Ekōjkan n̄an Kajjitōk Kajjitōk ko Ewōr Tokjāer

Jān David A. Edwards

Māākjiin ko an Kabun̄

Kajjitōk kōn kajjitōk ko rekkar remaron̄ jipan̄ armej eo kōpeļļo̧k būrwōn n̄an juon naan in kam̧ool an m̧ool eo.

Head with gears.

Ewōr am̧ iien ko rem̧m̧an n̄an katakin aolep ro ipeļakūm̧, mekarta juon wōt minit aetokan ekōnono ioon juon baj, ilo juon katak ilo m̧ōnjar eo, ilo ennaan ko ilo online, ak ilo juon ekōnono em̧wilaļ ippān juon m̧ōttam̧.

Kōn menin juon eo wāween n̄an em̧m̧anļok wāween katakin ilo jabdewōt wāween: kajjitōk kajjitōk ko.

Kajjitōk ko rem̧m̧an rej tōlļo̧k n̄an ekkatak, kajjitōk kajjitōk ko ej jet iien maron̄ katakin kwe, kaminene, im katakin eok n̄an kōm̧m̧an em̧m̧anļo̧k. En̄in ej wāween.

Ekōjkan n̄an Kajjitōk Kajjitōk ko Ewōr Tokjāer

Kajjitōk ko ewōr unier rej ko im rej kōm̧m̧an an mwilaļ am̧ ļōmņak im en̄jake, ko im rej tōlļo̧k eok n̄an m̧ool eo, juon am̧ kam̧ool, im oktak. Remaron̄ kitbuuj elōn̄ menin kōnono ko, ak ewōr jet men ko rej āinjuon kaki: (1) Ejjab jet ko im edik melele ko aer ak jidik wōt aer m̧ool (jekdoon n̄e remaron̄ kajjitōk ko rej etale kajjitōk ko rej bōk melele), (2) ewōr jet ekkejel ko ie n̄an mour kein ad raan otemjej, im (3) rej kōm̧m̧an bwe jen kwalok uwaak ko me roktak jen ko jej āliji aolep ien.

Keememej Etke Jej Kajjitōk Kajjitōk Ko

Kajjitōk ej kobaik kōj ilo an kwaļo̧k kadkad in juon kōta eo im kōļmenļo̧kjen ko ad ekōnaan kanne. Lukkuun iieokļo̧k, kajjitōk kajjitōk ko im rej kairuj ememļo̧kijeņ ko ad make im maron̄ kōtļo̧k jōkjōk in ej pojak in waļo̧k:

1. Armej rej itok limoier kōn ta eo kwoj ba.

2. Rej kōjerbal anemkwoj eo aer n̄an ļōmņak kake im kwaļo̧k juon uwaak.

3. Jōkjōk in kōjerbal anemkwoj in ej kōtļo̧k bwe Jetōb Kwojarjar eo en kwaļo̧k kam̧ool n̄an er kōn m̧ool eo.¹

Kōn jōkjōk in ilo kōlmenļo̧kijen ko ad, kwonaaj bōk juon en̄jake kōn kain kajjitōk ta ko n̄an kajjitōk im ta ko kwōj joļo̧ki.

Waanjon̄ak: Ijelokin kajjitōk, “Etke eaorōk riiti jeje ko rekojarjar?” Kwomaron̄ kajjitōk, “Ewi wāween an katak jeje ko rekwojarjar kōm̧m̧an oktak ilo mour eo am?

Kememej Kwoj Katakin Armej, Ejjab Katak Wōt

Eļan̄n̄e kwōjela kajjen armej ro kwoj katakin er im ļōmņak kōn aikuj ko aer, kwonaaj kālet kajjitōk ko rej iiok ļo̧k n̄an jipan̄ er, ejjab n̄an bōk jet meļeļe ko jān er.

Waanjon̄ak: Ijjello̧kin kajjitōk, “Ta bun̄tōn ko n̄an ukweļo̧k?” kwomaron̄ kajjitōk, “Ewi wāween am̧ kōm̧m̧an bwe juon men en jim̧we eļan̄n̄e kwar kōm̧m̧ane juon men ebōd?

Katak im Kaetokļo̧k am̧ Kōlmenļo̧kijeņ

N̄an keppojak n̄an kwaļo̧k kōn gospel, katak jeje ko rekwojarjar im katak ko an rikanaan ro rainin im rijilōk ro, im jar bwe jetōb kwojarjar en maron̄ pād ippam̧ im ro kwoj katakin er (lale D&C 42:14; 50:21–22).

