Ipeļaakin Kabun̄ in
Iien kōjan̄jan̄ eo ilo Puerto Rico ej Kūnōōr tok Taujin
Ilo Tijem̧ba 18, 2011, membōr ro an ļalem stake ko an Puerto Rico kar bōk kuņaer ilo juon iien al ilo Kūrijm̧ōj kar kōm̧m̧an ilo Paseo de las Artes ilo jikin kweilo̧k eo an Caguas. Enan̄in 85 membōr ro an Kabun̄ in kar kōjan̄jan̄, im jet 2,500 membōr ro an jukjuk in pād eo raar pād ie.
Jentōr eo Ekāāl Kein Kajilu an Rūm̧m̧an Ded ro ilo Africa
Ilo Nobōm̧ba 4, 2011, rūm̧m̧an ded ro an Soweto South Africa Stake eo raar kōm̧m̧ane m̧akūtkūt eo aer kein kajuon ilo juon em̧ kāāl n̄an kōjerbale wōt āinwōt juon jentōr an rūm̧m̧an ded ro.
Elōn̄ ļo̧k jān 140 jentōr ko repād ilo aolepen Europe, im jet rej ejepelōklōk aolepen United States. Jentōr eo ilo Soweto ej kein kajilu ilo Africa; ko jet rej pād ilo Democratic Republic of Congo im Zimbabwe.
Jekjek eo Ejej Uwaan Ekwaļo̧k Kajjitōk ko
Juon jāljel in peba eaar jino kōn “Kajjitōk ko n̄an Anij” m̧akūtkūt eo an mijenede ilo Nizhniy Novgorod, Russia, ilo Oktoba 9, 2011.
Ium̧win juon tōre eo an jejjo wōt awa ko, elōn̄ļo̧k jen 150 armej ro raar bōjrak ilo ruo tebōļ ko ilo juon iaļ ekiojaļjaļ, bōk pen ko, im kar je kajjitōk ko aer. Ilo aolep, 84 kajjitōk ko kar je ilo jāljel in peba eo. Elōn̄ armej ro raar likūt aer ikrelel kōn juon uwaak jān mijenede ro raar pād.