Kōttar n̄an Takin Aļ

Julia Wagner, Ohio, USA

Annan̄ ko raar kalbubuik ruum̧ eo ilo maroklep ke iaar ruj wōt ron̄jake an ļeo ippa emenono, kajieon̄ in jokālet eļan̄n̄e eaar kiki. Em̧oot ļo̧k de ruo raan jen ke leddik eo nejūm̧ 12-iiō-dettan eaar mej jān juon itak in wa. Iaar bar kiil māj ko māja, bōtaab kiki eaar jako jān n̄a. Iaar lukkuun kōņaan bwe leddik eo nejū en pād ippa. Aolep jeļāļo̧kjeņ eo kōn karōk in lo̧mo̧o̧r eo eaar jab kadikļo̧k būrom̧ōj eo aō kōn e.

Ke epaak an jorantak, Iaar en̄jake juon kōņaan ejidimkij. M̧ōttan jidik etak aļ, im ilo ļōmņak eo aō iaar lo mejatoto eaar obrak kōn meram in kōļār piin̄ emera. Leddik eo nejūm̧ em̧m̧an ippān kōļar piin̄. Takin aļ eo epiin̄ ej men eo de eo iaar aikuji n̄an en̄jake aō epake e bar juon alen.

“Jen etal im aloje takin aļ,” iaar unoojdikdik n̄an ļeo ippa earun̄ujn̄uj.

Kōm̧ ar jutak ilo iaļ eo, jujālļo̧k n̄an rear, im kar kōttar … im kar kōttar. Men̄e mejatoto ekar meram, aļ eaar jab dipļo̧ke kōdo̧ ko rettā.

Iaar likūt bōra ioon aeran ļeo ippa im bōk kūtuwō, kajieon̄ kōtan wōt n̄e ejjab aorōk. Ak iaar kōņaan eļapļo̧k. Iaar aikuj eļapļo̧k. Em̧ool Jemedwōj Ilan̄ emaron̄ kar letok n̄an eō ikdelel in ālkin bōk kar leddik eo nejim eaorōk n̄an kapijuknen eo Ippān.

Ke ļeo ippa eaar oktakļo̧k n̄an deļo̧n̄, reilo̧k itulikim ļo̧k n̄an irilik, eaar ba, “Lale!”

Iaar oktak ļo̧k. Kōdo̧ ko itulikūm̧ raar obrak kōn juon meram epiin̄ eaiboojoj, meram ko reaiboojoj rej jepooļ er. Iaar bōk kūtuwō im kar jino aō jan̄. Eaar lap ļo̧k an aiboojoj jen aō maron̄ kar kōtmene. Eaar āinwōt juon atbakwoj jān leddik eo nejim. Iaar jeļā Jemedwōj Ilan̄ ekar jeļā kōn metak eo an būruwō im kar jilkintok juon kallim̧ur in kōjatdikdik kōn ilju im jeklaj—juon kakememej em̧m̧an kōn baam̧le ko indeeo im aolep iien ko raiboojoj rej itok wōt.

Ekkā aō ļōmņak kōn iien eo aiboojoj im kōn jekjek eo ekāāl kar letok n̄an eō. Wōn eo ej pukot takin aļ irilik? Im aaet ej ijo me kabwilōn̄lōn̄ in aō eaar kōttar. Ewōr jet kōjeram̧m̧an ko im kabwilōn̄lōn̄ ko ij likjab jāni kōnke rej itok jān jikin ko jab kōtmene kake? Ewōr jet kōttan ij aikuj kalimjōk wōt ta eo ij ļōmņak aikuj in im likjab jān aiboojoj eo an ta eo ej?

Kōm̧ ar lukkuun jar kōn juon kabwilōn̄lōn̄ me kar karmejete, ak ke ij lale peļaakin kōn ļōmņak eo aō ekāāl, iaar lo kabwilōn̄lōn̄ eo kōn mour ko emen raar ājmour ļo̧k kōn organ ko an leddik eo nejim kar liļo̧k, kabwilōn̄lōn̄ eo an iakwe an baam̧le im ippān doon an ward eo, im kabwilōn̄lōn̄ in jerbal in jipan̄ eo. Iaar lukkuun būrom̧ōj, ak iaar barāinwōt en̄jake kōjatdikdik eo ekajoor kobrak aō kōn kajjojo takin aļ epiin̄, tulo̧k in aļ epiin̄, im kajjojo wut piin̄ ko me rej kijoon iaļ eo aō.

Kiiō ke aļ eo ej tak, Ij lale irear innām oktak ļo̧k n̄an lale irilik. Ij ettōn̄ kōn meļeļe eo bwe ewōr iien otemjej kabwilōn̄lōn̄ ko im kōjeram̧m̧an ko n̄an loi—im bwe aļ eo enaaj iien otemjej tak ioon būrom̧ōj ko ad eļan̄n̄e jej kōtļo̧ke.