Kadkad in mour ko an Jisōs Kraist: Ļaddik Ejjeļo̧k an Jerawiwi

Kanooj jar ilo ekkatak kōn katak in im pukōt n̄an jeļā ta eo n̄an kwaļo̧k. Ekōjkan ami naaj meļeļe mour eo im mijen eo an Rilo̧mo̧o̧r eo ej kōļapļo̧k tōmak eo ami ilo E im kōjeram̧m̧an ro kwoj (bōk eddoier) mije er kōn naan in katak an kōrā? N̄an meļeļe ko reļļapļo̧k, etal n̄an reliefsociety.lds.org.

Tōmak, Baam̧le, Deeor

Pija

Meļeļe bwe Jisōs Kraist ejjeļo̧k an bōd im ejjab rim̧oņ enaaj jipan̄ kōj kajieon̄ ļoor waanjon̄ok eo An. Elder Joseph B. Wirthling (1917–2008) jen Doulul eo an Jon̄oulruo Rijilōk ro eaar ba: “Bōd ej n̄an m̧one ak tōl ļo̧k n̄an jako. … Juon armej eo ejjeļo̧k an bōd ej juon armej ejjeļo̧k an jerawiwi, m̧ool, im kwojarjar, eo mour eo eiokļo̧k imminene eo ej kwaļo̧k kadkadin ilo kajjojo iien an m̧akūtkūt n̄an pedped in katak ko an m̧ool. … Ij tōmak bwe membōr ro an Kabun̄ in ewōr aer bōd me emaron̄ kōm̧m̧an bwe ren kiiō m̧ōkaj ilo bar juon tōre kōnke elōn̄ wāween ko ilo laļ in rejjab meļeļe kaki kōn aorōk eo an erreeo.”¹

Kōn m̧oņ, Būreejtōn Dieter F. Uchtdorf, Rikakpilōklōk eo Kein Karuo ilo Būreejtōnji eo Kein Kajuon, eaar ba: “Ejjeļo̧k juon iaad ej āinwōt Kraist eo jej aikuj in kar āinwōt. Ak jekōņaan in eļļā ioon bōd ko ad im kōņaan in jerawiwi. Kōn būruwōd im ad jej jānuwaade ad em̧m̧anļo̧k kōn jipan̄ eo an Pinmuur eo an Jisōs Kraist.”²

Jejeļa “jenaaj ekajet ekkar n̄an kōm̧m̧an ko ad, kōņaan ko an būruwōd, im kain armej rot kōj.”³ Aaet ilo ad kajieon̄ in ukweļo̧k, jenaaj erom̧ erreeo—im “em̧ōņōņō ro erreeo būruweer: bwe renaaj lo Anij” (Matu 5:8).

Bar Jet Eoon Ko

Sam Ko 32:2; Jemes 3:17; 1 Piter 2:1–2, 22

Jān Jeje ko Rekwojarjar

Ajri ro reddik ejjeļo̧k aer jerawiwi. Jisōs Kraist eaar ba: “Kom̧win likūt ajri raņ bwe ren itok n̄an Ippa; kom̧win jab bōbrae er; bwe aierwōt, aer aelōn̄ in Anij. Im ej jiburlep er, im likūt Pein ioer, im jar kōn er.” (Mark 10:14, 16).

Kraist eaar barāinwōt kwaļo̧k n̄an ajri ro ilo Amedka ālkin An dōbwāāl. Eaar jiron̄ armej ro bwe ren bōktok ajri ro reddik nejier n̄an Ippan im “kar kajijet er iturin, im Jisōs eaar jutak ippan jarlepju eo; …

“… [Im] ke Eaar ba naan kein, Eaar jan̄, im jarlepju eo eaar kam̧ool e, im Eaar bōk ro re dik nejier, juon ilo̧k juon, im kōjeram̧m̧an er, im jar n̄an Jemān kōn er. …

“Im ke raar reilo̧k n̄an lale raar bōk mejāer im reilo̧k n̄an lan̄, im raar lo bwe lan̄ ko re peļļok, im raar lo enjel raņ rej wanlaļ tak im jepooļe ro re dik ipeļaakier, … im raar pooļ kōn kijeek; im enjeļ ro raar jipan̄ er” (3 Nipai 17:21–24).