Am̧ Jolet Mijenede Eļap
“Aolep mijenende ro, m̧okta ak kiiō rej jerbal kōn kōjatdikdik n̄an kōm̧m̧an bwe mour en em̧m̧anļo̧k n̄an armej ro jet.
Rainin mijenede ro rej wōm̧aanļo̧k kōn jolōt eo eļap bwe laļ en obrak n̄an jeļā Jeova (lale Aiseia 11:9). Jān Abraham n̄an Paul n̄an Ammōn n̄an Wilford Woodruff, mijenede ro ilo jeje ko rekwojarjar im bwebwenato in Kabun̄ in rej kōpooj mijenede ro raan kein kōn eļap kajoor.
Men̄e jej membōr mijenede, kōbpopo n̄an jerbal in mijenede aolep raan, jerbale juon mijen, ak ro̧o̧ltok jān juon mijen, jemaron̄ bōk peran im im̧we jān waanjon̄ak kein.
Bwebwenato in Mijenede ro Ad ilo Baibōļ im Pearl of Great Price
Mijenede ro ilo Kallim̧ur M̧okta, āinwōt Jona, kar kūr n̄an kwaļo̧k ainikien kakkōļ n̄an armej ro (lale Ezekiel 3:17–19). Jān waanjon̄ok eo an Jona jej lo aorōk eo an ukwelo̧k im pokake. Bwebwenato in Abraham ej katakin kōj kōn bwijin im kajoor eo ilo Priesthood eo an Melkisedek.
Mijenede ro ilo Kallim̧ur Ekāāl, āinwōt Piter im Paul, raar jerbal n̄an dāpij katak ko an Jisōs Kraist. Mekarta, laļ in eaar bun̄ jān tōmak. Anij ar bar kōjepļaaktok ko̧jpeļ in kōn Rikanaan Joseph Smith. Jej kiiō jerbal, āinwōt an kar mijenede ro kōm̧m̧ane, n̄an dāpij im kwaļo̧k katak ko an Jisōs Kraist.
Jona ioon Pārijet in Nineveh, jen Daniel A. Lewis. Jona eaar ukweļo̧k im kar etal im kwaļo̧k im kapen bwe Jeova ej iroj in ijoko otemjej im ejjab kwaļo̧k An iakwe n̄an juon wōt laļ ak armej (lale Jona 1–4).
© 2002 Daniel A. Lewis
Piter im Jon im̧aan mejān Ripepe ro ilo Jerusalem, jen Simon Vedder. Kar ain̄intok Piter im Jon im̧aan mejān ri pepe ro, im pris ro routiej raar jiron̄ ļo̧k er, “Kōm ar kanooj jiron̄ kom̧ bwe kom̧in jab katakin kōn āt in? im, lo, kom̧ ar kobrak Jerusalem kōn ami katak. … Innām Piter … eaar uwaak im ba, Em̧m̧an jen pokake Anij eļap jān armej” ( Jerbal 5:28–29).
Pija jen Church History Museum
Rijilōk Paul, jen Karel Skreta. Ilo ito-itak im leta ko an, Paul eaar kwaļo̧k naan in kam̧ool eo an ekajoor kōn Rilo̧mo̧o̧r ilo aolepen Asia im rājet in laļ en me ar jeļā kake ilo tōre eo.
BPK, Berlin / Gemaeldegalerie Alte Meister, Staatliche Kunstsammlungen, Dres / Elke Estel / Hans-Peter Klut / Art Resource, NY
Melkisedek ar Kōjeram̧m̧an Ebream [Abraham], jen Walter Rane. Melkisedek ar kōjeram̧m̧an Ebream (lale Jenesis 14:18–20) im barāinwōt kar leļo̧k n̄an e priesthood eo (lale D&C 84:14). Ilo bar juon tōre, Irooj ar waļo̧k n̄an Ebream im jiron̄ e bwe Enaaj kōm̧m̧an bwe en juon rikwaļo̧k, n̄an kwaļo̧k kōn Etan ilo juon laļ jab jeļā kake. Innām Eaar ba bwe menin enaaj juon kōjeram̧m̧an n̄an ineen Ebream tokālik, im bwe ineen naaj rikwaļo̧k im bōk priesthood n̄an aolep laļ (Abraham 2:6, 9).
