Lōke Eo kōn Wānōk
Jān nokon eo an jodikdik ro eo eaar kōm̧m̧an ilo Tijem̧ba 31, 2006.
Ikōņaan kajjuik kōnono in aō kōn ekōjkan bwen wōr juon kain lōke eo āinjuon.
Ennaan eo aō ñan kom̧ ej kōn juon kōjatdikdik im kōketak ilo tōre in im ilo aolepān mour ko ami. Eļap an lōñ jorrāān ko ilo laļ in, ak aolep iien ej ekkā an wōr jorrāān ilo kajjojo iiō im tōre. Jab boub kaki, im jab ebbeer kaki. Iiō in ej itok enaaj obrak kōn iien ko rem̧m̧an im kōjeramman ko reļļap. Jenaaj wōnm̧aanļo̧k wōt bwe en wōr jeļāļo̧kjeņ ikkijen mennin kapeel ko raan kein, ikkijen ejmour im iialen leto-letak ennaan im meļeļe—aolep eria in ekkatak ko eļap ijoko kuņaer ñan kōkm̧anm̧naļo̧k mour ko ad. Kwoj mour ilo tōre eo eaiboojoj tata laļ in ejeļā kake, kōn elōñ ļo̧k kōjeram̧m̧an ko ilo rainin rej iieoke elōñ ļo̧k armej ro epeļaakin laļ in jen jabdewōt tōre ilo bwebwenato. Keememej—bwe jibūm ekar jab ettōnake juon tablet jidikdik ke ekar dettan wōt kwe, im jim̧m̧am ekab de jañin jeļā kilen ijjilōk ļo̧k ennaan ilo cell phone. Kōn menin, kwon m̧ōņōņō im ājimourur im kōjatdikdik.
Ij ba menin kōnke juon bwebwenato iaar riiti raan ko ļo̧k ej kemlet bwe nañinmej eo eļaptata ibwilijin jodikdik raan kein ejjab tōñal ak metak ob ak kenjōr. (Kain jorrāān rōt in ekkā wōt aer jelōt armej ro ilo iiō e aō, ejjab jokane ami.) Jaab, nañinmej eo ro ikotaan 13-18 iiō kab 20 rej ļap aer jorrāān jān e eļaptata, āinwōt an kar waļok ilo ripoot, ej an juon make pere ilo e make, mijak kōn tok ālik, kōn ļōmņak eo bwe ejjeļo̧k tokjāer, im an lukkuun ejjeļo̧k lōke ilo er make im ilo laļ eo ipeļaakier.
Meñe eļap aō kanooj ritto ļo̧k jen kom, imeļeļe kōn wāween kein jej inebata kaki kōnke enañin aolep tōre ko ikar dik wōt, ña barāinwōt iaar jelm̧ae jekjek in ilo an kar jab kanooj ļap aō lōke ña make. Imaroñ kememej aō kate bwen em̧m̧an aō katak, kōtmane ñan an wōr iaļan aō win mani in jikuuļ, im kōlmenļo̧kjen kōn etke ro jet rōjerm̧m̧an ļo̧k ilo ejja kōttōpar in wōt jen ña. Imaroñ kememej elōñ iiō ko in jiāe ikkure ko iaar kajion̄ ikkure ilo eļap lōke eo iaikuji ñan aō bōk tub ilo ikkure ilo aijkuuļ im kallōj. Eļaptata aō ememej an ejjeļo̧k aō lōke kōn ledddik, ekka an ļap ikdelel ko rej walok ippān likao ro. Eļap aō kam̧oolol bwe Sister Holland eaar kajioñ kake ña. Aet, imaroñ ememej aolep men ko kwōj kememeji—jab lukkuun jeļā kōn ewi wāween aō erretok ak eļan̄n̄e ikar riwainene ak kōn ta eo ilju enaaj bōktok ñan ña.
Kōttōpar eo aō ijin ejjab ñan kōnono aolep men ko juon rūm̧m̧anded ej jelm̧ai ko rej bōktok pere ñan juon im jet jeleke ko, ak ikōņaan kajjuik aō kōnono kōn ewi wāween an maroñ wōr juon lōke eo ejenolo̧k—juon lōke eo, elañn̄e ejimwe ad kōkaajririik enaaj kōm̧m̧an menin bwilōñ ñan aolep men ko bar jet ilo mour eo am. Ñan kōm̧m̧ane men in, ij aikuj kwaļo̧k juon bwebwenato.
