Այցելող Ուսուցիչների Ուղերձ, հունիս 2014
Հիսուս Քրիստոսի աստվածային առաքելությունը. Ծառայող
Աղոթքով ուսումնասիրեք այս նյութը և ձգտեք հասկանալ, թե ինչով կիսվել: Ինչպե՞ս կարող է Փրկչի կյանքի ու առաքելության մասին հասկացողությունը մեծացնել ձեր հավատքը Նրա նկատմամբ և օրհնել նրանց, ում մասին հոգ եք տանում այցելությամբ ուսուցանման միջոցով: Լրացուցիչ տեղեկության համար, այցելեքreliefsociety.lds.org:
Երբ մենք ծառայում ենք ուրիշներին, մենք դառնում ենք Հիսուս Քրիստոսի ճշմարիտ հետևորդները, ով օրինակ է սահմանել մեզ համար: Նախագահ Թոմաս Ս. Մոնսոնն ասել է. «Մենք շրջապատված ենք նրանցով, ովքեր կարիքի մեջ են:… Մենք Տիրոջ ձեռքերն ենք այստեղ` երկրի վրա` պարտավորված լինելով ծառայել և բարձրացնել Իր զավակներին»: 1
Լինդա Կ. Բըրթընը` Սփոփող Միության Գերագույն Նախագահն ուսուցանել է. «Սակայն փորձ ձեռք բերելու հետ մեկտեղ յուրաքանչյուրս ավելի է նմանվում Փրկչին, ծառայելով Աստծո զավակներին: Որպեսզի մենք ավելի շատ [սիրենք] միմյանց, ես կառաջարկեմ հիշել չորս բառ. «Նախ նկատեք, ապա ծառայեք»:… Եթե մենք այդպես ենք անում, մենք պահում ենք պատվիրանները և մեր ծառայությունը, ինչպես Նախագահ Մոնսոնի ծառայությունը, կլինի մեր աշակերտ լինելու ապացույցը»: 2
Մենք կարող ենք աղոթել ամեն առավոտ, որպեսզի նկատենք ուրիշներին ծառայելու հնարավորությունները: «Երկնային Հայրը կառաջնորդի ձեզ, և հրեշտակները կօգնեն ձեզ»- ասել է Դեյվիդ Լ. Բեքը` Երիտասարդ Տղամարդկանց Գերագույն Նախագահը: «Ձեզ կտրվի զորություն, որպեսզի օրհնեք կյանքեր ու փրկեք հոգիներ»: 3
Սուրբ գրություններից
Մեր պատմությունից
1856թ. հոկտեմբերի գերագույն համաժողովի ժամանակ Նախագահ Բրիգամ Յանգը (1801–77) հայտարարեց, որ ձեռնասայլակով պիոներները դեռ անցնում են տափաստաններով, և որ բոլորը պետք է անմիջապես օգնեն հավաքել պաշար նրանց համար: Լյուսի Միզերվ Սմիթը գրել է, որ կանայք «հանեցին իրենց տակի շրջազգեստը [մեծ ներքնազգեստ], գուլպաները եւ ամեն բան, որ նրանք կարող էին խնայել, և հենց Թաբերնաքլում կիտեցին դրանք սայլակների մեջ»:
Երբ փրկված պիոներները սկսեցին ժամանել Սոլթ Լեյք Սիթի, Լյուսին գրեց. «Ես երբեք … ավելի մեծ հաճույք չեմ ստացել որևէ աշխատանքից, որ երբևէ կատարել եմ իմ կյանքում, միաբանության ինչպիսի՜ զգացում էր գերակշռում: Ես միայն պետք է գնայի խանութ և հայտնեի իմ կարիքների մասին. եթե դա հագուստ էր, ապա այն տրվում էր անվճար»:4
Նախագահ Ջորջ Ալբերթ Սմիթն (1870–1951) ասել է ուրիշներին ծառայելու վերաբերյալ. «Մեր հավերժական երջանկությունը կլինի այնքան, որքան որ մենք նվիրվում ենք ուրիշներին օգնելուն»:5
© 2014 Intellectual Reserve, Inc. Բոլոր իրավունքները վերապահված են: Տպագրված է ԱՄՆ-ում: Անգլերենի հաստատումը. 6/14: Թարգմանության հաստատումը. 6/14: Visiting Teaching Message, June 2014. Armenian.-ի թարգմանությունը 10866 201