2014
Kajoor eo n̄an Kōjeram̧m̧an Aolep Armej
Eprōļ 2014


Kajoor eo n̄an Kōjeram̧m̧an Aolep Armej

Ritōl ro an Kabun̄ in raar katakin kōj bwe kain̄i ko an priesthood eo im bujen ko rej pojak n̄an aolep ajri ro nejin Anij-em̧m̧aan ro im kōrā ro.

Pija
Illustration depicting a line of youth from various countries.

Kōmeļeļe jān Gail Armstrong

Pija
Elder Neil L. Andersen

“Priesthood eo ej kajoor im mālim eo an Anij kar letok n̄an lo̧mo̧o̧r im kōjeram̧m̧an aolep—em̧m̧aan ro, kōrā ro, im ajri ro.  …

“Ewōr kōjeram̧m̧an ko rejenolo̧k jān Anij n̄an aolep armej ro rerreo ro rej peptaij, bōk Jetōb Kwojarjar eo, im bōk m̧ōttan kwojkwoj eo aolep iien. Tampeļ eo ej bōktok eļap ļo̧k meram̧ im kajoor, ippān tok kalim̧m̧ur eok kōn mour indeeo [lale D&C 138:37, 51].

Elder Neil L. Andersen jen Doulul eo an Jon̄oulruo Rijilōk ro, “Kajoor ilo Priesthood eo,” Liahona, May 2009, 5, 9. 2013, 92.

Pija
Carole M. Stephens

“Kain̄i ko an priesthood im bujen ko rej kōppeļļo̧k iaļ n̄an obrak in jeram̧m̧an ko kalim̧uur kaki n̄an kōj jān Anij, ko raar kapidodoik kōn Pinmuur eo an Rilo̧mo̧o̧r. Jej ļaddik im leddik ro nejin Anij kōn kajoor, kajoor an Anij, im letok n̄an kōj iien em̧m̧an n̄an bōk mour indeeo—n̄an ro̧o̧l ļo̧k n̄an im̧aan mejān Anij im mour Ippān ilo baam̧le eo An indeeo.

Carole M. Stephens, rikakpilōklōk eo kein kajuon ilo būreejtōn eo eutiej an Doulul eo an Kōrā, “Jej Ke Jeļā Ta Ewōr Ippād?” Liahona, Nov. 2013, 12.

Pija
Elder M. Russell Ballard

“Eaorōk n̄an ad meļeļe bwe Jemedwōj Ilan̄ eaar letok juon iaļ n̄an aolep ļaddik im leddik ro Nejin n̄an bōk kōjeram̧m̧an ko an im kajoorļo̧k jen kajoor eo an priesthood. Io̧ļapen karōk eo an Anij n̄an ajri in jetōb ro Nejin ej kean̄ eo An make: ‘Jerbal im aiboojoj eo An ej n̄an—bōktok mour jab wabanban im mour indeeo an armej’ (Moses 1:39).”

Elder M. Russell Ballard jen Doulul eo an Jon̄oulruo Rijilōk ro, “En̄in Ej Jerbal Im Aiboojoj eo Aō,” Liahona, Eprōļ 2013, 19.