2013
Mijen eo Ekwojarjar an Jisōs Kraist: Rikōm̧anm̧an
Oktoba 2013


Naan in Katak an Kōrā

Mijen eo Ekwojarjar an Jisōs Kraist: Rikōm̧anm̧an

Lukkuun ekkatak katak in im pukōt n̄an jeļā n̄an kōnono kake ippān kōrā ro jeim ak jatim kwoj loļo̧k. Ekōjkan meļeļe mour im mijen eo an Rilo̧mo̧o̧r eo ej kōļapļo̧k am̧ tōmak ilo E im kōjeram̧m̧an ro kwōj oņaake er. N̄an meļeļe ko reļļapļo̧k, etal n̄an reliefsociety.lds.org.

Tōmak, Baam̧le, Deeor

Jisōs Kraist eaar “kōm̧anm̧an lan̄ ko im laļ” (3 Nipai 9:15). Eaar kōm̧m̧ane jen kajoor eo an priesthood eo, ium̧win tōl an Jemedwōj Ilan̄ (lale Moses 1:33).

“Jej aikuj in kam̧m̧oolol bwe juon Rikōm̧anm̧an emāletlet eaar kōm̧anm̧an juon laļ im juon jikin n̄an kōj ijin,” Būreejtōn Thomas S. Monson eaar ba, “… bwe jen maron̄ en̄jake juon iien idajon̄jon̄, juon iien em̧m̧an n̄an mālijjon̄e kōj make, n̄an maron̄ in karbōb n̄an men otemjej Anij em̧ōj an kōpooj n̄an kōj n̄an būki.”1 N̄e jej kōjerbal anemkwoj eo ad n̄an pokake kien ko an Anij im ukweļo̧k, jej erreeo n̄an ro̧o̧l n̄an mour Ippān.

Jen Kōm̧anm̧an eo, Būreejtōn Dieter F. Uchtdorf eaar ba, Rikakpilōklōk eo Kein Karuo ilo Būreejtōnji eo Kein Kajuōn:

“Jej unleplep in An kar kōm̧anm̧an e laļ im lan̄! …

Ej likjab eo an armej in: ilo keidi n̄an Anij, armej ejjeļo̧k tokjen; ijo wōt ke jej men otemjej im wun ko n̄an Anij.2 Jeļā bwe Jisōs Kraist eaar kōm̧anm̧an laļ n̄an kōj kōnke jej unleplep in men otemjej n̄an Jemedwōj Ilan̄ emaron̄ jipan̄ kōj kōļapļo̧k ad iakwe n̄an Er.

Jān Jeje ko Rekwojarjar

Jon 1:3; Hibru 1:1–2; Mosaia 3:8; Moses 1:30–33, 35–39; Abraham 3:24–25.

Jān Bwebwenato eo Ad

Jaar kōm̧anm̧an ilo nememein Anij (lale Moses 2:26–27), im ewōr ippād kōtmāne eo ekwojarjar. Rikanaan Joseph Smith eaar rōjan̄ sister ro ilo Doulul eo an Kōrā ro n̄an “mour n̄an jeram̧m̧an ko [aer].”3 Kōn naan in rōjan̄ in āinwōt juon pedped, sister ro ilo Kabun̄ eo an Jisōs Kraist im Armej ro Rekwojarjar ilo Raan-ko Āliktata raar katak n̄an mour n̄an kōtmāne eo aer ekwojarjar jen kakurm̧ool jibadbad eo an Anij n̄an er. “Ilo aer jino meļeļe wōn lukkuun er—leddik ro nejin Anij, kōn juon jon̄ok kar ļo̧tak kake n̄an iakwe im kōkkaajririik—rej tōpar kōtmāne eo aer āinwōt kōrā ro rekwojarjar.”4

“Kom̧ kiiō kar likūt ilo juon jekjek ijo me kom̧ maron̄ m̧akūtkūt ekkar n̄an kam̧ōņōņō ko Anij eaar katōki ilo̧jeem̧,” Rikanaan Joseph Smith eaar ba. “Eļan̄n̄e kwoj mour n̄an pedped in katak kein ewi jon̄an ļap im aiboojojoj in!—Eļan̄ñe kwonaaj mour ekkar ñan jim̧we ko am, enjeļ ro rej jab maroñ dāpdep jen aer ami rijipañ.”5

Kakeememej ko

  1. Thomas S. Monson, “Iāekwōj eo an Mour,” Kweilo̧k eo Eļap, Māe 2012, 61.

  2. Dieter F. Uchtdorf, “Kememej Kom̧ Aorōk Ippān,” Kweilo̧k eo Eļap, Nov. 2011, 20.

  3. Joseph Smith, ilo Daughters in My Kingdom: The History and Work of Relief Society (2011), 171.

  4. Daughters in My Kingdom, 171.

  5. Joseph Smith, ilo Daughters in My Kingdom, 169.

Pija in Christus jen David Nystul; bāākūrawūn jen Hemera/Thinkstock