2011
Bwebwenato eo an Bok in Mormon
Oktoba 2011

Bwebwenato eo an Bok in Mormon

Ta eo eaar waļo̧k ilo Bok in Mormon? Kōjerbal pija kein n̄an katak kōn rikanaan ro im bwebwenato ko ilo bok in jeje ko rekwojarjar in ekabwilōn̄lōn̄.

  1. Bok in Mormon eaar ijiņo ippān juon rikanaan etan Liai. Eaar kakkōl armej ro renana ilo Jerusalem n̄an ukweļo̧k, bōtaab armej ro raar jab ron̄jake. Irooj eaar jiron̄ Liai n̄an bōk baam̧le eo an, ekoba kōrā eo pāleen, Saraia, im ļaddik ro nejier—Leman, Lemuel, Sam, im Nipai—n̄an āne jem̧aden. (Lale 1 Nipai 1–2.)

  2. Liai eaar bar jilikinļo̧k ļōm̧aro nejin n̄an bōk jeje ko rekwojarjar kar je ioon pileij brass ko. Pileij kein epād ie bwebwenato ko an ro jibweier im jimaeier etto im men ko jet Irooj eaar jiron̄ er n̄an je. Liai im Nipai rekar kejparoki pileij kein. Rekar barāinwōt jeje ioon pileij metal ko kōn ta eo eaar waļo̧k n̄an baam̧le eo aer. (Lale 1 Nipai 3–5.)

  3. Irooj eaar leļo̧k n̄an Liai juon kambōj ņaetan Liaona n̄an tōl baam̧le eo an ilo āne jem̧aden n̄an ānen kalim̧m̧ur eo. (Lale 1 Nipai 16.)

  4. Irooj eaar jiron̄ Nipai n̄an jek juon wa n̄an bōk baam̧le eo an Liai n̄an ānen kalim̧m̧ur. Nipai eaar pokake jemen im Irooj, bōtaab Leman im Lemuel raar jab. (Lale 1 Nipai 17.)

  5. Liai im baam̧le eo an rekar jerak ļo̧k n̄an ānen kalim̧m̧ur ioon wa eo raar jeke. (Lale 1 Nipai 18.)

  6. Leman im Lemuel raar wōnm̧aanļo̧k wōt ilo jab pokake jemeer im Irooj. Bwij ko aer ņaetan ri Leman ro. Nipai eaar wōnm̧aanļo̧k wōt ilo pokake jemen im Irooj. Bwij eo an kar ņaetan ri Nipai ro. (Lale 2 Nipai 4–5.)

  7. Ālkin an Liai im Nipai mej, armej ro jet, āinwōt ļaddik eo jatin Nipai Jekab, kar eddo in jeje katak ko raorōk im m̧akūtkūt ko raar waļo̧k ioon pileij ko (Lale Jekab 1.)

  8. Enos eaar jar n̄an jeorļo̧k jerawiwi ko an, im kar jeorļo̧k an bōd. (Lale Enos 1.)

  9. Kiin̄ Benjamin eaar kajutak juon im̧ōn kōppād eutiej n̄an katakin armej ro an kojpeļ eo. (Lale Mosaia 2–6.)

  10. Juon kiin̄ enana etan Noa ekar kamej rikanaan Abinadi. Bōtaab katak ko an Abinadi eaar ukōt juon iaan pris ro an Noa etan Alma. (Lale Mosaia 11–17.)

  11. Alma eaar ko jān im̧ōn Kiin̄ Noa, kar katakin armej ro jet kōn ko̧jpeļ eo, im peptaiji er. (Lale Mosaia 18.)

  12. Alma eo Edik nejin Alma eaar jab pokake. E im ro m̧ōttan, ļōm̧aro ro nejin Mosaia, raar nana. Innām juon enjel eaar jiron̄ er n̄an ukweļo̧k. Alma im ļōm̧anro ro nejin Mosaia rekar ukweļo̧k im joļo̧k mour ko aer n̄an kwaļo̧k ko̧jpeļ eo. (Lale Mosaia 27–28.)

  13. Ļaddik eo an Mosaia Ammon ekar ukōt elōn̄ ri Leman ro ālkin an Ammon kōjparok menin mour ko nejin Kiin̄ Lamoni im kar lōke. (Lale Alma 17–19.)

  14. Kiaptin Moronai eaar je taitōļ in anem̧kwoj eo im tariņae n̄an dāpij wōt anem̧kwoj eo an armej ro an. (Lale Alma 46, 48.)

  15. Hilamōn ej tōl 2,000 likao ro em̧m̧an dettaer. … (Lale Alma 53, 56–58.)

  16. Juon rikanaan ri Leman kar etan Samuel kar kanaan bwe Jisōs Kraist enaaj ļotak. (Lale Hilamōn 13–16.)

  17. Ettoļo̧k ilo Bethlehem, Jisōs Kraist eaar ļotak. E aar katakin kōn ko̧jpeļ eo An, kemour im kōjeram̧m̧an armej ro, im kajutak Kabun̄ eo An. Innām Eaar dābwel im kar jerkakpeje. (Lale 3 Nipai 1, 8–10.)

