Jodikdik ro
Āinwōt Sara
Rijeje eo ej jokwe ilo Utah, USA.
Ekijon̄ pen aō kōjerbal tōmak ko aō āinwōt juon uwaak n̄an kajjitōk in āinwōt “Etke kwojjab idaak kope?” Jem̧aan ikijon̄ jekpen ke “Emeo̧” ak “Ijjab kōņaan edjon̄e.”
Etke iaar jook? Etke iaar lukkuun mijak n̄an jurake tōmak eo aō? Relikļo̧k kiiō, Ijjab lukkuun meļeļe ta eo iaar mijake. Ak ij lukkuun kememej n̄āāt eo iaar julo̧k jenkpen ņae kein.
Juon raan ilo kūlaaj in English eo aō ilo High School, rūkaki eo eaar kwaļo̧k bwe kōm̧ naaj alooje juon pija eo ijeļā ke in jab alooje. Ke rijikuuļ ro jet rekar m̧ōņōņō, Sarah eo ej aō kūlaaj meit ekar kajutak pein im kajjitōk eļan̄n̄e emaron̄ diwōj.
Ke rūkaki eo ej kajjitōk etke, Sarah eaar uwaak, “Kōnke n̄a Mormon im ijjab alooje pija ko renana.”
Peran eo an n̄an jutak im̧aan kūlaaj eo eaar kabwilōn̄lōn̄. Kam̧m̧oolol n̄an Sarah, Iaar jutak im kōttar inam̧ōj kōn juon bōklōkōt eo ealikar n̄an an pija eo dedeļo̧k.
Iaar oktak n̄an indeeo. Iaar jino kwaļo̧k tōmak ko aō ijjeļo̧kin bōbrae wāween eo. Im āinwōt juon tōbrak, ikar lo lōke ilo n̄a make im kar bōk kuņaō eļap ļo̧k ilo Kabun̄ in im m̧akūtkūt ko an jikuuļ.
Ikar jab ba n̄an Sarah ewi jon̄an an waanjon̄ok eo an wōr tokjen n̄an eō, ak iaar kajieon̄ in kōjerbal lōke kōn waanjon̄ok eo an. Kiiō ij kile bwe āinwōt juon membōr in Kabun̄ eo an Anij eaiboojoj, Kabun̄ eo ekwojarjar elukkuun ejjeļo̧k menin jook kake. Ij kōjatdikdik bwe imaron̄, kōn waanjon̄ok eo aō, emaron̄ āinwōt Sarah.