Pija jen Church History Museum
Bwebwenato in Mijenede ro Ad ilo Bok in Mormon
Alma, Amulek, ļōm̧aro nejin Mosaia, im Samuel ri Leman eo rej jet iaan mijenede ro rōm̧m̧an jej loe ilo Bok in Mormon. Jān er jej lo waanjon̄ok ko an ukwelo̧k, tōmak, pokake, im peran. Āinwōt er, jemaron̄ pedped ioon im̧we im m̧adenļo̧k jān Anij n̄an tōl jerbal in mijenede eo ad.
Ammōn im̧aan mejān Kiin̄ Lamonai, jen Gary L. Kapp. Ammōn, juon iaan ļōm̧aro nejin Mosaia, kar lo̧m̧o̧ren bwijin kidu ko an Kiin̄ Lamonai. Ke kiin̄ eo eaar kajjitōk ippān Ammōn eļan̄n̄e kar jilkintok e jān Anij, Ammōn ar ba bwe ej juon em̧m̧aan kar kūr jen Jetōb Kwojarjar n̄an kwaļo̧k ko̧jpeļ eo “n̄an armej ro an [Lamonai], bwe ren maron̄ itok n̄an juon jeļā kōn men eo ejim̧we im m̧ool” (Alma 18:34).
© Gary L. Kapp, jab maron̄ kapeiki
Eaar Bōktok Naan Em̧m̧an n̄an Aō Jetōb, jen Walter Rane. Juon enjeļ ar loļo̧k Samuel ri Leman eo im bōktok “naan eo em̧m̧an n̄an jetōb eo an [Samuel] kōn itok eo an Rilo̧mo̧o̧r (Hilamōn 13:6–7). Āinwōt m̧ōttan kūr eo an n̄an kwaļo̧k n̄an ri Nipai ro, Samuel eaar jutak ilo wōrwōr eo ilo Zaraemla im kwaļo̧k naan ko rem̧m̧an n̄an armej ro.
Pija jen Church History Museum
Bwebwenato in Mijenede ro Ad ilo Doctrine and Covenants
Ālkin Jepļaaktok eo an ko̧jpeļ in, mijenede ro raar aorōk. Mijenede ro āinwōt Dan Jones, Orson Hyde, im Parley P.Pratt raar kwaļo̧k kōn Bok in Mormon im ko̧jpeļ eo an Jisōs Kraist. Ro jet, āinwōt Samuel ļeo jatin Rikanaan Joseph Smith, kar jerbal epaake m̧weo im̧weer. Ro jet raar etal etto ļo̧k n̄an kwaļo̧k ko̧jpeļ eo ilo jikin ko āinwōt Thailand, Sandwich Islands (Hawaii), Denmark, im England.
Mijenede rein ekkā aer jerbale elōn̄ lo̧k jen juon mijen. Rej ilo̧k jen jineer im jemeer, ro rejitenbōro, kōrā ro, ajri ro, im ajri ro jibwieer āinwōt ad kōm̧m̧ane. Raar jerbal āinwōt riwaanjon̄ak ro n̄an kōj rainin kōn tōmak, peran, pokake, niknik, im tiljek.
Rikwaļo̧k ro an Mormon, jen Arnold Friberg, pedped ioon juon original jen Christen Dalsgaard. Pija in mijenede ro m̧okta kar kwaļo̧k ko̧jpeļ eo an Jisōs Kraist n̄an juon baam̧le in Danish kōn kijejeto in jerbal ilo kar 19th-century eo. Mijenede ro raar barāinwōt kwaļo̧k itōrerein iaļ ko ak ilo im̧ōn kweilo̧k ko.
