2013
Ekōjkan Jerbal ilo Kūr ko an Priesthood
Eprōļ 2013


Ekōjkan Jerbal ilo Kūr ko an Priesthood

Jān Eprōļ 1987 ekōnono eo ilo kweilo̧k eo eļap.

Pija
Būreejtōn Thomas S. Monson

Konan̄in ke ļōmņak kōn aorōk eo an juon jetōb an armej? Konan̄in ke ļōmņak ikkijien maron̄ eo me ej pād ilowaad kajjojo?

Juon iien iaar pād ilo juon kweilo̧k an stake ijo stake būreejtōn eo kar aō Paul C. Child eaar elōkļo̧k n̄an Doctrine and Covenants 18 im jino riit Ijo Irooj eaar ba bwe jetōb ko eļap aer aorōk ilo im̧aan Mejān (eoon 10 (lale D&C 18:10).

Innām Būreejtōn Child eaar kajjitōk, “Ta aorōk eo an juon jetōb an armej?” Eaar jab kūr juon bisop, stake būreejtōn, ak ko̧o̧njeļ eo eutiej n̄an juon uwaak. Ijeļļo̧kin, eaar kālet būreejtōn eo an doulul eo an elder ro.

Em̧m̧aan eo ewiwijet eaar ikōn̄ wōt jon̄an eaar āinwōt indeeo innām kar kwaļo̧k, “aorōk eo an juon jetōb an armej ej maron̄ eo n̄an erom āinwōt Anij.”

Aolep ro raar pād raar ļōmņak kōn uwaak eo. Būreejtōn Child eaar wōnm̧aanļo̧k wōt kōn ennaan eo an, bōtaab iaar wōnm̧aanļo̧k n̄an kejōkļo̧kjeņ kōn uwaak eo eim̧we.

N̄an tōpare, n̄an katakin, n̄an un̄uri jetōb ko raorōk me Jemedwōj eaar kōpooji n̄an ennaan eo An ej juon jerbal eļap. Wejepedik ejjab emakijkij lemwaan. Ekkā an itok jān dān in kōmejaaļaļ ko, mālijon̄ ko, lōke, im naan in kam̧ool.

Ro rikarejeran Anij rej bōk kaenōm̧m̧an jān kam̧ool eo an M̧aajta eo: “Ij pād ippāmi iien otemjej” (Matu 28:20). Kallim̧ur in ekabwilōn̄lōn̄ ej rie kom̧ em̧m̧aan ro an Priesthood eo an Aron me kar kūr n̄an jerbal ko an tōl ilo doulul ko an tikōn ro, rūkaki ro, im pris ro. Ej kōketak kom̧ ilo m̧aanjabpopo ko n̄an jerbal ilo jikin mijen. Ekeanōm̧m̧an kom̧ ilo iien ebbeer ko, me rej itok n̄an aolep.

Irooj ej ba bwe jejjab aikuj in m̧ōk ilo kōm̧m̧an em̧m̧an, bwe jej kalōk pedped eo an juon jerbal eļap. Im jān men ko reddik ej waļo̧k eo me eļap.

Irooj ej aikuji juon bōro im ļōmņak eo em̧ōņōņō (lale D&C 64:33–34). Juon tōmak eaitok kitien, juon lōke edim, im juon ikdelel epen kar iien otemjej kwaļo̧k kadkad in ro me rej jerbal n̄an Irooj kōn aolepān būruwier.

Eļan̄n̄e jabdewōt em̧m̧aan rej ron̄jake ainikiō rej en̄jake jab pojak, em̧ool jab maron̄ in uwaake kūr eo n̄an jerbal, n̄an karmejete, n̄an kōjeram̧m̧ani mour ko an ro jet, kememej m̧ool eo: “Eo Anij ej kūr, Anij ej kōkarbōbe.”

Pija

Kōmeļeļe in pija jen Cody Bell © IRI