2012
Iakwe, Kōjparok, im Kōkajoorļo̧k
Eprōļ 2012

Naan in Katak an Kōrā

Iakwe, Kōjparok, im Kōkajoorļo̧k

Lukkuun jar im ekkatak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā ro en m̧ōttan eo emourur tata ilo mour eo am̧ make.

Tōmak, Baam̧le, Deeor

Āinwōt Rilo̧mo̧o̧r eo, rūkaki in loļo̧k ro an kōrā rej kwaļo̧k juon illo̧k juon (lale 3 Nipai 11:15). Jejeļā jowejepedik ilo kwaļo̧k eo ad āinwōt rūkaki in loļo̧k ro an kōrā n̄e sister ro ad remaron̄ ba: (1) rūkaki in lotok eo aō ej jipan̄ eō eddōk ļo̧k ilo jetōb; (2) Ijeļā rūkaki in lotok eo an kōrā aō eļap an kea kōn n̄a im baam̧le eo aō; im (3) eļan̄n̄e ewōr Aō inepata ko, Ijeļā rūkaki in lotok eo an kōrā aō enaaj jerbal ilo an jab kōttar n̄an kajjitōk ippān.1

Ekōjkan ad maron̄ āinwōt rūkaki in loļo̧k ro an kōrā rej iakwe, kōjparok, im kōkajoorļo̧k juon sister? Ijin ej ratimjuon elmakot ko loi ilo jepta 7 in Daughters in My Kingdom: The History and Work of Relief Society n̄an jipan̄ rūkaki in loļo̧k ro an kōrā kwaļo̧k n̄an sister ro aer:

  • Jar raan otemjeļo̧k kōn e im baam̧le eo an.

  • Pukōt im̧we n̄an jeļā e im baam̧le eo an.

  • Loļo̧k e iien otemjej n̄an jeļā ekōjkan an pād im n̄an kaenōm̧m̧an im kōkajoorļo̧k e.

  • Kōmakijkij ioon e kōn loļo̧k ko, kūr ļo̧k ilo talboon, lōta ko, e-mail, jeje ļo̧k ilo cell boon, im jerbal in jouj ko reļemwaan.

  • Iak-iakwe e ilo kweilo̧k ko an Kabun̄ in.

  • Jipan̄ e n̄e ewōr juon an idin̄, nan̄inmej, ak aikuj ko jet remenin ekairiri.

  • Katakin e ko̧jpeļ eo jān jeje ko rekwojarjar im Naan in Katak ko an Kōrā.

  • Im̧we e kōn kōm̧m̧ane juon waanjon̄ak.

  • Riboot n̄an ritōl eo an Doulul eo an Kōrā kōn jerbal in jipan̄ eo aer im ājmour eo an sister eo ilo jetōb im ānbwin.

Jān Jeje Ko Rekwojarjar

Luk 10:38–39; 3 Nipai 11:23–26; 27:21

Jān Bwebwenato eo Ad

“Jerbal in loļo̧k ko an kōrā em̧ōj aer erom juon tuuļ in jipan̄ n̄an kōrā ro an Armej ro Rekwojarjar ilo Raan-ko Āliktata ilo aolepen laļ in n̄an iakwe, kōjparok im jerbal—n̄an ‘jerbal ekkar n̄an tenkwadik ko me Anij eaar katōki ilo ubōōd, āinwōt an kar Joseph Smith kar katakin.”2

Juon sister eo me ej kab mej ļo̧k ļeo pāleen eaar ba kōn kōrā in rūkaki in loļo̧k ro an: “Raar ron̄jake. Raar kaenōm̧m̧an eō. Raar jan̄ ippa. Im raar jibur eō. … [Raar] jipan̄ eō jān m̧wilaļ in ebbweer im būrom̧ōj an allōn̄ ko im̧aan an ajimakeke eo.”3

Jipan̄ kōn jerbal ko an kanniōk ej barāinwōt juon nememe in kwaļo̧k. Ilo Oktoba 1856 kweilo̧k eo eļap, Būreejtōn Brigham Young eaar kwaļo̧k bwe handcart bainiier ro raar jepooļ ilo m̧wil in jiņo 270–370 miles (435–595 km) ettoļo̧k. Eaar kūr n̄an Armej ro Rekwojarjar ilo Raan-ko Āliktata ilo Salt Lake City n̄an lo̧mo̧o̧ren er im n̄an “kalimjōk wōt men ko me jej ņa etaer an kanniōk.”4

Lucy Meserve Smith eaar ļo̧o̧ke bwe kōrā ro raar utūk ļo̧k nuknuk meņeeņ ko aer ilowaa im jito̧kin ko ilo tabernacle eo im ejouji ilo waikōn ko n̄an jilkinļo̧k n̄an bainieer ro rōbiio̧. Innām raar aiin kilin kein kiki ko im nuknuk ko n̄an ro me renaaj kar itok kōn jet m̧wieer n̄e retōkāāk tok. Ke ineej in handcart eo eaar tōkāāk tok, juon em̧ ilo tauun eaar “obrak kōn m̧weiuuk ko n̄an er.”5

Kakeememej ko

  1. Lale Julie B. Beck, “What I Hope My Granddaughters (and Grandsons) Will Understand about Relief Society,” Liahona, Nov. 2011, 113.

  2. Daughters in My Kingdom: The History and Work of Relief Society (2011), 112.

  3. Daughters in My Kingdom, 119–20.

  4. Brigham Young, “Remarks,” Deseret News, Oct. 15, 1856, 252.

  5. Lale Daughters in My Kingdom, 36–37.

Juon illo̧k Juon, jen Walter Rane, kōn jipan̄ eo an Church History Museum