2011
Anotusi
Oketopa 2011


O Le Liahona, Oketopa 2011

E Faafeiloai atu i Lenei Lomiga Faapitoa

E laiti lava ni nai autu e talafeagai le tuuto atu o se lomiga atoa, peitai o le Tusi a Mamona o se tasi lea o ia autu. I lenei lomiga, ua molimau mai perofeta anamua ma o loo i ai nei, faapea ma tagata o le ekalesia i le lalolagi atoa, e uiga i lenei tusi tulaga ese o mau. O lona faavae e ofoofogia. O se faamaoniga mautu lea o le Toefuataiga. O le maaauau o lo tatou faatuatuaga. Ma na tusia mo o tatou aso—e aoaoina manino ai ma le faigofie le aoaoga faavae a Keriso ina ia fausia lo tatou faatuatua ma faamalolosia o tatou aiga.

E ui o le a e le maua le tele o vaega sa masani ona e mauaina i le O Le Liahona, ae o loo i ai i i le Savali a le Au Peresitene Sili (itulau e 4) ma le Savali a Faiaoga Asiasi (itulau e 46). O nei savali ma isi tusiga uma ua i ai molimau ma aoaoga mai le Tusi a Mamona.

Matou te valaaulia outou e suesue ma le agaga tatalo i lenei lomiga, ia teuina i loto ia savali, ma faasoa atu—le Tusi a Mamona—i isi.

O le tele o ata i lenei lomiga o loo aofia ai ma se ata o le Liahona na mauaina e Liae. E le o nanaina ia Liahona ma e atonu e le foliga tonu lava faapei o le Liahona o loo i luga, ma e mafai foi ona outou fiafia e saili faatasi ma lou aiga pe fia ni Liahona e mafai ona outou mauaina i lenei lomiga.

I le faavaa

Luma: Ata na tusia e John Luke; Ina Ia E Iloaina,saunia e Gary Kapp, faaaloaloga a Mr ma Mrs David Larsen, e le mafai ona kopiina. Tua: Ata o Keriso, saunia e Heinrich Hofmann, faaaloaloga a C. Harrison Conroy Co.