2011
Katak ko n̄an Raan kein Ad
Oktoba 2011


Katak ko n̄an Raan kein Ad

Jej katak jān rikanaan ro ad etto bwe Bok in Mormon epād ie elōn̄ “men ko realikkar im eaorōk” me kar kōjparoki n̄an katakin kōj ilo tōre in ad (lale 1 Nipai 13:40; 19:3). M̧ool kein rej letok alikkar im ļapļo̧k in meļeļe eo kōn tarļļep in ko̧jpeļ eo an Jisōs Kraist im jipan̄ rijikuļ ro an Bok in Mormon jerakrōk ilubwilijin apan̄ ko an mour kōn kōjatdikdik im kajoor. Ilo kout kein, rikanaan ro im rijilōk ro raan kein rej kam̧ool kōn aorōk eo an katak kein.

Irooj Ej Ļōmņak kōn Kōj

Pija
President Thomas S. Monson

“Ij kemejmej naan ko an Irooj loe ilo Bok in Ether ilo Bok in Mormon. Irooj eaar ba, ‛Jab maron̄ kijoon m̧wilal in eļap lo̧mo̧o̧r Iaar kōpooj eok ņae ņo ko ilojet, im kōto ko rej jedmatmat, im ibwijleplep ko maron̄ itok’ (Ether 2:25). M̧aan ro jeiū im jatū, Eaar kōpooj kōj. Eļan̄n̄e jenaaj pukōt An naan im mour kōn kien ko, jenaaj mour ilo iien kakkure im nana in, emōj An kōpooj n̄an kōj. Eļan̄n̄e jej rōn̄jake naan ko An im mour kōn kien ko, jenaaj eļļā jān iien anemkwoj im nana in—iien maron̄ keidi n̄an ņo ko im kōto ko im ibwileplep ko maron̄ kakkuri. E ej ļōmņak kōn kōj. Ej iakwe kōj im enaaj kōjeram̧m̧an kōj ilo ad kōm̧m̧ane ta eo ejim̧we.”

Būreejtōn Thomas S. Monson, “Closing Remarks,” Liahona, Nob. 2009, 109.

Jisōs Ej RiKraist eo

Pija
President Henry B. Eyring

“Bok in Mormon ej naan in kam̧ool eo ekajoor kar je ewōr ippād bwe Jisōs ej RiKraist eo. Ta eo Nipai eaar ba ej pedped eo n̄an bōk Jetōb Kwojarjar? Tōmak ilo Irooj Jisōs Kraist. Riiti Bok in Mormon enaaj ke kiiō im tokālik kam̧ool kōn tōmak ilo Irooj Jisōs Kraist? Kom̧in jab pedped wōt ioon eļan̄n̄e kom̧ij riiti Nipai. Eaar ba menin ‛ej menin letok … n̄an aolep ro me rej niknik ilo pukōt e.’ Niknik ilo m̧ool meļeļein aolep raan. Im ej m̧ool in meļeļe ilo ļōmņak im jar. Im jar enaaj m̧ool kobaik kobaik akweļap eo n̄an jeļā m̧ool. Jabdewōt men edikļo̧k emaron̄ pen niknik kaki. Im jabdewōt men edikļo̧k ejabwe n̄an kwe im n̄a.”

Būreejtōn Henry B. Eyring, Rikakpilōklōk eo Kein Kajuon ilo Būreejtōnji eo Kein Kajuon, “Going Home,” in Brigham Young University 1986–87 Devotional and Fireside Speeches (1987), 77–78.

Kwaļo̧k kōn Ko̧jpeļ

Pija
President Dieter F. Uchtdorf

M̧ōttan ko raorōk kōn ennaan eo an ko̧jpeļ loi ilo aolep jeje ko rekwojarjar bōtaab alikkar n̄an kōj ilo Bok in Mormon im ilo m̧adenļo̧k ko n̄an Rikanaan Joseph Smith. Ijin Jisōs make eaar kwaļo̧k An katak im An ko̧jpeļ, eo ajri ro nejin Anij raikuj būki n̄an bōk mour indeeo (D&C 14:7).”

Būreejtōn Dieter F. Uchtdorf, Rikakpilōklōk eo Kein Karuo ilo Būreejtōnji eo Kein Kajuon, “Have We Not Reason to Rejoice?” Liahona, Nob. 2007, 19.

Peptaij an Ajri ro Reddik

Pija
President Boyd K. Packer

“[Jet rej tōmak] bwe ajri ro reddik rej pād ilo jerawiwi im deļo̧n̄e mour in kanniōk ilo juon jekjek eo ewabanban. Katakin in ebōd!

