Inaaj Kwaļo̧k Ko̧jpeļ eo n̄an Aolep Ajri ro Nejin Anij

Em̧ōj ke am̧ kar m̧ōn̄ā juon men elukkuun enno̧ me kokōņaan kwaļo̧k n̄an aolep? Rikanaan Liai ekar ettōņake an m̧ōn̄ā m̧ōttan leen wōjke enno̧. Jon̄an an enno̧ ke “eaar jiōbļo̧k an kōn lan̄lōn̄ eļap” (1 Nipai 8:12). Liai ekōņaan bwe baam̧le eo an en bar edjon̄e leen wōjke in enno̧.

Leen wōjke eo ilo ettōņak eo an Liai ej āinwōt io̧kwe eo an Jemedwōj Ilan̄. Liai ekōņaan bwe baam̧le eo an en en̄jake io̧kwe eo an Jemedwōj Ilan̄. Ekōņaan kwaļo̧k ko̧jpeļ eo n̄an er kōnke ejeļā bwe enaaj kam̧ōņōņōik er.

Eiten aolep iien ajri ro eļap aer jeļā kwaļo̧k kōn ko̧jpeļ eo n̄an ro jet.

Ralitōk iiō dettan Maria ekar lo mijenede ro ilo iaļ ko ilo Ecuador. Eaar kajjitōk ippāer eļan̄n̄e remaron̄ katakini ko̧jpeļ eo. Mijenede ro raar itok n̄an m̧weo m̧ōn Maria n̄an katakini baam̧le eo an. Maria ekar kein kajuon ilo baam̧le eo an n̄an peptaij. Ekar lukkuun m̧ōņōņō ke aolepān baam̧le eo an āliktata raar kobatok ilo Kabun̄ in.

Ratimjuon iiō dettan Eric ekar lukkuun m̧ōņōņō kōn iien Kōnono an Būraimere ilo Kwojkwoj eo eaar karuwainene ro riturin n̄an itok. Rekar itok.

Ajri rein jim̧or raar kwaļo̧k juon men eaorōk n̄an ro rej io̧kwe er. Ilo am̧ kwaļo̧k ko̧jpeļ eo, naan in kam̧ool eo am̧ enaaj eddōkļo̧k. Āinwōt Liai, kwonaaj en̄jake “eļap otem ļap lan̄lōn̄.”

Tuanmiin̄: Kōmeļeļe jān Mark Jarman; tuanbwijmaron̄, laļļo̧k jān ilōn̄ tuanmiin̄: Kōmeļeļe ko jān Jim Madsen, Jared Beckstrand, Eric Barclay, im Celeste Smith