  18. Ālkin Jerkakpeje eo An, Eaar loļo̧k ri Nipai ro im ri Leman ro rejim̧we. Eaar katakin er ko̧jpeļ eo An, kemour er, im kar kōjeram̧m̧an er, āinwōt An kar kōm̧m̧ane ilo ipeļaakin Jerusalem. (Lale 3 Nipai 11–28.)

  19. Juon ļaddik 10-iiō dettan etan Mormon kar kālet e n̄an jeje ioon pileij ko ke eaar rūttoļo̧k. Ke eaar 24 iiō dettan eaar jino kobaik bwebwenato ko reaorōk jān aolepen ļo̧o̧k ko n̄an juon tūroro in pileij metal ko. (Lale Mormon 1.)

  20. M̧okta jen an kar Mormon mej, eaar leļo̧k pileij ko n̄an ļaddik eo nejin Moronai. Moronai eaar juon ritōl eutiej ilo juon kumi in tariņae. Eaar riNipai eo āliktata eaar mour jān tariņae eo eļap ikōtaan ri Leman ro im ri Nipai ro. (Lale Mormon 6, 8.)

  21. M̧okta jen an kar Moronai mej, eaar kalbwin pileij ko ilo juon jikin kar ņaetan Kumora. Enan̄in 1,400 iiō ko ālkin an Moronai kar kalbwin pileij ko, juon ļaddik 14-iiō dettan kar etan Joseph Smith kar jar n̄an jeļā ewi wōt kabun̄ eo em̧ool. (Lale Joseph Smith—History 1:5–16.)

  22. Jemedwōj Ilan̄ im Jisōs Kraist rekar loļo̧k Joseph Smith im jiron̄ e bwe ejjeļo̧k juon iaan kabun̄ ko raar m̧ool im rōlikieo. Joseph naaj kar jipan̄ kōrooltok Kabun̄ eo em̧ool an Jisōs Kraist. (Lale Joseph Smith—History 1:17–20.)

  23. Moronai eaar loļo̧k Joseph Smith im jiron̄ e kōn pileij ko kar kalbwini. Ke Joseph Smith eaar rūtto, enaaj kar bōk pileij ko im ukōti. (Lale Joseph Smith—History 1:27–54.)

  24. Ke Joseph Smith eaar 21, eaar etal n̄an Toļ Kumora im bōk pileij ko jān jikin eo ijo Moronai eaar kalbwini. (Lale Joseph Smith—History–1:59.)

  25. Kōn kajoor eo an Anij, Joseph Smith eaar ukōte jeje ko ioon pileij ko. Eaar būriini ukook in. Ej ņaetan Bok in Mormon. (Lale taitōl peij eo im kadkad in Bok in Mormon.)

Tuanmiin̄: pija jān Robert Casey; kōmeļeļe jān Liai ej Em̧akūtkūt ilo Lomalo Ekilmūr jān Gary Smith; Iaar Ainikien Jetōb, jān Walter Rane: Liai im Liaona eo, jān Joseph Brickey; Nipai ej Jum̧aik Ļōmaro jein, jān Arnold Friberg © 1951 IRI; anmooņ: Liai im Armej ro An rej Tōprakļo̧k Ānen Kallim̧ur, jān Arnold Friberg© 1951 IRI; Raar Kōm̧m̧an n̄an Eō kōn Eļap Eddo, jān Walter Rane; Nipai ej Je Ioon Pileij Gold ko, jān Paul Mann © 1988; Iaar kotak Ainikiiō Bwe En Tōpar Lan̄ ko, jān Walter Rane; Jerbal wōt n̄an Ami Anij, jān Walter Rane; kōmeļeļe jān Abinadi Jutak im̧aan Kiin̄ Noa,jān Arnold Friberg © 1951 IRI; Itok ilo Wōrwōr an Anij, jānWalter Rane; Alma ej Jutak, jānWalter Rane; paintings jān Walter Rane are courtesy of Church History Museum

Tuanmiin̄: Ammōn ej Kōjparok Menin Mour ko an Kiin̄ Lamonai, jān Arnold Friberg © 1951 IRI; Wōnm̧aantak, jān Walter Rane, courtesy of Church History Museum; Ruo Taujin Ļikao ro Em̧m̧an Ded n̄an Tariņae, jān Arnold Friberg, courtesy of Church History Museum; Samuel ri Leman eo ej Kanaan, jān Arnold Friberg © 1951 IRI; Mormon ej Je Pileij ko, jān Tom Lovell © IRI; Ij Make Iaaō, jān Walter Rane, courtesy of Church History Museum; Moronai ej Kallibwin Pileij ko, jān Tom Lovell © IRI; The Desires of My Heart II,} jān Walter Rane; right: Em̧ōj an Jerkakpeje, jān Del Parson; Kraist im Ajri ro ilo Bok in Mormon, jān Del Parson © 1995; Enjeļ Moronai ej waļo̧k lo̧k n̄an Joseph Smith, jān Tom Lovell © 2003 IRI; Toļ Cumorah, jān Jon McNaughton; Joseph Smith ej Ukōt Bok in Mormon, jān Del Parson © 1996 IRI