Երիտասարդներ

Սովորեք մյուսների փորձից

Նախագահ Ուխդորֆն անձնական փորձի մասին խոսելով ուսուցանում է, որ «ամենահիշարժան Սուրբ ծնունդները կարող են լինել նրանք, որոնք առավել անշուք են»: Մենք կարող ենք այնքան շատ բան սովորել ավագ սերնդից. շատերն անցել են պատերազմի ժամանակներով, գործազրկության, հիվանդության կամ այլ փորձությունների միջով: Խնդրեք ձեր ծխի կամ ճյուղի տարեց անդամներին պատմել իրենց համար առավել իմաստալից Սուրբ Ծննդյան մասին: Կարող եք գրի առնել նրանց պատմությունները: Աշխատեք սովորել նրանց օրինակից՝ Սուրբ ծննդյան օրերին կենտրոնանալով անկեղծ ծառայություն մատուցելու և Փրկչին հիշելու վրա: