Kōjem̧ eo im Iaļ eo

Kain̄i im bujen ko an Priesthood eo rej kōm̧m̧an bwe jen pād ilo iaļ eo n̄an mour indeeo im kōjeram̧m̧an kōj kōn kajoor eo jej aikuji kiiō.

Product Shot from April 2014 Liahona

Kōj otemjej jej pukōt mour indeeo, eo ej meļeļe in mour im pād ilōn̄ tata ilo aiboojoj eo eutiej tata an aelōn̄ eo eutiej tata, ijo jemaron̄ mour ilo im̧aan mejān Jemedwōj Ilan̄ āinwōt baam̧le ko.

Ilo kakkobaba n̄an tōmak ilo Jisōs Kraist im ukweļo̧k, kain̄i im bujen ko an priesthood eo rej kōtļo̧k ad delo̧n̄e ļo̧k iaļ eo ej tōl ļo̧k n̄an mour indeeo. Jekdo̧o̧n n̄āāt eo kwaar deļo̧n̄e iaļ in ak ia eo kwoj pād ie—eļan̄n̄e kwaar ļotak ilo Kabun̄ ak ukweļo̧k im oktak tok ālkin, eļan̄n̄e kwaar niknik ilo aolepān mour eo am̧ ak kab baj ro̧o̧l tok n̄an m̧akūtkūt an Kabun̄ in—komaron̄ eddōk ļo̧k ie ilo am̧ kalimjōk ļo̧k wōt bujen ko am̧ im ta eo komaron̄ bōke im kōjparoke.

Im eaorōk n̄an jeļā bwe kain̄i im bujen ko an priesthood eo rej jab wōt kalim̧m̧ur kōn ilju im jekļaj eo eaiboojoj. Rej barāinwōt letok n̄an kōj kajoor, kaenōm̧m̧an, im jipan̄ eo jaikuji kiiō n̄an maron̄ ļoor iaļ eo im niknik n̄an jemļo̧kin ilo jim̧we.

Kōjem̧

Iaļ eo ej tōl ļo̧k n̄an mour indeeo (niknik n̄an jem̧ļo̧kin)

Lale 2 Nipai 31.

Elder Robert D. Hales

“Pād ilo iaļen ko̧jpeļ eo an kien ko, kain̄i ko, im bujen ko naaj kōjparok kōj imkōpooj kōj n̄an kōm̧m̧ane jerbal eo an Anij ilo laļ in.”

Elder Robert D. Hales jen Doulul eo an Jon̄oulruo Rijilōk ro, “Jutak Pen ilo Jikin ko Rekwojarjar,” Liahona, Eprōļ 2013, 49.

• Kain̄i ko Raorōk im Bujen ko

  Elder Quentin L. Cook

  “Ej mālim eo an priesthood ilo Kabun̄ in me kain̄i ko rekwojarjar im bujen ko rej liāpe baam̧le ko indeeo im kōkkare kōj kajjojo n̄an ro̧o̧l ļo̧k n̄an Anij Jemād im Jisōs Kraist ilo laļ eo an Anij. Kain̄i kein rej bōktok aenōm̧m̧an kōnke rej bujen ippān Irooj.”

  Elder Quentin L. Cook jen Doulul eo an Jon̄oulruo Rijilōk ro, “Aenōm̧m̧an an Juon Make: Aenōm̧m̧an an Juon Make Ej Menin Nōbar kōn Kwojarjar,” Liahona, Eprōļ 2013, 34.

  • Peptaij

  • Menin Letok eo an Jetōb Kwojarjar

  • Leļo̧k Priesthood im ekkapit (n̄an LIKAO ro)

  • Menin letok kwojarjar eo an tampeļ

  • Liāp ilo tampeļ

• Kōkāāl im Kōkajoor ļo̧k Kain̄i ko

  Elder Neil L. Andersen

  “Ilo am̧ wānōk im bōk koņaam̧ ilo kain̄i ko an priesthood eo, Irooj enaaj lewaj n̄an eok eļap ļo̧k kajoor, aenōm̧m̧an, im kōjatdikdik kōn mour indeeo.”

  Elder Neil L. Andersen jen Doulul eo an Jon̄oulruo Rijilōk ro, “Itok n̄an E,” Liahona, Nobemba 2013, 95.

  • kwojkwoj—kajjojo wiik ej kōkāāl bujen peptaij eo

  • Kōjeram̧m̧an ko an Petriak—tōl eo ejenolo̧k an juon make im kōjeram̧m̧an ko kalim̧m̧ur kaki.

  • Kōjeram̧m̧an ko n̄an rinan̄inmej—rej jipan̄ im kōmour

  • Kōjeram̧m̧an ko an juon jemān im kōjeram̧m̧an ko jet an kainōm̧m̧an im kapilōk—aenōm̧m̧an im tōl n̄e emenin aikuj

Mour indeeo (laļ eo EO EUTIEJ TATA ippān baam̧le ko)

Jipan̄ ko ilo Iaļ eo ļo̧k

Jeje ko Rekwojarjar—rej tōl im bōk kōmeļeļe eo āinwōt m̧ōttan bujen eo ikōtaan Anij im armej ro An (lale D&C 84:57)

Jar—“[M̧aajta eo] ej ltok an kōj bujen ko n̄an’ aolep iien keememej E’ im kakkōl eo n̄an ‘jar aolep iien’ bwe jen likūt ad kōjatdikdik ilo E, kōjparok eo ad wōt” (Būreejtōn Henry B. Eyring, Rikakpilōklōk eo Kein Kajuon ilo Būreejtōnji eo Kein Kajuon, “Always,” Ensign, Oct. 1999, 9).

Jerbal in jipan̄—kakūrm̧ool bujen ko ad ilo ad jerbal n̄an Anij im jari ro Nejin, ekoba kūr ko, tampeļ im jerbal in menmenbwij ko an baam̧le, kwaļo̧k kōn ko̧jpeļ, jerbal in mijenede aolep raan.

Ukweļo̧k—keememej bujen ko ad im kepaak lo̧k Rilo̧mo̧o̧r eo n̄e jej jōbwābwe, jet iien ekoba jipan̄ eo jen ritōl ro an priesthood eo.