2013
Kamminene eo an Ritōl Aolepān Laļ in—juon Ijjino Ekāāl
Eprōļ 2013

Kamminene eo an Ritōl Aolepān Laļ in—juon Ijjino Ekāāl

Ilo allōn̄ kane rej itok, membōr ro an Kabun̄ in peļaakin laļ in naaj bōk kūņaer ilo juon ijjino kāāl eim̧we n̄an Kamminene eo an Ritōl Aolepān Laļ in.

Ejjab āinwōt kamminene in kweilo̧k ko m̧oktaļo̧k, Kamminene eo an Ritōl Aolepān laļ in ejamin naaj kadiwōjļo̧k āinwōt juon m̧akūtkūt make ļo̧k iaan n̄an ritōl ro an ward im stake. Ijjelo̧kin, enaaj ajeej n̄an ratimjuon m̧wen̄an ko rekadu—ilo juon DVD im ilo LDS.org—me ekitbuuj ekōnono ko jen aolep ritōl ro, membōr ro, im baam̧le ko ilo aolepān iiō in ej itok im ālkin.

Kōttōbar eo an kamminene in ej n̄an “Kōkajoorļo̧k Baam̧le eo im Kabun̄ in jen Priesthood eo.” Ilo kamminene in, ro uwaan Būreejtōnji eo Kein Kajuon im Doulul eo an Jon̄oulruo Rijilōk ro, kobaļo̧k ippān Rutiej ro jet an Kabun̄ in im opija ro jet routiej, rej letok kōmeļeļe ko reim̧we kōn:

  • Ekōjkan an baam̧le ko lo kajoor im aenōm̧m̧an jen kajoor eo an priesthood eo.

  • Ekōjkan n̄an jipan̄ kajjojo baam̧le en̄jake kōjeram̧m̧an ko an priesthood eo.

  • Ekōjkan an ro rej kabwijer kii ko an priesthood kōkajoorļo̧k m̧ōko im baam̧le ko.

  • Ekōjkan n̄an kwaļo̧k ilo wāween ko āinwōt Kraist.

  • Ekōjkan n̄an karūttoļo̧k ajri ro ilo meram im m̧ool.

Aolep iunit ko an Kabun̄ in renaaj bōk kape in DVD kein, im ward im stake ko̧o̧njeļ ko remaron̄ in alooje aolepān. Innām rej aikuj in kapilōk ippān doon kōn wāween jipan̄ ward im stake membōr ro jeram̧m̧an jān kōmeļeļe in.

Ilo kweilo̧k im kūlaj ko, membōr ro remaron̄ alooje im kōnono kōn kajjojo m̧wen̄an ko ilo DVD eo. Baam̧le ko im ro kajjojo remaron̄ alooje m̧wen̄an ko, ippān ļo̧k kakkobaba in kein ekkatak ko n̄an kōkōm̧anm̧anļo̧k ekkatak eo aer, ilo wwlt.lds.org.

Ilo kajjojo jekjek, m̧ōttan eo ekajoortata ilo kamminene in naaj waļo̧k ālkin an jem̧ļo̧k juon m̧wen̄an im ekōnono eo ijjino. Ilo an ritōl ro, membōr ro, im baam̧le ko kejakļo̧kjeņ, kwalo̧k, im kam̧ool kōn ta eo raar ron̄ im en̄jake, Jetōb Kwojarjar naaj im̧we er im katakin er ekōjkan aer kōjerbal kōmeļeļe eo ilo jekjek ko aer make. Jen en̄jake kein, Kamminene eo an Ritōl Aolepān Laļ in naaj jipan̄ kōkajoorļo̧k baam̧le ko im Kabun̄ in ipeļaakin laļ in.

Elder L. Tom Perry, Elder Donald L. Hallstrom, im Bisop Dean M. Davies rej tōl juon kumi in ekōnono kōn aorōk in kōjerbal kii ko an priesthood eo.

Jutak inam̧wōjin m̧weo im̧ōn Mary Fielding Smith ilo En̄in Ej Jikin Eo Heritage Park, Elder M. Russell Ballard, Linda K. Burton, Elder Ronald A. Rasband, Elaine S. Dalton, Rosemary M. Wixom, and Bishop Gary E. Stevenson rej ekōnono kōn kōjeram̧m̧an ko an priesthood eo ilo aolep em̧.