Մ. Ջոզեֆ Բրուգ

Երիտասարդ Տղամարդկանց Գերագույն Նախագահության երկրորդ խորհրդական

Երեք տարիների ընթացքում, երբ Մ. Ջոզեֆ Բրուգը ծառայում էր որպես նախագահ Գվատեմալայի Գվատեմալա քաղաքի կենտրոնական միսիայում (2011թ.-ից մինչև 2014թ.), մահացան և’ նրա հայրը, և’ նրա կնոջ հայրը:

Թեև նրա կինը կարող էր վերադառնալ Միացյալ Նահանգներ՝ թաղմանը ներկա լինելու համար, սակայն երկու դեպքերում էլ զույգը որոշեց, որ նա մնա Գվատեմալայում և շարունակի իրենց միսիոներական աշխատանքը: «Մենք գիտեինք, որ ավելի լավ է մնայինք և աշխատեինք, որքան որ կարող էինք», - ասել է եղբայր Բրուգը, ով 2015թ. ապրիլի 4-ին հաստատվել է որպես Երիտասարդ Տղամարդկանց Գերագույն Նախագահության երկրորդ խորհրդական: «Դա այն էր, ինչ մեզանից կակընկալեին նրա և իմ հայրերը»:

Եղբայր Բրուգը ծնվել է 1963թ. դեկտեմբերի 11-ին Սոլթ Լեյք Սիթիում, Մոնթե Ջ. և Ադա Բ. Բրուգերի ընտանիքում: Իր երիտասարդ տարիները նա անցկացրել է Յուտայի Ֆարմինգթոն և Վայոմինգի Ռոբերթսոն քաղաքներում: Ընտանիքը տեղափոխվել է Մինեսոտա, երբ Ջոզեֆի հայրը, որը հետագայում ծառայել է որպես Յոթանասունի անդամ, կանչվել էր որպես միսիայի նախագահ: Ջոզեֆը ավագ դպրոցի ավագ աշակերտ էր, երբ նրա հայրն ավարտեց միսիայի նախագահի իր ծառայությունը: Ավագ դպրոց վերադառնալու փոխարեն Ջոզեֆը ավագ դպրոցի մակարդակի քննություն հանձնեց և միանգամից ընդունվեց Վեբերի Պետական Համալսարան՝ Օգդենում, Յուտա:

Նրա ծնողները, սակայն, պնդեցին, որ նա ավարտի սեմինարիան՝ քառամյա վկայականով: Դեյվիսի ավագ դպրոցի սեմինարիա հաճախելու ժամանակ նա հանդիպել է իր ապագա կնոջը՝ Էմիլի Ջեյն Թոմփսոնին: Նրանք ամուսնացել են 1985թ. ապրիլի 25-ին Սոլթ Լեյքի տաճարում, և չորս երեխաների ծնողներ են:

Նախքան ամուսնանալը եղբայր Բրուգը միսիոներ էր՝ Գվատեմալայի Քուետցալտենանգո միսիայում: Նա ասել է, որ իր միսիայի նախագահը՝ Ջորջ Հ. Պերեզը դարձել է իր կյանքի ամենաազդեցիկ մարդը:

Յուտայում Ռոթեյշնըլ Մոլդինգի հիմնադիրը և սեփականատերը լինելով, նա բակալավրի աստիճան է ստացել ֆինանսների ոլորտում, ինչպես նաև բիզնեսի կառավարման մագիստրոսի աստիճան՝ Յուտայի Համալսարանում: Եկեղեցում նա ծառայել է որպես եպիսկոպոս, ծխի Երիտասարդ Տղամարդկանց նախագահ և բարձրագույն խորհրդական: