2014
Kapijuknen: Jikin Ekkatak
Oktoba 2014


Kapijuknen: Jikin Ekkatak

Elan̄e ta eo kabun̄ in ej katakin ej rie ta katak eo ilo m̧weo, kwoj kalōk juon pedped eo ekajoor an ko̧jpeļ in.

“Jouj im riiti unin tōl eo n̄an katak eo an wiik in laļ.” Naan kein ralikkar ke? Ekkā aer itok jen juōn rikaki eo ej lukkun kajjitōk ilo jem̧ļo̧kin kūlaaj ko ilo mōn jar eo.

Im ilo an lukkuun in aorōk n̄an kepooj katak ko am n̄an Jabōt, kwoj ke en̄jake āinwōt am menin jipadpad ilo ekkatak im kejekļo̧kjeņ bwe kwon lukkuun pojak n̄an Jabōt?

Ilo m̧ool, ej aikuj kōm̧m̧an ilo jekjek eo juon.

Aolep katak ko an Kabun̄ in, būrookram̧ ko, im m̧akūtkūt ko [rej] io̧lepen m̧weo im n̄an jipan̄ Kabun̄ in.”1 Meļeļein bwe kweilo̧k ko an Kabun̄ in ad rej lukkuun wōr tokjeir n̄an rie ekkatak an ro kajjojo im baam̧le eo. Āinwōt an Bisoprik eo Eutiej Gary E. Stevenson kwaļo̧k, “Jikin eo m̧oktata n̄an katatakin im ekkatak ej ilo m̧weo.”2 N̄e katakin im ekkatak rej io̧lepen m̧weo, rej boktok kajoor im emaron̄ tōl ļo̧k n̄an oktok.

Ennaan eo an 2014 kamminene an radik ko ilo juon iiō, Learning and Teaching in the Home and the Church, repād ilo online ilo annualtraining.lds.org. “Ejjeļo̧k juon iaad ej jerwane aorōk eo an katakin ilo im̧ōnjar eo,” Elder Jeffrey R. eaar ba, jen Doulul eo an Jon̄oulruo Rijilōk ro. “Jaar aolep kōm̧m̧ane ilo aolepen mour ko ad, jekōņaan bwe kwaļo̧k eo en dedeļo̧k ilo aolepen mour ko in ad mour.”3 Ilo am kōm̧m̧an bwe ekkatak en 24/7 ilo kajjojo raan ilo baam̧le eo am, komaron̄ ejaak e juon pedped eo ekajoor n̄an juon “im̧ōn ekkatak” (D&C 88:119) bwe en lewaj n̄an eok im baam̧le eo am kōn jetōbōn inem̧m̧an im kōjparok.

Katak ilo Kapijuknen

Komaron̄ in jab aolep iien m̧ōkaj in lo tōprak ko, ak n̄e kwonaaj bōk jidik kōn jidik ilo katak im ekkatak ilo kajjojo iien, emaron̄ kwaļo̧k juon kijejeto ekajoor. En̄in wāween an jet baam̧le ko kile ilo mour ko aer.

Iien ko Rem̧m̧an

Pija
A father and son carrying skateboards as they walk down a wet road.

“Ewōr iien ko n̄e jej en̄jake oktak ko reļļap ilo jet unin katak ko an ko̧jpeļ in. Katak dikdik ko relukkuun kōjeram̧m̧an kōm̧ n̄an kwaļo̧k katak ko raorōk n̄an ajri ro nejūm̧. Barāinwōt, ewōr iien katak dikdik ko ilo juon raan ijelo̧kin iien katakin ko, kōn menin kōm̧ij lukkuun bōk iien kein rem̧m̧an n̄an katakin ajri ro nejūm̧ kōn pedped ko raorōk. N̄an waanjon̄ok, Ij kwaļo̧k kōn m̧ool ilo iien kaikujkuj. Ajri ro nejūm̧ rej ekkatak kōn pedped ko repidodo n̄e rej lo wāween eo n̄an mour kaki.”

Mona Villanueva, Philippines

Ukooktak ko im Oktak ko

Pija
A mother and her young daughters sitting together on a sofa. They are looking at a magazine.

“Iaar bōk ļo̧k leddik ro nejūm̧ n̄an jikuul ilo baj kajjojo jibbon̄, kōn menin eaar wōr iien ko rem̧m̧an n̄an kōnono. Ilo juon tōre em̧oot ļo̧k, kōm̧ ar lo ļeo im lieo pālele aer jab erre ippān doon. Leddik ro nejū raar m̧ōkaj in oktak tok n̄an eō im kōttar jidik aō ba. Ijeļo̧k aō kajjitōkin er ekōjkan aer en̄jake kōn ta eo eaar waļo̧k. Raar jiron̄ eō ke rej ļōmņak em̧m̧aan eo en kar jab kōnono rot eo n̄an kōrā eo ippān. Ālkin wōt, kōm̧ ar kōnono kōn m̧are im jem̧jerā. Ilowan 30 minit ko baj eo eaar lukkuun kam̧ōņōņō im kōbōkakak.”

Mario Lorenz, Guatemala

M̧ad ilo Kapije eo

Pija
Mother and children making cookies.

“Katak dikdik eaar jipan̄ eō bōk juon jem̧jerā eo em̧m̧antata ippān ajri ro nejū. Ilo am jijet ilo tebōļ in m̧ōn̄ā eo im kapije ālkin jikuul, kōm̧ ad kōnono kōn ta eo eaar waļo̧k ilo aer kar jikuul. Ekkā an juon iaer ba jet men me juon m̧ōttan eaar ba ak ekōjkan an kar en̄jake n̄e jet rej ba ak kar kōm̧m̧ane jet men. Innām imaron̄ in kwaļo̧k juon aō make naan in kam̧ool im kwaļo̧k ekōjkan an ajri eo nejū kar en̄jake kōn jekjek eo. Ij ļōmņak kōm̧m̧ani ekōnono ko n̄e ajri ro rej kakije, eļap ļo̧k aer kōņaan kōnono kōn menin kōnono ko raorōk n̄e aikuj eo ej waļo̧k kōnke ewōr juon aer jon̄ak in leke, bwe ro jineer im jemeer renaaj ron̄jake.”

Alyson Frost, Greece

Juon Doulul in Kea

Pija
Young family in New Zealand. The parents are holding their two boys.

“Kōrā eo ippa im n̄a kar kile bwe ej eddo eo am m̧oktata ej n̄an katakin ajri ro nejūm̧ im ejjab an ritōl ro eddo, ak kōm̧ij m̧ōņōņō kōn ta eo rej kōm̧m̧an im kōm̧ij jipan̄ ijo kōm̧ maron̄ e. Ward eo am ewōr ritōl ro rem̧m̧an ro rej lukkuun mije jodikdik ro im ajri ro im kōm̧m̧an jon̄an eo remaron̄ e n̄an jipan̄ er lo jibadbad eo aer eaorōk pedped wōt ioon ta eo ro jineer im jemeer raar kōm̧m̧ane. Iaar ioon bisop eo ilo jet tōre, im eaar wōr aō iien em̧m̧an n̄an kōnonon ippān ritōl ro an jodikdik im ekkā aō kajjitōk kōn ajri ro nejū im aer eddōk ļo̧k. Bwe ilo m̧ool ilo ad kōnono emakijkij kōn eddōk ļo̧k eo an ajri ro nejid ejipan̄ kōj aolep n̄an meļeļe wāween eo n̄an jipan̄ kajjojo iaer.

Jesse N. Arumugam, South Africa

Kajoor ļo̧k ilo Jeje ko Rekwojarjar

Pija
Man studying the scriptures.

“Katak Jeje ko Rekwojarjar ejipan̄ eō jeļā kōn Kraist im An wūjļepļo̧k bwe in maron̄ erom āinwōt E. Ebarāinwōt letok n̄an eō juon leke eļap ilo Jetōb, eo ej tōl eō im katakin eō wāween aō maron̄ mour kōn men ko iaar ekkatak bwe in maron̄ kōppopo n̄an jeļm̧ae apan̄ ko an mour im kapo ko an Satan reioktok eō. Eļan̄n̄e ejako kōjeram̧m̧an in ilo mour eo aō ijeļā bwe inaaj wōtļo̧k āinwōt juon eo eaorōk ļaddik nejin Anij.”

Nathan Woodward, England

EKKATAK ilo Kabun̄: 10 Pedped ko Kajjojo Rūkaki Raikuj in Jeļā

Ilo kakobaba n̄an kōkajoorļo̧k kajoor eo an ekkatak ilo kwaļo̧k ilo m̧weo, jemaron̄ barāinwōt kōkajoor ļo̧k kūlaaj ruum̧ eo ilo kabun̄ in. Āinwōt an rūkaki ro mour kake pedped kein 10, renaaj ejaake oktak eo ilo mour ko an ro rej katakin.

  1. Bōk kapilōk jen ro jinen im jemen, ro ewōr jerbal eo eaorōk āinwōt rūkaki ro, n̄an kile aikuj ko an ro uwaan kūlaj eo, innām kwaļo̧k aikuj ko.

  2. Kōppopo im katakin kōn Jetōb. Kwaļo̧k kajjjitōk ko im m̧akūtkūt in ekkatak ko me renaaj kaltok-Jetōb in ekōnono im naajdrik mour in jetōb eo an ro uwaan kūlaj eo.

  3. Katakin armej, jab katak ko.

  4. Pedped wōt ioon katak ko an ko̧jpeļ in.

  5. Kwaļo̧k juon ak ruo pedped in katak eo ekajoor ijeļo̧kin kajieon̄ in bōk aolepen katak eo.

  6. Karuwaineneik tok Jetōb ilo an kajjojo bōk kūņaer (lale D&C 88:122).

  7. Ekoba juon kūr eo ekajoor n̄an jerbale—jab baj ro̧o̧l n̄an kapijuknen im riit ak jet men n̄an ro̧o̧l n̄an kapijuknen im mour kake.

  8. Kwaļo̧k am naan in kam̧ool kōn katak eo—ilo jem̧ļo̧kin ļo̧k kūlaj eo im n̄e Jetōb ej im̧we eok.

  9. Mour kake katak eo, im “karōk” kapijuknen eo am make (lale D&C 93:43–44, 50).

  10. Pukot wāween ko n̄an tōl wāween katak dikdik ilo aolep raan in mour.

Kakeememej ko

  1. Bok in Bōk Meļeļe 2: Tōl Kabun̄ eo (2010), 8.1.3.

  2. Gary E. Stevenson, in “The Ward Council—We’re All in This Together” (2014 auxiliary training video), annualtraining.lds.org.

  3. Jeffrey R. Holland, in “Learning and Teaching in the Home and the Church—the Home” (2014 auxiliary training video), annualtraining.lds.org.