Այցելող Ուսուցիչների Ուղերձ, հունվար 2015
Հիսուս Քրիստոսի հատկանիշները. Հնազանդ Որդի
Աղոթքով ուսումնասիրեք այս նյութը և փորձեք հասկանալ, թե ինչով պետք է կիսվեք: Փրկչի կյանքը և դերերը հասկանալը ինչպե՞ս կմեծացնեն ձեր հավատքը Նրա հանդեպ և կօրհնեն նրանց, ում դուք այցելում և ուսուցանում եք: Լրացուցիչ տեղեկության համար, այցելեք reliefsociety.lds.org:
Հիսուս Քրիստոսի հնազանդության օրինակին հետևելը մեծացնում է մեր հավատքը Նրա նկատմամբ: «Արդյո՞ք դա զարմանալի է,- ասել է Տասներկու Առաքյալների Քվորումից Երեց Ջեֆրի Ռ. Հոլլանդը,- որ Քրիստոսը առաջինը և ամենակարևորը ընտրում էր իր հոր կամքը, որ նա սիրում էր նրան և հնազանդվում էր նրան և ենթարկվում էր նրան ինչպես հավատարիմ որդի, ինչպիսին էր ինքը: … Հնազանդությունը երկնքի առաջին օրենքն է»:1
Սուրբ գրությունները սովորեցնում են. «Եթե մենք ինչ-որ օրհնություն ենք ստանում Աստծուց, դա այն օրենքին հնազանդվելով է, որի վրա հիմնված է այն» (ՎևՈՒ 130.21): Մենք հոգևորապես աճում ենք, երբ մենք մոտենում ենք Աստծուն հնազանդության շնորհիվ և հրավիրում ենք Փրկչի Քավության զորությունը մեր կյանք:
«Երբ քայլում ենք Հիսուս Քրիստոսի ավետարանի սկզբունքներին ու պատվիրաններին հնազանդ»,- ասել է Տասներկու Առաքյալների Քվորումից Երեց Դ .Թոդ Քրիստոֆերսոնը: «Մենք վայելում ենք ուխտի մեջ Աստծո կողմից խոստացված օրհնությունների անընդհատ հոսքը: Այդ օրհնություններն ապահովում են միջոցներ, որ կյանքի ճանապարհով քայլելիս մենք ոչ թե հեշտությամբ ներգործվենք, այլ ինքներս ներգործող լինենք: …Հնազանդությունը մեզ օգնում է ավելի լավ կառավարել մեր կյանքը, տալիս է ավելի մեծ կարողություն քայլելու, աշխատելու և արարելու համար»:2
Լրացուցիչ սուրբ գրություններ
Սուրբ գրություններից
«Կարո՞ղ է ջանասեր ուսանելու և սուրբ գրությունների շուրջ խորհրդածելու արդյունքում ձեռք բերված գիտելիքը փոխանցվել կարիքի մեջ գտնվողին»,- հարցրել է Տասներկու Առաքյալների Քվորումից Երեց Դեյվիդ Ա. Բեդնարը: «Հստակ պատասխանն է` ոչ»:3
Տասը կույսերի առակը այս սկզբունքի օրինակն է: Չնայած, որ բոլոր կույսերը վերցրեցին իրենց լապտերները «փեսային դիմաւորելու» համար, միայն հինգն էին իմաստուն և ձեթ լցրեցին իրենց լապտերներում: Մյուս հինգը հիմար էին, քանի որ նրանք «ձէթ վեր չառան իրանց հետ»:
Ապա, աղաղակ եկավ կեսգիշերին. «Ահա, փեսան գալիս է. դուրս եկէք նորան դիմաւորելու»: Բոլոր կույսերը պատրաստեցին իրենց լապտերները, սակայն հիմար կույսերը ձեթ չունեին: Նրանք ասացին իմաստուն կույսերին. «Տուէք մեզ ձեր իւղիցը, որովհետեւ մեր լապտերները հանգչում են»:
Իմաստուն կույսերը պատասխանեցին. «Մի գուցէ մեզ եւ ձեզ բաւական չլինի. բայց … գնացէք … եւ գնեցէք ձեզ համար»: Եվ մինչ հիմար կույսերը գնացել էին, փեսան եկավ և իմաստուն կույսերը գնացին նրա հետ և «դուռն փակուեցաւ»
© 2015 by Intellectual Reserve, Inc. Բոլոր իրավունքները վերապահված են: Տպագրված է ԱՄՆ-ում: Անգլերենի հաստատումը. 6/14: Թարգամնության հաստատումը. 6/14: Visiting Teaching Message, January 2015-ի թարգմանությունը: Armenian. 12581 201