Jāān n̄an Jemedwōj Ilan̄
Rijeje eo ej jokwe ilo North Carolina, USA.
“Keep the commandments. In this there is safety and peace” (Children’s Songbook, 146).
Ana eaar meik tortilla eo kijen. Ekar pidodo im enno. Eaar enno tortilla ko kijen jibun ippān Ana. Raar m̧ōn̄ā kōm̧abun̄ ko renno tata.
Ana eaar kalimjek an jibun, Abuela, kwaļ kōnno̧ ko.
Eaar āinwōt aolep jibbon̄. Ak juon men eaar jab āinwōt.
Abuela ekkā an etal n̄an market eo im wia. Ak ejjab rainin. Ranin eaar ejjeļo̧k jāān n̄an wia m̧ōn̄a.
“Ta eo jenaaj m̧ōn̄ā ilju?” Ana eaar ļōmņak.
Innām Ana eaar keememej. Ekar jeļā ijoko ekar wōr jet jāān ie! Jota eaar lo an Abuela likūt jet jāān ilo juon nuknuk mouj.
“Abuela, kwar meļo̧kļo̧k ke? Ewōr am̧ jāān n̄an wia m̧ōn̄ā.”
“Jāān rot?” Abuela eaar ba.
Ana eaar ettōr ļo̧k im būki tok jāān ko. Eaar kejobelbel nien jāān ko. Clink! Clink!
Abuela eaar ettōn̄ dikdik. “Juon m̧ōttā jon̄oul eo ad ņe, Ana. An jāān ņe.”
“Ta eo jenaaj m̧ōn̄ā ilju?” Ana eaar ba.
Abuela eaar ba, “Jab inepata,”. “Ij tōmak bwe Jemedwōj Ilan̄ enaaj jipan̄ kōj.”
Raan eo juon Abuela eaar leļo̧k tortilla eo kijen n̄an Ana. Innām eaar jijet laļļo̧k ilo jea eo an. Eaar likūt wūt būrōrō eo ilo juon nuknuk im kwaļo̧k bwebwenato ko ke eaar juon leddik jidikdik. Eaar jab inepata.
Innām Ana eaar ron̄ kōllaļaļ. Eaar ettōrļo̧k n̄an kōjem̧ eo.
“Uncle Pedro!”
“Ewōr juon aō en̄jake bwe in lotok kom̧iro,” Uncle Pedro eaar ba. Eaar likūt jilu pāāk ioon tabōļ eo. Juon ewōr pilawe corn n̄an kōm̧m̧an tortilla. Eo juon ewōr jālele ie. Eo juon ewōr leen wōjke ko jān market eo.
“O, neju jitenbōro,” Abuela eaar ba. “Inaaj kōm̧m̧an kijōm̧ soup in meatball en enno tata!”
“Soup ņe am ej make wōt enno tata ilo laļ in,” Uncle Pedro eaar ba.
Ana eaar ettōn̄ im kabokbok.
Innām ekar bōjrak. Ewōr juon men ekōnaan jeļā. “Abuela, kwar jeļā ke Uncle Pedro en kar itok rainin? Unin am̧ jab inepata ke?
“Jaab,” Abuela eaar ba. “N̄e ij kōļļā juon m̧ōttan jon̄oul, ewōr aō tōmak bwe Jemedwōj Ilan̄ enaaj kōjeram̧m̧an eō. Im Ekar!”
Ana ekar atbokwoj Abuela. Ej en̄jake ke ej make wōt leddik eo elem̧ōņōņō ilo Mexico. E im Abuela raar tōmak ilo Jemedwōj Ilan̄. Kiiō ejjab kōņaan kōttar n̄an m̧ōn̄ā soup ko renno an Abuela.