Ijeļā Bwe Jisōs Ej Iakwe Eō

Jān Jane McBride Choate

Pedped wōt ioon juon bwebwenato em̧ool

Rijeje eo ej jokwe ilo Colorado, USA.

Laney ekar kate bwe en kwaļo̧k an kutiej ilo m̧ōn jar eo. Bōtaab ekar m̧ōk, im neen ekar wūdiddid.

Ālkin kwojkwoj eo, Laney ekar kōpeļļok bok eo an kōn Jisōs. Ekar lo pija in Jisōs ippān ajri ro. Ekar kōm̧m̧an bwe en en̄jake aenōm̧m̧an im m̧ōņōņō itulowa.

Ālkin kweilo̧k in kwojkwoj eo, Laney ekar kajjitōk ippān jinen, “Etke epidodo aō kwaļo̧k kautiej ilo aō kalimjōk bok eo aō kōn Jisōs?”

“Ij lōmņak kōnke ej kakeememej eok ewi jon̄an an Jisōs iakwe eok,” Jinen ekar ba.

Laney ekar bar ba. “Kwoj ke ļōmņak Jisōs ejeļā ke ij bar iakwe E? ekar kajjitōk.

Jinen ekar atbakwoj Laney. “Aaet, ij tōmak Ejeļā.”