Aorōk Eo kōn Wānōk an Juon Make
Elōñ iiō ko remootļo̧k kiō, m̧okta ļo̧k jen aō kar kūr āinwōt juon Rutiej an Kabuñ, iaar bōk kuņaō āinwōt juon rikōnono ilo juon kweilo̧k an ro rūm̧m̧anded. Kweilo̧k in ekar jem̧ļo̧k kōn juon jar in kwaļo̧k naan in kam̧ool ko me juon likao eo ewilieo, likao eo em̧m̧an dettan ej kab baj jepļaak tok jen an kar jerbale mijen eo an eaar jutak im kwaļo̧k naan in kam̧ool eo an. Eaar em̧m̧an erreitokin, erreo, im ewōr an lōke—āinwōt erreitok in juon mijenede eo ej kab baj jepļaaktok ilo an reitok.
Ke ej jino an tōn kōnnaan, denin kōmjaļaaļ eaar toor imejen. Eaar ba eaar mōnōnō in jutak ilubwilijin juon doulul in rūmmanded ro rej Armej ro Rekwojarjar ilo Raan-ko Āliktata im ñan eñjake juon mour em̧m̧an ej wōnm̧aanļo̧k ie. Ak eñjake eo eaar maroñ waļo̧k wōt, eaar ba, kōn wōt juon men eaar waļo̧k ñane jet iiō ko m̧okta ļo̧k, juon eñjake eo eaar ukōt mour eo an ñan indeeo.
Innām ear kwaļo̧k kōn an kar jepļaaktok jen an kar date ejjab to ālkin an kar ekkapit ñan juon elder ke ej 18 an iiō. Juon men eaar waļo̧k ilo iien date in me eaar jab buñ buruwōn kake. Eaar jab etal wōt im lukkuun kōmeļeļeik, ak kōnke ejab maroñ kar kwaļo̧k kake ilo juon jikin elōñ armej ie. N̄an rainin, ijjab jeļā m̧wilal in jorrāan eo, ak ebwe an alikkar ñane ilo an jelete im jetōb eo an im lōke eo kōn e make.
Ilo an jijet ilo wa eo waan iumin jidik iien ilowaan iiaļ eo ļo̧k ñan m̧weo im̧ōn make, ļōmņak kōn elōñ men ko im eñjake ko eļap aer kabūromōjmōj kōn jabdewōt ta eaar kōm̧m̧ane, jinen eo ejjab membōr eaar kakkōtkōt ļo̧k jen m̧weo jim̧we ļo̧k ñan wa eo waan. Ilo juon kōttan jinen eaar kalikkare bwe ļaddik eo edik ļo̧k jatin ļaddik in eaar wōtļo̧k ilowaan m̧weo, eaar ļap an itak bōran im eaar maron̄ lōtļo̧k im āinwōt kankan ānbwinin. Jemān eo ejjab membor eaar mōkaj im kūr ļo̧k waan aujpitōl eo, ak enaaj bōk jet iien ñan an maroñ itok jipañ.
“Itok im kōm̧m̧an juon men,” jinen eaar lamōj. “Ewōr ke juon men komij kōm̧m̧ane ilo Kabuñ ņe am̧ ilo iien rot in? Ewōr ippām priesthood eo aer. Itok im kōm̧m̧ane juon men.”
Jinen eaar jab kanooj jeļā kake Kabuñ in ilo tōre eo, ak eaar jeļā jidik kōn kōjeram̧m̧an ko an priesthood. Mekerta, jotenin ilo an juon eo eļap an iakwe aikuji tōmak im kajoor eo an, likao in eaar jab maroñ kōm̧m̧an jabdewōt. Ilo an wōr eñjake rot eo ej eñtaan kake ilo kōlmenļo̧kjeņ eo ej eñjake—jekdon ta eo—eaar jab maroñ bōktok e im̧aan Irooj ñan kajjitōk kōjeram̧m̧an eo aikuji.
Eaar kelok jen wa eo im ettōr ilowaan iial eo ļo̧k ñan m̧weo im̧ōn juon em̧m̧aan eo erūtto ļo̧k ak ewānōk me ekōn jeran eo epake ilo ward eo jen ke ļaddik eo eaar peptaij ruo ak jilu iiō ko m̧okta ļo̧k. Kar leļo̧k kōmeļeļe ko, im erro kar bar jepļaak ļo̧k ñan m̧weo m̧okta jen an kar rikakōlkōl eo tōkeaktok. Ta eo ej kam̧ōņōņō ilo jemļokin bwebwenato in ilo an waļo̧k ilo iien kweilo̧k naan in kam̧ool in ej kōn an ļeo erūtto ļo̧k m̧ōkaj im leļo̧k kōjeram̧m̧an eo an priesthood eo em̧m̧an, kajoor kōm̧m̧an bwe ajri eo ejorrāan en aenōm̧m̧an im kakkije m̧okta jen an jipan̄ ikijen ājmour itak tok. Juon tūreep emōkaj ñan aujitōl eaar kōm̧m̧an im juon kakōlkōl eaar kōm̧m̧an im eaar waļo̧k ke ejjeļo̧k jorrāān en eļap eaar waļo̧k. Juon iien eo eļap an kamijak ñan baam̧ļe in ear eļļā ļo̧k jen er.