Barāinwōt, eļan̄n̄e kwoj kōņaan kajjitōk ippān armej kajjitōk ko im ej lukkuun kōm̧m̧an bwe ren ļōmņak, kwoj aikuij lōmņak kōn jōkjōk in ippam make. Kejakļo̧kijen kōn ta eo kwoj katak kake. Kwonaaj lo etke men eo ej kōm̧m̧an bwe kwōn lukkuun lōmņak ej kajjitōk ko kwōj kajjitōk ippam make aolep iien. Lukkuun lale kain kajjitōk ko im rej kōm̧m̧an bwe kwon lukkuun lōmņak. Kajjitōk ko kein im rej tōlļo̧k n̄an ļōmņak ko rem̧m̧anļo̧k im naan in kam̧ool, ejja kain kajjitōk kein wōt kwoj aikuj kajjitōk eļan̄n̄e kwoj jipan̄ ro jet ekkatak kōn gospel eo.

Waanjon̄ak: Ijjello̧kin kajjitōk, “Ewi wāween bōk iakwe em̧ool?” kwomaron̄ kajjitōk, “Ta lōmņak eo am kōn melele eo ilo Moronai 7:48 Ilo an ba jar kōn iakwe eo an ‘kōn aolep kajoor in bōro’?”

Jidik kōn Jidik n̄an Kajjitōk ko Rem̧wiļaļļo̧k

Jet iien em̧m̧an tata n̄an kapidodikļo̧k n̄an kajjitōk ko ebōk elōn̄ļo̧k ļōmņak ko im elolo ko jen kōj make, kōn men in kwomaron̄ kajjitōk juon kajjitōk ej kwaļo̧k kadkad in eo ej kapidodoik n̄an uwaak innām bar etale kōn juon ak elōn̄ ļo̧k kajjitōk eo ej tōlļo̧k n̄an elōn̄ļo̧k uwaak ko ļōmņak kaki. Erkein rej jet waanjon̄ak ko ralikkar:

Kajjitōk in Kwaļo̧k Kadkad in	Kajjitōk in Etale
Jete an Joseph Smith iiō ke ekar etal n̄an buļōn wōjke ko?	N̄aat eo kwar jar n̄an Jemedwōj Ilan̄ kōn kain ikdelel rōt eo ekar wōr ippān Joseph?
Kwōj ke tōmak ilo Anij?	Ta kadkad eo an Anij epād ilo mour ne am?
Ta eo kwar kōm̧m̧ane n̄an jerbal n̄an ro jet raan kein?	Ewi wāween am jeļā ke jej aolep ajri ro nejin Anij ej ukōt wāween am ļōmņak kōn jerbal n̄an ro jet?

Ilo am pukōt tōl ko an Jetōb Kwojarjar ilo am kajjitōk kajjitōk ko, enaaj pidodo am kajjitōk kōn kajjitōk ko rejim̧we ilo iien eo ekkar. Kwojjab jeļā. Emaron̄ ukot mour an juon armej.

Kakeememej

1. “Kwoj aikuj kōjerbal anemkwoj eo am̧ n̄an kōmālim an Jetōb eo katakin eok” (Richard G. Scott, “To Acquire Spiritual Guidance,” Liahona, Nov. 2009, 8).

Katak ko an Jabōt

Unin Tōl eo an Allōn̄ In: Erom Āinwōt Kraist

Jet meļeļe n̄an kajjitōk kajjitōk ko

• Kōttar uwaak ko.

• Kōjerbal kajjitōk in etale n̄an jino ļōmņak ko rem̧wilaļļo̧k.

• Joļo̧k kajjitōk ko rej boktok jab errā ippān doon ak kaketak n̄an iakwelel.

• Jet ien kajjitōk kōn kajjitōk ko rej kōm̧m̧an bwe jen ikōn̄.

N̄an meļeļe ko jet, lale Teaching, No Greater Call: A Resource Guide for Gospel Teaching (1999), 69–70.

Koba ilo Bwebwenato eo

Men ko n̄an Kejekļo̧kjeņ Kaki n̄an Jabōt

• Em̧ōj ke an jabdewōt kajjitōk ippam̧ juon kajjitōk eo im ekōm̧m̧an bwe kwōn kōņaan jeļā eļapļo̧k kōn gospel ak ukōt mour ne am ilo jabdewōt wāween?

• Ewi wāween an Rilo̧mo̧o̧r eo kōjerbal kajjitōk ko ilo an katakin?

Men ko Komaron̄ Kōm̧m̧ani

• Ilo am katak jeje ko rekwojarjar wiik in, jeik juon laajrak in jet iaan kajjitōk ko kwoj ļōmņak kaki.

• Ilo m̧ōn jar eo, kajjitōk juon kajjitōk ej m̧ōttan katak eo an kūlaaj eo.

Pija in gears jān Sergey Markov/Hemera/Thinkstock;pija in bar jen johavel/iStock/Thinkstock

kōmeļeļe in Pā ko jān ilyast/iStock/Thinkstock