Ioon Iaļ eo
Kōttarilo Winter Quarters
Juon Bukwōn Kāāl
Ālkin an Rikanaan Joseph Smith kar mej, Nauvoo, Illinois, eaar erom juon jikin kauwōtata. Armej ro Rekwojarjar rekar em̧m̧akūt jān m̧ōko m̧weer n̄an pukōt juon jikin aenōm̧m̧an n̄an jokwe ie. Ilo Pāpode 1846, kumi eo kein kajuon an ro Rekwojarjar rekar jino iaļ eo aer iturilik, bōtaab mejatoto nana im nan̄inmej kar karum̧wijļo̧k er. Iien eo rekar kijone Iowa, ejej iien n̄an tallōn̄e Toļ ko Rōdkake m̧okta jen wintōr. Kōn menin ritōl ro an Kabun̄ in raar kālōt juon jikin ijo Armej ro Rekwojarjar remaron̄ kar pād ie ilo wintōr eo. Raar ņaetan Winter Quarters.
Jerbal ippān doon
Jet armej rekar kalōk m̧ōko kōm̧m̧an jān aļaļ ak taboļan. Ro jet rekar jokwe ilo em̧ nuknuk im ron̄ ko ilo toļ ko. Armej ro Rekwojarjar raar kajjeon̄ m̧ōņōņō ilo iien pieo̧ eo aetok kitien. Rekar jipan̄ doon. Rekar etal n̄an jikin kōjan̄jan̄ ko im kar al im eeb. Rekar kalōk juon jikin kōm̧m̧an pilawā, juon im̧ōn kweilo̧k, im juon jikin kōm̧m̧an iep.
Wōnm̧aanļo̧k Wōt
Iien eo Armej ro Rekwojarjar raar pād ilo Winter Quarters eaar pen. Elōn̄ armej rekar mej. Bōtaab paineer ro raar tōmak bwe Irooj enaaj kōjeram̧m̧an er im jipan̄ er tōpar Zaion. Ke ej jejjet iien māņāāņ, kumi eo kein kajuon an paineer ro raar em̧m̧akūt jān Winter Quarters im jibadōkļo̧k Salt Lake Valley.
Rainin komaron̄ lo Temple eo ilo Winter Quarters Nebraska im loļo̧k Mormon Trail center eo ilo Winter Quarters n̄an katak elōn̄ļo̧k kain kōn paineer ro.
Jōkjōk in ej waļo̧k ilowaan Mormon Trail Center eo ilo Winter Quarters ekōm̧m̧an bwe en bar ejaak jikin kōppād ko ilo iaļ eo ilo Iowa ijo William Clayton ekar jeiki al eo “Itok, Itok Ro Rekwojarjar.” (Al, no. 30).
Ilo Mormon Trail Center eo, komaron̄ lo elōn̄ kain kōkkadede ko Armej ro Rekwojarjar raar būki ilo iaļ eo aer n̄an jōko iturilik. Ritōl ro an Kabun̄ in raar jiron̄ er n̄an ebbōk pilawā, kein kāre m̧ōn̄ā ko rebwil, rice, bean im kau ko rej kwaļo̧k milik.
Jet iaan Armej ro Rekwojarjar raar kalōk m̧ōko kōm̧m̧an jen aļaļ n̄an jokwe ie tōreo raar pād ilo Winter Quarters.
Armej ro Rekwojarjar raar kijone Mississippi, jān Grant Romney Clawson © IRI; pija ko jān Jennifer Maddy im Welden C.Andersen
Iaļ eo ilo Iowa
Iowa
Nauvoo
Winter Quarters