2014
Bōktok Kōjeram̧m̧an ko an Priesthood eo n̄an M̧weo Imōm̧
Eprōļ 2014


Bōktok Kōjeram̧m̧an ko an Priesthood eo n̄an M̧weo Imōm̧

Pija
Bonnie L. Oscarson

Ilo am̧ kōjparok bujen ko am̧, kwoj bōktok kajoor eo an priesthood eo n̄an kōjeram̧m̧an m̧weo im baam̧le eo am̧.

Pija
Buildings from various countries.

Kōmeļeļe jān Sudi McCollum

Ewi wāween am̧ āinwōt likao ak juon jiron̄, jekdo̧o̧n ta jekjek ko ilo baam̧le eo ami, kepaak eok n̄an kajoor eo an bujen ko an priesthood eo kwaar kōm̧m̧ani n̄an kōkajoor ļo̧k m̧weo imōm̧ im baam̧le ko? Meļeļe eddo im aorōk eo an baam̧le ko ad ilo karōk eo an Irooj emaron̄ im̧we kōj n̄an kautiej kalim̧m̧ur ko jaar kōm̧m̧ani kōn lale bwe ijo em̧m̧an tata ippād im jerbal in jipan̄ eo eļap tata ej kōm̧m̧an ilowaan m̧ōko imōd. Jen lale jet iaan wāween ko jej pedped ioon kajoor eo an bujen ko ad n̄an kōkajoor ļo̧k im jerbal n̄an ro me eļap tokjāer tata n̄an kōj.

Ekōjkan Am̧ Naaj Kar Uwaak?

Ej jotenin M̧ande, im ebooļ am̧ homework. Kwoj ron̄ an jem̧ōm̧ kūr ro ilo baam̧le eo n̄an kuk tok n̄an nokon in jota eo an baam̧le. Ta eo kwoj kōm̧m̧ane?

Kālet A: Uwaak eo am̧, “Aaa, baba, ejjeļo̧k aō iien n̄an men en jotenin! Ij aikuj ekkatak!”

Kālet B: Emōkaj am̧ jipan̄ aiin tok ro jeim̧ im jatūm̧ im m̧ōņōņō in bōk koņaam̧ ilo jar ko, al, im ennaan eo.

Eļan̄n̄e ej Wōr Ritōl an Priesthood eo ilo Mweo.

Rie jinem̧ im jemōm̧ ilo am̧ m̧ōņōņō in bōk koņaam̧ ilo nokon in jota eo an baam̧le, jar an baam̧le, im ekkatak jeje ko rekwojarjar an baam̧le rej jet iaan wāween ko n̄an kōkajoor ļo̧k ritōl eo an priesthood eo ilo m̧weo imōm̧. Ekanooj lōn̄ wāween ko jet, āinwōt:

  • Jar kōn Jinem im Jemōm (Rej jar kake eok enan̄in aolep kajjojo raan.)

  • Rie jinem̧ im jemōm̧ ilo kūr ko aer ilo Kabun̄ in im kajjitōk jan jipan̄ peļaakin m̧weo, eļap tata n̄e rej boub kōn jerbal ko raorōk.

  • Jipan̄ jinem̧ im jemōm̧ karuwaineneik rūkaki in loļo̧k m̧weo n̄e rej itok, innām m̧ōņōņō in ron̄jake ennaan eo aer.

  • Eļan̄n̄e ewōr juon tampeļ ilo eria eo am̧, ba kwoj kōkaajririik ajri ro reddik jatūm̧ bwe jinōm̧ im jemōm̧ ren maron̄ etal n̄an tampeļ eo im bōk koņaaer ilo kain̄i ko an priesthood.

Keememej bwe ejjab ro jinen im jemān wōt rej eddo n̄an karuwaineneiki im dāpij wōt Jetōb eo ilo m̧weo im̧ōm̧. Eļap ijo komaron̄ kōm̧m̧ane n̄an karuwaineneik tok Jetōb eo kōn kōm̧m̧an im m̧wilim̧. Kwoj ke kōm̧m̧ane ijo koņaam̧ n̄an karuwaineneik tok im̧we eo an Jetōb n̄an m̧weo imōm̧.

