Bok in Jeje eo an Kweilo̧k eo Eļap ilo Oktoba
Meļeļe ko ilo Kweilo̧k eo Eļap
Rijeje eo ej jokwe ilo Washington, USA.
“Baj Uwaak Mōk Wōn ej Itok im Kōjota?”
Jon̄oul ļalem raan m̧okta jen an ijjino kajjojo kweilo̧k eo eļap, baam̧le eo am̧ rej katotoik juon peba ej kōjjeļā ijjino eo an “Baj Uwaak Mōk Wōn ej Itok im Kōjota?” Innām kōm̧ij kobaik pija ko āliktata an rikanaan eo ad, rilolo ro, im rikkwaļo̧k revelesōn ro jān jeje ko m̧okta an māākjiin ko an Kabun̄ in.
Ij m̧aanjebpopo jen aō kappukōt rikanaan eo kōm̧ naaj karuwaineneik bon̄ eo. Jet iien ij elolo men ipeļaakin m̧weo n̄an bōk jikin jet men iaar loi, innām ij likūt er ioon juon pileej. Ilo kōjota eo, ke ij kwaļo̧k bwebwenato kōn kajjojo iaer, aolep raar kajjieon̄ uwaak wōn eo. Iien ko jet, iaar kwaļo̧k juon ak ruo iaan rikanaan ro raar kwaļo̧k ilo kweilo̧k eo eļap m̧oktaļo̧k.
Iaar bwilōn̄ kōn men ko ajri ro nejū rej keememeji kōn rikanaan ro im rijilōk ro ad rejitōn bōro, im ijeļā ikkure in epidodo eaar kōļapļo̧k aō iakwe im jeļāļo̧kjeņ kōn em̧m̧aan rein barāinwōt.
Kape eo Aō Make kōn Kweilo̧k eo
Ke Elder Neil L. Andersen jen Doulul eo an Jon̄oulruo Rijilōk ro im kōrā eo pāleen, Kathy, raar lotok ilo kweilo̧k eo an stake eo am, Sister Andersen eaar kwaļo̧k juon bwebwenato ippām. Eaar ba bwe ke raar jokwe ilo France, eaar kōm̧m̧an pija in kōnono ko ilo kweilo̧k eo n̄an kajjojo ajri ro nejier—barāinwōt ajri ro reddik. Eaar ilbōk ke eaar jeļa oņāān kōm̧m̧an kape, eaar lukkuun ļap. Innām ļōmņak eo eaar itok n̄an ļōmņak eo aō: “Ta aorōkin n̄an baam̧le eo am̧ bwe en wōr ippāer naan ko an rikanaan ro?”
Bwebwenato in eaar im̧we eō, im iaar kōm̧m̧an bwe aolep ro ilo baam̧le eo am en wōr an kape in kōnono ko an kweilo̧k eo. Leddik ro nejim̧ raar lukkuun m̧ōņōņō. Kōm̧ ar kōjerbali n̄an nokon in jota eo am̧ im ilo iien katak jeje ko rekwojarjar. Em̧m̧an ippa lale an juon nejū leddik riiti kōnono ko ippān make im kōkkaļļeki kōn highlighter eo an. Leddik eo juon nejū, ej kab peptaij, kar akweļap ippa bwe in riiti ippān juon iļo̧k juon.
Apan̄ an Kweilo̧k eo
Āinwōt m̧ōttan katak eo aō ilo Doulul eo an Kōrā, iaar kajjitōk ippān kajjojo sister ro n̄an etali kōnono ko jān kweilo̧k eo m̧oktaļo̧k; jet iaan sister ro raar bar riiti, ro jet raar aloji ilo online. Jet sister raar kwaļo̧k kōn wāween aer kar en̄jake eļapļo̧k n̄an m̧aanjebpopo n̄an kweilo̧k eo ej itok.
Pija eo kōmeļeļeik jen pija in Carlos Israel Gutiérrez Robles