Ļoor Bun̄tōn ne koNeen
Erom āinwōt Rilo̧mo̧o̧r eo ej juon jekjek jidik kōn jidik, juon jekjek to̧o̧n wōt ad mour, im komaron̄ jino kōn bun̄tōn ko reddik aolep raan.
Jeje ko rekwojarjar rej kōketak kōj n̄an erom āinwōt Jisōs Kraist im “etetal āinwōt Ear etetal” (1 Jon 2:6). Bōtaab bōk bun̄tōn ne eo im̧aan tata emaron̄ in pen—eļaptata n̄e kwoj jab jeļā ewi wāween jino.
Kwonaaj lo jipan̄ ilo Preach My Gospel: A Bok in Tōl n̄an Jerbal in Mijenede. Komaron̄ ļōmņak ej juon bok in bōk meļeļe n̄an mijenede ro rej jerbal aolep-raan, bōtaab ej lukkuun juon kein jerbal me emaron̄ jipan̄ eok jino menin kōttōpar eo am̧ n̄an erom āinwōt Rilo̧mo̧or eo. Jepta 6 kar kōm̧m̧ane n̄an jipan̄ kwe meļeļe im kōjerbal m̧wil ko āinwōt an Kraist ratimjuon rejeno̧lo̧k.
Jet kein wāween n̄an kōjerbal Preach My Gospel im jeje ko rekwojarjar ilo am̧ pukōt wāween kōļapļo̧k mour ko āinwōt an Kraist.
-
N̄an jino, etal n̄an M̧akūtkūt in Mour (Attribute Activity) ilo jem̧ļo̧k in jepta 6 ilo Preach My Gospel (peij 126). M̧akūtkūt in emaron̄ jipan̄ eok kālet ewi wōt m̧wil ko rekajoor ippam̧ ilo jetōb im ewi wōt ko kwoj aikuj jerbali.
-
Ālkin kadedeļo̧k m̧akūtkūt eo, kanooj jar n̄an kālet juon m̧wil n̄an kalimjōke. Ļōmņak in riiti jākjen eo ilo jepta 6 kōn m̧wil eo.
-
Kōm̧m̧ani menin kōttōpar ko renejo̧lo̧k maron̄ jon̄aki, me renaaj jipan̄ eok kōļapļo̧k m̧wil in. Kōm̧m̧ane juon tōre n̄an eok make n̄an jerbali menin kōttōpar eo am̧. Innām etale eddōkļo̧k eo am̧. N̄an waanjon̄ak, eļan̄n̄e kwoj kajieon̄ in kōļapļo̧k am̧ jouj, komaron̄ kōm̧m̧ane juon menin kōttōpar n̄an ba men ko rem̧m̧an kōn ro jeiūm̧ im jatūm̧ jilu alen kajjojo raan ium̧win juon wiik. Ilo jem̧ļo̧k in wiik eo, komaron̄ etale ewi wāween am̧ kar kōm̧m̧ane menin kōttōpar eo am̧ im kōm̧m̧ani okoktak ko me naaj jipan̄ eok wōnm̧aaņļo̧k wōt n̄an em̧m̧anļo̧k.
-
Preach My Gospel ej letok jeje ko rekwojarjar n̄an ekkatak kōn kajjojo m̧wil. Komaron̄ kanooj ekkatak jeje ko rekwojarjar kōllaajraki im je en̄jake ko kwoj būki ilo am̧ riit.
-
Kajjitōk ippān Jemedwōj Ilan̄ kōn jipan̄ ilo kōļapļo̧k juon mour āinwōt an Kraist. Kajjitōk kōn jipan̄ eo ejeno̧lo̧k āinwōt, “Jouj letok n̄an eō kajoor eo n̄an anjo ioon illu eo aō n̄e ro jeiū im jatū rej bōk men ko m̧weiō.” An ļāpļo̧k an niijōk jar ko am̧, enaaj pidodo ļo̧k am kile uwaak ko an Irooj.
Erom āinwōt Rilo̧mo̧o̧r eo ad, Jisōs Kraist, ej juon jekjek erumuj kitien im juon kōtōpar an juon epepen in mour. Jet iien emaron̄ āinwōt eļapļo̧k an pen jen advanced physics. Bōtaab jab ebbwer. Irooj ej kallim̧uri kōj: Bwe eo ej an Anij ej meram, im armej eo me ej bōk meram im wōnm̧aanļo̧k wōt ilo Anij ej bōk eļapļo̧k meram. Meram in ej ļapļo̧k an romak im romak m̧ae raan eo eweppān (lale D&C 50:24). Ilo ad bōk, ekkatak, im kōjerbal meram eo im m̧ool eo im wōnm̧aanļo̧k wōt n̄an ļoor Anij kajjojo raan, jemaron̄ jeļā bwe jenaaj erom ļo̧k āinwōt ad Rilo̧mo̧o̧r, Jisōs Kraist.
Pukōtļo̧k eo Juon, jen Liz Lemon Swindle, maron̄ jab kapeiki: pija © Shayla Marie Fursov; itulikin © iStock/Thinkstock; filigrees © Hemera/Thinkstock
Katak ko an Jabōt
Unin Tōl eo an Allōn̄ In: Erom Āinwōt Kraist