Kōnono Ippān Doon
Errein rej jet ļōmņak ko n̄an kōm̧m̧ane bwe baam̧ļe eo am̧ en wōr an “iien kōnono”:
-
Kajjitōk ippān ro jinōm̧ im jem̧am̧ kōn kōjeno̧lo̧k jet minit ko kajjojo raan n̄an an baam̧le eo am̧ kōnono ippān doon. Emaron̄ in ilo juon iien m̧ōn̄ā ak ilo juon tōre ilo juon raan.
-
Kanooj lale bwe aolep ren bōk aer iien kōnono im ron̄jake. Kobaik aolep!
-
Kanooj kautiej elmakot ko an ro uwaan baam̧ļe eo am̧. Kanooj lale bwe aolep rej en̄jake bwe ta eo ej ba ej aorōk.
Ikkure in Bwebwenato ko
Aikuji jet ļōmņak ko n̄an iien kōnono eo? Kajieon̄e ikkure kein:
Joto Jotak Pāāk in Piin eo: Eļan̄n̄e baam̧ļe eo am̧ eļap ak epen an taake doon, kōjerbal juon pāāk in piin n̄an kwaļo̧k wōn eo ej an iien n̄an kōnono. Ālkin an armej eo epād pāāk in piin eo ippān ba ta eo ekōņaan ba, joļo̧k pāāk in piin eo n̄an bar juon uwaan baam̧ļe eo n̄an bōk kuņaan n̄an kōnono.
Rintōrpiu eo: Kōjeno̧lo̧k n̄an ruo kumi ko im bōk an doon iien n̄an ļōko̧m̧ etan ke rej erom rintōrpiu ro. Ļōmņak kōn jet kajjitōk ko n̄an eo m̧ōttam̧ innām kajitōk ippān kajjitōk ko. Komaron̄ kōjerbal juon kein m̧ool in kōnono ak kein kanne n̄an intōrpiu ko am̧.
Ta Eo Kwon Kar Kōm̧m̧ane? Taake doon im kajjitōk ippān baam̧ļe eo am̧ kajjitōk roktak me ej jino kōn “Kwoj ke kōm̧m̧ane … ?” Jet waanjon̄ak ko rej “Ta eo kwonaaj kar kōm̧m̧ane eļan̄n̄e kwar jōbwābwe?” im “Ta eo kwonaaj kar kōm̧m̧ane eļan̄n̄e komaron̄ kar etal n̄an jabdewōt jikin ilo laļ in?”
Jipan̄ n̄an Ro jinen im jemen: Juon-illo̧k-juon Iien
Ejja āinwōt an kam̧ōņōņō wōt n̄an kōnono āinwōt juon baam̧ļe, ej barāinwōt aorōk n̄an ro jinen im jemen im ajri ro n̄an joļo̧k iien ippān doon juon-illo̧k-juon. Bōk em̧m̧an eo an iien ko ilo juon raan n̄an pād ippān ajri ro nejūm̧ kajjojo. Kūr juon ajri ilo juon iien n̄an jipan̄ eok kadedeļo̧k juon jerbal ilo m̧weo, kōrwaan eok ilo kūr eo am̧, ak bwebwenato ippam̧ ilo ruum̧eo am̧ ium̧win jet minit ko. Jet wōt iien ko rekkadu remaron̄ tōl ļo̧k n̄an bwebwenato ko eļap meļeļeier.