Eļan̄n̄e Ewōr Ritōl an Priesthood eo ilo Mweo.

Baam̧le ko rejjab aier wōt juon im aiin aer jerbal wōt juon. Komaron̄ pād ilo baam̧le eo ejjeļo̧k ippān jinen ak jemān ak ejjeļo̧k rikabwijer priesthood eo me ej tōl ilo m̧weo im̧ōm̧. Ej lōn̄ wōt wāween ko n̄an karuwaineneik tok kajoor in priesthood eo n̄an kōkajoor ļo̧k eok im baam̧le eo am̧. Men kein jej aikuj aolep kōm̧m̧ani, jekdo̧o̧n jekjek rot ko ad:

  • Kōm̧m̧ani jar ko ami make, ekkatak jeje ko rekwojarjar, im jitlo̧k. Kijejeto kein renaaj jipan̄ eok bwe kwon kajoor ilo jetōb im karuwaineneik tok Jetōb eo n̄an mour eo am̧ im n̄an eria kwoj reel ie.

  • Bōk am̧ iien n̄an kōļapļo̧k kūr ko am̧ ak ijjitōn̄ ko am ilo Kabun̄ in im pojak n̄an katak ko ilo Jabōt. Am̧ kōm̧m̧ane menin enaaj wōr am̧ lōke eok make im kwaļo̧k am̧ rie būrookraam̧ ko an priesthood eo.

  • Kwaļo̧k kautiej n̄an aolep ro uwaan baam̧le eo am̧ im rie er ilo m̧akūtkūt ko rem̧m̧an ippāer. Kālet kein rej jipan̄ kōkajoor ļo̧k aolep baam̧le eo.

  • Kwaļo̧k ippān baam̧le eo am̧ men ko kwoj katak im kōm̧m̧ani ilo kūlaaj ko im doulul ko am̧ ilo Kabun̄ in. Ej juon wāween n̄an bōktok katakin ko an ko̧jpeļ eo n̄an m̧weo.

  • Pukōt wāween ko n̄an jipan̄ ro ipeļaakin kōn m̧akūtkūt ko reļam̧ waan an jouj.

  • Jipan̄ ipeļaakin m̧weo ilo am̧ kōm̧m̧ani jerbal ko ak jipan̄ ļaddik ak leddik ro jeim̧ im jatūm̧.

  • Kwaļo̧k iakwe eo an Kraist n̄an baam̧le eo am̧—enaaj ewōr juon tōprak eļapļo̧k ilo kōkajoor ļo̧k kadkad ko an baam̧le jān enan̄in aolep men ko jet komaron̄ kōm̧m̧ani.

Kautiej Bujen ko Am̧

Kōn jerbal, iakwe, im kōkajoor ļo̧k baam̧le ko ad, jej m̧ool n̄an bujen ko jaar kōm̧m̧ani ilo peptaij n̄an jutak āinwōt rikam̧ool an Jisōs Kraist, kōjparok kien ko An, im kōkajoor ļo̧k ro ipeļaakid. Jemaron̄ pedped ioon kajoor eo an bujen ko an priesthood eo an erom juon kōjeram̧m̧an n̄an im jipan̄ ilo m̧ōko im̧ōd im baam̧le ko ad. Priesthood, jerbal in jipan̄ im m̧weo rej naan ko me aikuj indeeo ekkejel ilo ļōmņak ko ad. Ro uwaan baam̧le ko ad make rej aikuj in nōm̧ba juon kōttōpar ilo ad pukōt wāween ko n̄an bōk koņaad ilo jerbal in lo̧mo̧o̧r in. N̄e jej kōkajoor ļo̧k baam̧le ko ad, jej barāinwōt kōkajoor ļo̧k Kabun̄ eo, jukjukinpād ko ad, im laļ in.