“Kajjojo iien juon ajri ej ļotak, laļ in ej kōkkāāl ilo erreo …

“Mormon ekar katakin katak in n̄an ļaddik eo nejin Moronai im barāinwōt n̄an kōj. Imaron̄ kwaļo̧k wōt jejjo jentej ko jān leta in an.

“‘Eļan̄n̄e iaar jeļā m̧ool eo,’ Mormon ar je, ‘ekar wōr aitwerōk ko ilubwilijimi kōn baptais in ajri ro nejim re dik’ ( Moronai 8:5).

“Eaar ņaetan iakweleel eo aer ‘bōd ļapļap’ im kar je:

“‘Ron̄jake naan ko an Kraist, am̧ Ri Pinmuur, am̧ Irooj im am̧ Anij. Lo, Iaar itok n̄an laļ jab n̄an kūr ro rekwojarjar ak ro ri jerawiwi n̄an ukweļo̧k; eo ājmuur ej jab aikuj ri uno, a er ro re nan̄inmej; kōn menin, ajri ro redik reājmuur, bwe rejjab maron̄ kōm̧m̧an jerawiwi; kōn menin lia eo an Adam kar bōk jān er ilo N̄a, bwe en ejjeļo̧k an kajoor ioer; …

“‘Im ilo wāween in Jetōb Kwojarjar eaar kwaļo̧k naan eo an Anij n̄an eō; kōn menin, nejū m̧aan jitōnbōro, i jeļā bwe menin ej kajjirere im̧aan Anij, bwe kom̧in baptais ajri ro reddik’ Moronai 8:7–9. …

“Riiti aolepen lōta in an. Ej juon katak em̧ool.”

Būreejtōn Boyd K. Packer, Būreejtōn an Doulul an Jon̄oulruo Rijilōk ro, , “Little Children,” Ensign, Nob. 1986, 17.

Kakkōl ko jān Bok in Mormon

Pija
Elder L. Tom Perry

“Ilubwilijin katak ko jej katak jān Bok in Mormon rej jorrāān ko im tōprak ko an tariņae im ium̧win jekjek ta ko rej kabun̄bōro. Ej jiron̄ kōj kōn nana im kauwōtata an jerbal ko retiņņo, ko rej ejaak n̄an bōk maron̄ im irooj ioon armej ro. Ej jiron̄ kōj kōn m̧ool eo an Setan im ej letok juon kōkaļļe kōn jet iaan jekjek ko ej kōjerbali. Ej karōn̄ kōj kōn jejjet in kōjerbal m̧weie. Ej jiron̄ kōj kōn m̧ool ko an ko̧jpeļ ralikkar im aorōk im m̧ool eo kōn kwojarjar an Jisōs Kraist im en̄taan pinmuur eo An n̄an aolep armej. Ej kōjjeļāik kōj kōn koba eo an im̧ōn Israel ilo raan ko āliktata. Ej jiron̄ kōj kōn kōttōpar im pedped ko an jerbal in mijinede. Ej kakkōl kōj ņae utiej bōro, jab errā, aipādpād, kauwōtata ko an iminene ko rebōd, jeļā m̧oņ ak etao, im etton ilo mour in kanniōk ak lejen.

“Kiiō ej ad pepe n̄an ekkatak kōn Bok in Mormon im katak kōn pedped ko an im kōjerbali ilo mour ko ad.”

Eļtōr L. Tom Perry jān Doulul eo an Jon̄oulruo Rijilōk, “Blessings Resulting from Reading the Book of Mormon,” Liahona, Nob. 2005, 8.

Aolep Men Naaj Bar Jepļaaktok

Pija
Elder Dallin H. Oaks

“M̧ool eo im piktok in jerkakpeje eo ealikkar kōmeļeļeiki ilo Bok in Mormon. Rikanaan Amulek eaar katakin:

“Mej an Kraist enaaj kōtļo̧k to ko an mej in kanniōk in, bwe aolep naaj jerkak jān mej ilo kanniōk in.

“‘Jetōb im ānbwin naaj bar koba ilo jekjek eo an eweppān; ra im makwōj jimor, naaj kōrool n̄an jekjek eo eweppān an; em̧ool āinwōt kiiō jej pād ilo tere in; …

“‘Kiiō, kōjepļaaktok in enaaj itok n̄an aolep; rūtto im dik jim̧or, ri atajinemjen im ri anemkwoj jim̧or, m̧an im kōrā jim̧or, rijerawiwi im riwānōk jim̧or; im em̧ool enaaj jamin wor koļan bar e jako; a men otemjejnaaj kōjepļaaktok naan jekjek eo eweppān an’ (Alma 11:42–44).

