2013
Kajjitōk ko im Uwaak ko
Eprōļ 2013


KAJJITŌK KO IM UWAAK KO

“Ekōjkan aō kōmeļeļeik n̄an eo m̧ōtta etke kakkure kien erreo ej juon ļōmņak enana?”

Jemedwōj Ilan̄ ekōņaan bwe jen m̧ōņōņō im erreo kōn Jetōb eo An, kōn menin Ej letok n̄an kōj kien ko n̄an jipan̄ kōj dāpij ļōmņak ko ad, naan ko, im m̧akūtkūt ko ilowaan jikin ko rejejjet. Kien erreo ej jipan̄ dāpij kajoor in tūm̧wōņ im orļo̧k eo ilowaan kōtaan ko an m̧are. Juon iaan un eo Ej jiron̄ bwe kajoor in tūm̧wōņ im orļo̧k eo ej waļo̧k wōt ikōtaan ļeo im lio pālele ej kōnke “ajri ro rej maron̄ ļotak ilo korak in m̧are ko.”1

Kwoj aikuj leļo̧k juon kape in Non Kokajur Jodrikdrik ro ippān eo m̧ōttam̧. Ej letok jet un ko etke ej em̧m̧an n̄an kōjparok kien erreo: “N̄e kwoj erreo jān m̧ōm̧ an kanniōk, kwoj kōpooj eok make im kōjparok bujen ko rekwojarjar ilo tampeļ. Kwoj kōpooj eok make n̄an kalōk juon m̧are ekajoor im bōktok ajri ro n̄an laļ in āinwōt m̧ōttan juon baam̧le indeeo im eiakwe. Kwoj kōjparok eok make jān jorrāān eo an jetōb im en̄jake eo me ej itok jān kōm̧m̧ane m̧ōm̧ an kanniōk eo jeļā kake itulikiin m̧are. Kwoj barāinwōt kōjparok eok make jān nan̄inmej ko rekemmettak. Pād wōt ilo erreo jān m̧ōm̧ an kanniōk ej jipan̄ eok n̄an lōke im m̧ool in m̧ōņōņō im kōkōm̧anm̧anļok maron̄ eo am n̄an kōm̧m̧ani jokālet ko rem̧m̧an kiiō im ilo ilju im jekļaj.”2

Tampeļ Eo

Jemedwōj Ilan̄ ewōr an jibadbad ekwojarjar n̄an aolepād wōj, im bwe jibadbad in emaron̄ kakūrm̧ool ilo tampeļ eo. Jej aikuj erreo n̄an deļo̧n̄e tampeļ eo bwe baam̧le ko ad ren maron̄ liāp n̄an indeeo. Jenaaj mour ippān Jemedwōj Ilan̄ bar juon alen, im men eo eaorōk tata jenaaj bōk juon lan̄lōn̄ ejjeļo̧k jem̧ļo̧kin, eo me eo jab erreo ejjab maron̄ bōke.

Alofa M., 18 iiō dettan, Samoa

M̧are im Baam̧le

Em̧ōj rōjan̄ kōj n̄an erreo jen m̧ōm̧ an kanniōk bwe jān maron̄ erreo n̄an deļo̧n̄e tampeļ eo im kōjparok bujen ko rekwojarjar. Eļan̄n̄e jej ļoor kien erreo, jemaron̄ kalōk juon m̧are im baam̧le ekajoor ilo ilju im jekļaj. Satan ej iien otemjeļo̧k pād n̄an kapo kōj, ak kōn jar, jeje ko rekwojarjar, im ro m̧ōttad rem̧m̧an, jemaron̄ anjo ioon.

Resty M., 16 iiō dettan, Philippines

Ilowaan M̧are

Ikōn kōmeļeļeik n̄an eo m̧ōtta bwe kakkure kien erreo ej juon ļōmņak nana kōnke kajoor eo an tūm̧wōņ im orļo̧k kar kōm̧m̧an n̄an wōt ripelele ro m̧are ilo mālim. N̄e jej kakkure kien erreo, jej jerwane Jetōb Kwojarjar eo ilo mour ko ad.