Innām mijenede eo ej kab baj ro̧o̧ltok ij kōnnan kake eaar ba menin: “Ejjeļo̧k juon eo ejjañin iion ta eo iaar iione bon̄en eo enaaj jeļā kōn kajookok im būromōj eo iaar kwaļo̧k kake kōn aō kar en̄jake aō jab wānōk ñan kōjerbal priesthood eo ij kabwijer e. Ej juon ememļo̧kjeņ eo elapļo̧k an kōmōtak ñan ña āinwōt ke ej ļaddik eo lukkuun jatū eo eaikuji iō im eo jinō im jema ro rejjab membōr ro eļap aer iuwōta im ewōr aer jim̧we ñan door eļapļo̧k aer kōjatdikdik kake iō. Ak ilo aō jutak im̧ami rainin, imaroñ kallim̧ur ñan kom menin, “ear ba.” Ijjab wāppen, ak jen bon̄en eo maantak ijañin bar kōm̧m̧an jabdewōt men enaaj maroñ bōbrae iō jen aō etal iman Irooj kōn lōke im kajitōk ñan An jipañ elañn̄e aikuji. Wānōk an kajjojo ej tariņae eo ilo lal in jej mour ie,” eaar kile, “bōtaab ej juon tariņae eo ij anjo jāne. Emōj aō eñjake an Irooj ņa ruwō kōn addin ej jitōñ tok iō juon allen ilo mour e aō, im ijjab ļōmņak in bar eñjake juon bar alen elañn̄e imaroñ kōm̧an jabdewōt ņae. Aet, em̧ool,” eaar kōjemļo̧ke, “Imaroñ kōm̧m̧an jabdewōt kake.”
Eaar kōjemļo̧k naan in kam̧ool eo an im jijet. Ij maroñ wōt pijaik ļo̧k wōt e. Ij maroñ wōt lo ijo kōm kar pād ie. Im ij maron̄ wōt ememej tok an lur, an ejjeļo̧k ekeroro ālkin ennaan eo an ke aolep ilo ruum eo ej wōr aer iien ñan bar etale ļo̧k m̧wilaļ in mour ko aer, bar kōkajoor ļo̧k jidik kalim̧m̧ur ko ñan mour kaki naan kein rōkajoor elletok in Irooj.
Eo Eaar jiron̄ kōj bwe wānōk en kainōknōk e kōļmenļo̧kjeņ ko ad, innām lōke eo am̧ en ļap im̧aan Anij, im jeļāļo̧kjeņ eo kōn priesthood enaaj pād wōt ilo buruwōm āinwōt wot jen lañ.
Bwe Jetōb kwojarjar eo enaaj karejaram iien otemjej, im am̧ jokon enaaj jokon eo ejamin oktak jen wānōk im m̧ool” (lale D&C 121:45–46; elōn bar kakobaban meļeļe).
Lañlōñ ilo Jetōb in Anij
Ro jera em̧m̧an dettaer jitōnboro, en m̧ōņōnō mour ko ami. Ļōmņak kōn em̧m̧an tata im kōjatdikdik kōn em̧m̧an tata im en wōr tōmak kōn ilju im jeklaj. Ewōr juon mour em̧m̧an epād im̧ami. Jemedwōj Ilañ ej iakwe eok. Eļan̄n̄e eaar wōr bōd remaroñ ukweļo̧k jāni im rej jeorļo̧k bōd ejja āinwot ñan kar likao em̧m̧anded in. Ewōr ippām aolep men ñan mour kaki im kōm̧m̧an karōk kaki im tōmak kaki. Ñan am kowāppen ļōmņak eo am eļan̄n̄e kwōj ajimakeke jen ememļo̧kjeņ ko am komaroñ eñjake Jetōb an Anij ilo wāween eo am̧ make. Ikōņaan bwe kwōn bōk itok limo kake Jetob, ñan eñjake lōke eo ilo an pād im̧aan Irooj iien otemjej. En wānōk kōlmenļo̧kjeņ ñan kōjparok an erreo makūtkūt ko ad rainin im ilju im ñan indeeo.