2013
Ājmour ilo Ānbwin im En̄jake
Oktoba 2013

Katakin N̄on Kokajur Jodrikdrik Ro

Ājmour ilo Ānbwin im En̄jake

N̄an jet jodikdik, likjab n̄an mour kōn pedped in katak ko an kājmourur ilo ānbwin emaron̄ erom juon menin bōbrae eļap n̄an kōm̧m̧an m̧ōttā im kalōk lōke an juon make. Barāinwōt, ājmour ilo ānbwin im en̄jake relukkuun aorōk ak ļōmņak ko ekkā ejaaki n̄an m̧aanjebpopo n̄an jerbal e juon mijen. Ilo peij 52–53 an bok in, Elder Adrián Ochoa jen Jiljilimjuonn̄oul eo eaar kōnono kōn wāween kōjparok ānbwinnid emaron̄ tōlarōke ājmour ilo ānbwin im en̄jake. Ej kakeememej kōj n̄an kāājimourur im n̄an pokake Naan in Māletlet (lale D&C 89) bwe jen ājmour im m̧ōņōņō. Ilo am katakin ajri ro nejūm̧ ekkatak im mour kōn pedped in katak ko an ājmour ilo ānbwin im en̄jake, renaaj maron̄ kōļapļo̧k aer lōke er make im m̧aanjebpopo n̄an jerbal in jipan̄ ko ilju im jekļaj.

Āinwōt an Elder Ochoa ba: “Kōjparok ānbwinnūm̧ ej barāinwōt kōjeram̧m̧an kōļmenļo̧kjeņ eo am̧ im jipan̄ eok kakeememej eok bwe kwoj juon ajri nejin Anij im maron̄ lōke im m̧ōņōņō. M̧ōttan ko ilo ad en̄jake, ilo ānbwin, im jetōb rej aolep ekkejel ippān doon.”

Elmakot ko n̄an Katakin Jodikdik ro

  • Riiti bwebwenato eo an Elder Ochoa ippān doon im ejaake juon karōk in kāājimourur an baam̧le kōn kōttōpar in kāājimourur ko rejjejet, m̧ool.

  • Ippān jodikdik ro nejūm̧, riiti jekjen eo kōn ājmour ilo ānbwin im en̄jake ilo For the Strength of Youth (peij 25–27). Kōnono kōn ta meļeļein n̄an ājmour ilo en̄jake.

  • Al “Though Deepening Trials” (Hymns, no. 122) ippān doon im kōnono kōn ta eo jerkakpeje ej katakin kōj kōn aorōk eo an ānbwinnid.

  • Katak eoon ko rej ellaajrak ippān bwebwenato in im kōnono kōn ta eo rej katakin kōn ājmour ilo ānbwin im en̄jake.

Elmakot ko n̄an Katakin Jodikdik ro

  • Kwaļo̧k n̄an ajri eo nejūm̧ juon pija in juon tampeļ. Kōnono kōn ta meļeļein ke Rijilōk Paul ej katakin bwe ānbwinnid rej “bwe ānbwinnemi tempel an Jetōb Kwojarjar (1 Korint 6:19) im ewi wāween an jeļāļo̧kjeņ in maron̄ jipan̄ kōj kōjparok ānbwinnid im kōļmenļo̧kjeņ eo ad.

  • Kōm̧m̧ane juon laajrak in ikkure ko rem̧m̧an ko ajri ro nejūm̧ renaaj kōņaan in ikkure kaki āinwōt juon baam̧le. Innām kōm̧m̧ane juon karōk kōn wāween kōm̧m̧ani ikkure kein āinwōt juon m̧ōttan mour an baam̧le.

  • Kōnono kōn wāween ko n̄an meļeļe im kōjerbal en̄jake ko, ekitbuuj illu ak būrom̧ōj. Al “If You’re Happy” (Children’s Songbook, 266), “I’m Trying to Be Like Jesus” (Children’s Songbook, 78), ak barjuon al kōn en̄jake ko im kōm̧m̧ani kālet ko rem̧m̧an.

Kōmeļeļe jen Taia Morley