Augustina A., 15 iiō dettan, Ghana

Kaje ko Renana

Elōn̄ kaje ko renana n̄an kakkure kien erreo, bōtaab ejjab aolepāer kwoj katak kaki ilo kūlaj in ājmour. Kakkure kein erreo emaron̄ kadiwōjļo̧k Jetōb eo jān mour eo am̧, kōmetak ro repaake eok, im kōm̧m̧an bwe kwon en̄jake nana kōn kwe make. Ij elmakote n̄an alooje Ennaan ko in Mormon pija ņa etan “Chastity: What Are the Limits?” [ilo youth.lds.org in ilo kajin English, Portuguese, im Spanish].

Matthew T., 17 iiō dettan, Utah, USA

Kajjitōk ko Raorōk

Uwaake kajjitōk eo an eo m̧ōttam̧ kōn kajjitōk jet kajjitōk ko: “Ta eļan̄n̄e eo pāleem̧ ilju im jekļaj eaar lale eok kiiō?” Aolep armej iaar ron̄ kaki me raar kakkure kien erreo em̧ōj aer kar aljok. “Ta eļan̄n̄e ajri eo nejūm̧ ilju im jekļaj ej kajjitōk eļan̄n̄e kwar kakkure kien erreo?” Eo m̧ōttam̧ ej aikuj katak ekōjkan an aorōk kien erreo ej kiiō, m̧okta jān an ļaddik ak leddik eo nejūm̧ kajjitōk kajjitōk in. Kwoj aikuj kōjparok erreo im karbōb eo am̧ make n̄an tōl juon mour em̧ōņōņō, ājmour ilo ejjeļo̧k bōd an kakkure kien eo ekwojarjar.

Robyn K., 13 iiō dettan, Utah, USA

Juon Menin Letok Ekwojarjar

Eļan̄n̄e menin letok eo an tūm̧wōņ im orļo̧k eo ilo jab kaorōke, menin letok aorōk in jān Anij naaj kōm̧m̧an n̄an e āinwōt juon men bajjōk. Leļo̧k juon menin leļo̧k ejjab āinwōt aorōk eļan̄n̄e armej eo kwoj leļo̧k n̄an e ejjab ļōmņak kake eaorōk. Juon armej ej aikuj iien otemjeļo̧k kautiej dūm̧oņ im orļo̧k, bwe jej aolep tampeļ ko an Anij im aikuj pād wōt karbōb im erreo āinwōt juon tampeļ.

Jaron Z., 15 iiō dettan, Idaho, USA

Jetōb eo Ippād

N̄e kwoj pād wōt ilo erreo jān jerawiwi, kwonaaj kanooj ļapļo̧k am̧ m̧ōņōņō im kwonaaj jeram̧m̧an. Ānbwiin ko ad rej āinwōt tampeļ ko, im Jemed Ilan̄ “ejjab jokwe ilo tempel ko re jab kwojarjar” (Alma 7:21). Kōn menin n̄e jej pād wōt ilo erreo jān jerawiwi, Jetōb eo emaron̄ jokwe ippād.

Maryann P., 14 iiō dettan, Arkansas, USA

Erreo im Kautiej

Jen ļoor kien erreo eo, jemaron̄ pād wōt ilo erreo ilo im̧aan mejān Anij, jej kautiej kōj make, im jej jipan̄ ro jet kautiej kōj barāinwōt. Eļan̄n̄e jej pokake kien erreo, jej kwaļo̧k bwe jej kea kōn ajri ro nejin Anij im bwe jej dāpij wōt jon̄ak ko routiej. Jenaaj joļo̧k ajļo̧k ko. Ilo ad pokake Jemedwōj Ilan̄, eļaptata ikkijien kien in, mour eo ad enaaj m̧ōņōņōļo̧k ijin ioon laļ in im ilo laļ eo ej itok.

Alyana G., 19 iiō dettan, Philippines

Wānōk im Erreo

Irooj ej laudin̄din̄ ilo wānōk im erreo, im aolep men rej aikuj kōm̧m̧an ilo iien eo ejejjet. Kien erreo ej juon kien jān Irooj. Jar im jemjerā eo an Jetōb rej men ko ruo reweppān n̄an jeļā bwe erom erreo ej juon kōjeram̧m̧an.

Selene R., 18 iiō dettan, Nicaragua

Kakeememej ko

  1. “Baam̧le Eo: Juon Naan in Kean̄ n̄an Laļ in,” Liahona, Nov. 2010, 129.

  2. For the Strength of Youth (booklet, 2011), 35.