O Faamanuiaga o le Perisitua E Avanoa mo Tagata Uma

E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.

Ao faaliliuina e Iosefa Samita le Tusi a Mamona, na i ai sa la’ua fesili ma lana failautusi o Oliva Kaotui. Na la malaga atu i le vao e tatalo ai. Ao la tatalo, “sa afio ifo mai le lagi se avefeau i se ao o le malamalama.” O lenei avefeau o Ioane le Papatiso. Na ia faaee ona lima i luga o ulu o Iosefa ma Oliva ma tuuina atu ia i laua le Perisitua Arona. Ona poloaiina lea e Ioane le Papatiso ia Iosefa ma Oliva e papatiso e le tasi le isi. E lei umi se taimi mulimuli ane, ae oo mai i le lalolagi Aposetolo o Peteru, Iakopo, ma Ioane ma faauuina Iosefa ma Oliva i le Perisitua Mekisateko. Ua toe i ai i le lalolagi le perisitua a le Atua. (Tagai Iosefa Samita—Talafaasolopito 1:68–72.)

E ala mai le perisitua ona mafai ona tatou mauaina faamanuiaga ma sauniga ofoofogia. O na faamanuiaga e aofia ai faamanuiaga e tuuina atu i pepe fou, i e mamai, i fanau e o latou tama po o isi perisitua agavaa. E tatau foi ona tatou mauaina sauniga faapitoa o le perisitua e toe foi atu ai i le Tama Faalelagi. O nisi o nei sauniga e aofia ai le papatisoga i le faatofuina, mauaina o le meaalofa o le Agaga Paia, ma sauniga paia o le malumalu e mafai ai ona faamauina faatasi aiga e faavavau. O le malumalu foi, e mafai ai ona faia sauniga mo e ua maliliu e aunoa ma faamanuiaga o le talalelei. O faamanuiaga o le perisitua e avanoa mo tagata uma!

Itu tauagavale: O le Toefuataiga o le Perisitua Mekisateko, saunia e Kenneth Riley © 1965 IRI; tamai faamalama: Ata na tusia e Phyllis Luch © 1988 IRI; Faamanuia i Latou i Lona Suafa, saunia e Walter Rane © IRI; itu taumatau: Ata na tusia e Rebecca Miller