© IRI, pija jen Arnold Friberg
Wilford Woodruff Epojak in Peptaij ilo Benbow Farm, jen Richard A. Murray. Irooj ar tōl Wilford Woodruff ilo 1840 eo n̄an jikin kallib an John Benhow ilo Herefordshire, England. “Eaar wōr armej ijo ro raar jar n̄an bōk men ko etto,” Wilford ar je. “Kar jekjek eo, raan ko jiln̄uul im̧aan ālkin aō tōpar ļo̧k ijo iaar peptaiji jijno bukwi armej. … Ilo allōn̄ ko ralitōk in jerbal ilo laļ en iaar bōktok taujin ko n̄an Kabun̄ in. Etke? Kōnke armej ro raar pojak n̄an ko̧jpeļ in” (“Discourse,” Deseret Weekly, Nob. 7, 1896, 643).
Ekkal ioon Am̧ Jolet Mijenede Eļap
Ke Būreejtōn Thomas S. Monson ar kōjjeļāiki ilo Oktoba 2012 kweilo̧k eo eļap me likao ro im jiron̄ ro remaron̄ etal n̄an juon mijen ilo iiō ko reddik, jon̄oul taujin in Armej ro Rekwojarjar ilo Raan-ko Āliktata raar erom mijenede.
Ilo Eprōļ 2013 kweilo̧k eo eļap, Elder Neil L. Andersen jen Doulul eo an Jon̄oulruo Rijilōk ro ar kobaik naan in kam̧ool eo an kōn jerbal in mijenede im rōjan̄ kajjojo iaad n̄an erom juon m̧ōttan kabwilōn̄lōn̄ in eaorōk n̄an jipan̄ pukot ro repojak in ron̄jake ko̧jpeļ in: “Āinwōt an Irooj im̧we eļapļo̧k mijenede ro n̄an jerbal, Ej barāinwōt karuj kōļmenļo̧kjeņ ko im kōpeļļo̧k bōro ko an aolep em̧m̧aan im armej ro rem̧ool n̄an bōk mijenede ro An. Kom̧ kadede jeļā er ak naaj jeļā er. Repād ippān baam̧le eo ami im rej mour ilo jukjukinpād eo ami. Rej eļļāļo̧k jen eok ilo kābonin iaļ ko, jijet itūrūmi ilo jikuul, im m̧ad ippām̧ ilo intōrnet” (“Ej juon Kabwilōn̄lōn̄,” Liahona, Māe 2013, 78).
Mijenede ro rekāāl raar tōkeāāk im kar peptaiji armej in Sandwich Islands (Hawaii) ilo 1851. Raan ko ilo pija in kar bōke m̧oktaļo̧k.
Jab maron̄ kapeiki
Kwaļo̧k ko̧jpeļ eo ilo Kābonin Iaļ ko, jen Ken Spencer. Mijenede rein ruo raar kwaļo̧k ko̧jpeļ eo n̄an juon em̧m̧aan itūm̧aan in juon im̧ōn wia kake bok ilo New Brunswick, New Jersey, USA.
Pija jen Church History Museum
Mijenede ro Iien otem̧jej, jen Juei Ing Chen. Membōr ro an Kabun̄ in ilo Taiwan, āinwōt membōr mijenede ro jabdewōt jikin, rej kwaļo̧k lan̄lōn̄ eo aer ilo ko̧jpeļ in im ilo jeje ko rekwojarjar. Jeje ko Rekwojarjar repād ioon tabōļ ņe; im nine ņe eaitok ebūļu elemlem kōn juon pija in Taipei Taiwan Tempel.
© IRI, pija jen Juei Ing Chen
RiLeman ro Renaaj Ebbōļ āinwōt juon Rooj, jen Joselito Jesus Acevedo Garcia. Pija in ar bōk jikin ilbwulijin armej in Spanish. Ruo mijenede raar kōbpopo n̄an kwaļo̧k kōjpeļ in ilo an armej ro kōm̧m̧ani jerbal ko aer. Ilo Peru Temple, ipeļaakin epād em̧ ko reddik im menin mour ko, ej kwaļo̧k eddōkļo̧k eo an Kabun̄ in.
Pija jen Church History Museum
Mijenede ro ilo Raan-ko Āliktata, jen Emile Wilson. Mijen eo m̧oktata ilo Sierra Leone ar ejaak ilo Freetown ilo Juļae 1, 2007. Freetown eaar erom kein 3,000th stake ilo Kabun̄ in ilo Tijem̧ba 2, 2012.
Pija jen Church History Museum