejin. Kajjojo jibbon̄, kōm̧ij bōk jilu peij in kōmeļeļe ko, im eļan̄n̄e kōm̧ naaj ļoori, enaaj tōlļo̧k kōm̧ n̄an mejān kajjik eo am̧ raan eo. Ke kōm̧ kar kabooļe wōjke vine ko, kōmeļeļe ko remaron̄ jiron̄ kōm̧ bwe kōm̧in “etal 165 ne (50 m) tuiōn̄, innām jeer ninean̄ļo̧k im wōnm̧aanļo̧k wōt 330 ne (100 m).” Kōmeļeļe ko remakijkij aer letok kōkkaļļe ko im etan iaļ ko.
Juon jibbon̄ ke kōm̧ kar ettōr laļļo̧k ilo juon iaļ ak ejjab etto kōm̧ kar kile bwe kōmeļeļe ko rekar jab jejjet n̄an jikin eo. Ekar mōkaj am̧ jebwābwe, kōm̧ ar kajjieon̄ jepļaakļo̧k n̄an iaļ eo im ijo kōm̧ pād ie āliktata n̄an lale eļan̄n̄e kōm̧ maron̄ kar lale ia eo kōm̧in etal ie ļo̧k.
Āinwōt am kar kōtmāne, ke kōm̧ ar tōpar ijo, kōm̧ ar loe juon kōkkaļļe edik, ekar jeje ilo kōmeļeļe ko am, eo me kōm̧ ar jab mijek e. Ejjab etto kōm̧ ar bar etal wōt, keidi eddōkļo̧k eo am ippān kōmeļeļe ko, ko bar juon alen rekar jab letok am n̄ūrbōktak.
En̄jake in ej katakin eō juon wāween eo epidodo juon katak me ej uwaake juon kar aō kajjitōk epen. Etke, n̄e juon armej ewōr juon an naan in kam̧ool kōn gospel in, enaaj ke ak emaron̄ ke etal jāne? Ekar jino alikkar n̄an n̄a bwe n̄e jej bōk juon iaļ ebōd (jerawiwi) ak likjab in ļoor kien ko an Anij, kōmeļeļe ko (naan ko an Anij) ejako aer letok juon bōklōkōt em̧m̧an. Māb eo, āinwōt kar m̧okta, ej jab maron̄ jerbal ilo jikin eo jej pād ie. Eļan̄n̄e ekar jab aitok ad jebwābwe, jemaron̄ kile bwe jorrāān eo ej ad im jej aikuj in bar ro̧o̧l (ukweļo̧k) ak bar kallim̧ur n̄an mour āinwōt an Anij kar kakien kōj kōn jikin eo jejeļā bwe jekar ļoor iaļ eo ejim̧we.
Jet iien jej kajitūkin kōmeļeļe ko n̄e kōmeļeļe ko rejjab ekkar n̄an ijo jej pād ie. Ijjelo̧kin ad oktak likļo̧k, jej jekpen ņae kōmeļeļe ko im etal jāni. Āliktata, ad ebweer jān kōttōbar ko an mejān kajjik eo ad, jej jebwābwe, jebwābwe ilo iaļ ko remaron̄, ad ilo jidik wōt iien, relukkuun kōmājmāj ak reban bōkļo̧k kōj n̄an ijo jej aikuj etal n̄ane.
Aolep raan ewōr ad iien em̧m̧an n̄an katak jeje ko rekwojarjar. Im aolep jiljino allōn̄, ej wōr ad iien em̧m̧an n̄an alooje im ron̄jake kweilo̧k eo eļap an Kabun̄ in. Iien kein rej ke iien ko me jemaron̄ in etale māb in iaļ in itok itak eo ad im lukkuun lale n̄e jej pād ijo jej aikuj in pād ie? Juon iien, ke ij ron̄jake kweilo̧k eo eļap, ikar en̄jake bwe, kōj āinwōt ro rejjab wāppen, jemaron̄ in jeļā bwe jej pād ilo iaļ eo ejim̧we eļan̄n̄e kōmeļeļe ko rej jejjet im em̧m̧an n̄an kōj.
Aaet ilo ad ļoor kālet ko rejim̧we renaaj tōlļo̧k kōj n̄an mejān kajjik eo ad ilo mour in, ekkatak jān jeje ko rekwojarjar im eo̧ron̄ kapilōk ko an rikanaan ro remour renaaj kōm̧man bwe jen etale iaļ in ito itak eo ad im kajim̧we eļan̄n̄e ej menin aikuj, eļaptata, ilo ad itaakļo̧k ilo kapijuknen eo ad ilo celestial.