“Alma eaar barāinwōt katakin bwe ilo jekakpeje eo ‛aolep men kein naaj bar jepļaak n̄an jekjek im lam̧lam̧ eo eweppān aer’ (Alma 40:23). …

“Juon kaeinōm̧m̧an eo n̄an jeļā bwe aolep ro raar jab āinwōt ro jet ilo mour … naaj jerkakpeje ilo ‘jekjek im lam̧lam̧ eo eweppān aer.’”

Eļtōr Dallin H. Oaks jān Doulul eo an Jon̄oulruo Rijilōk, “Resurrection,” Liahona, Juļae 2000, 17.

Kauwōtata ko an Jerbal ko Rettiņo

Pija
Elder M. Russell Ballard

“Bok in Mormon ej katakin kōj bwe jerbal ko rettiņo rej bōk kuņaer ilo jorrāān bōk jikin juon apan̄ eļap, ejjab wōt n̄an kajjojo im baam̧le bōtaab n̄an aolepen jukjuk in pād ko. ilubwilijin jerbal ittiņo ko rainin rej kumi ko, kumi ko rej kōjerbal uno ko rekkajoor, im ejaake baam̧le ko renana. Jerbal ko rettiņo ilo tōre in ad rej jerbal āinļo̧k wōt riko̧o̧t in Kadiantōn jān tōre ko an Bok in Mormon. … Ilubwilijin kōttōpar ko aer rej n̄an ‘uror, im rakim, im ko̧o̧t, im kōm̧m̧ani men in ļōn̄ ko im aolep nana otemjeļo̧k, im jekkar n̄an kien ko an laļ eo aer im barāinwōt kein ko an aer Anij’ [Hilamōn 6:23].

“Eļan̄n̄e jejjab mejmejkaruo, jerbal ko rettiņo rainin remaron̄ bōk kajoor im kareel ilo tum̧ōkaj in im āinwōt aer dedeļo̧k āinwōt raar kōm̧m̧ane ilo tōre ko an Bok in Mormon.”

Eļtōr M. Russell Ballard jān Doulul eo an Jon̄oulruo Rijilōk ro, “Standing for Truth and Right,” Ensign, Nob. 1997, 38.

Kōm̧adm̧ōde Apan̄ ko an Mour

Pija
Elder Richard G. Scott

“Bok in Mormon epād ie ennaan ko me rejejjet kar likūt ie n̄an kwaļo̧k ewi wāween kajim̧we kareel in iminene eo ebōd im ewi wāween bōk tarļļep in juon mour. Ej katakin ewi wāween ņa mejļan jorrāan ko im apan̄ ko me jej jelm̧ae rainin. … [Irooj] eaar letok juon wāween n̄an kajim̧we bōd ko ko rella an mour, bōtaab unin tōl in ejjeļo̧k tokjen eļan̄n̄e pād wōt ilo an ļak ilo juon bok ekilōk.”

Eļtōr Richard G. Scott jān Doulul eo an Jon̄oulruo Rijilōk ro, “True Friends That Lift,” Ensign, Nob. 1988, 76.

Kakememej kōn Bujen ko Ad

Pija
Elder Robert D. Hales

“Kakememej kōj jān Bok in Mormon bwe peptaij eo ad ej juon bujen n̄an ‘āinwōt ri kam̧ool ro an Anij [ilo aelōn̄ in kiin̄ eo An] ilo aolep iien ko im ilo aolep men otemjeļo̧k, im ilo aolep jikin ko kom̧ maron̄ pād ie, em̧ool m̧ae mej, bwe kom̧in maron̄ bōk lo̧mo̧o̧r an Anij, im bōnbōn ippān ro ilo jerkakpeje eo m̧oktata, bwe kom̧in maron̄ bōk mour indeeo’ (Mosaia 18:9; kar kakobaba men kāāl ).”

Eļtōr Robert D. Hales jān Doulul eo an Jon̄oulruo Rijilōk ro, “The Covenant of Baptism: To Be in the Kingdom and of the Kingdom,” Liahona, Jān. 2001, 7.

Kōjeram̧m̧an ko an Pokake

Pija
Elder Quentin L. Cook

“Ilo elōn̄ jikin ko ilo Bok in Mormon, armej ro kar kallim̧ur er bwe renaaj kar jeram̧m̧an ilo āne eo eļan̄n̄e renaaj kar kejparok kein ko [lale 1 Nipai 2:20; 2 Nipai 4:4]. Kallim̧ur in ekkā an itok ippān tok kakkōļ eo bwe eļan̄n̄e rejjab kejparok kien ko an Anij, renaaj jako jān im̧aan Mejān [lale Alma 36:30].”

Eļtōr Quentin L. Cook jān Doulul eo an Jon̄oulruo Rijilōk ro, “Hope Ya Know, We Had a Hard Time,” Liahona, Nob. 2008, 104.