Liaona, Okotova 2011
Ko ni sa Kidavaki mai Kina iLavelave Oqo
E vica wale sara ga na ulutaga e ganita me tabaki ena dua taucoko na ilavelave, ia na iVola i Momani e dua vei ira. Ena ilavelave oqo, era sa vakadinadinataka tiko kina na parofita kei na iapositolo vakakina o ira na lewenilotu na dina ni ivola oqo ka ni sa duatani sara ga o koya. E vaka na cakamana na kena itekitekivu. Sa ivakadinadina matavotu ni Veivakalesuimai. Sai koya na vatuivakadei ni noda ivunau. Ka sa volai me baleti keda nikua—me vakavulica na ivunau i Karisito ka me tara cake na noda vakabauta ka vaqaqacotaka na noda matavuvale.
Dina ga ni na sega ni laurai e so na tabana e dau wiliki wasoma ka sa matau vei iko na raica ena Liaona, na itukutuku ni Mataveiliutaki Taumada ena (tabana e 4) na iVaqa ni Veisiko (tabana e 46) sa tiko oqo. Na itukutuku kece oqo kei na itukutuku tale e so baleta na ivakadinadina e baleta tikoga na ivakavuvuli mai na iVola i Momani.
Keitou sureti iko mo wilika sara vakavinaka na ilavelave oqo, vakasamataka vakatitobu ka wasea yani—vakakina na iVola i Momani—ka wasea yani.
E vuqa vei ira na iyaloyalo ena ilavelave oqo era okati kina na ivakaraitaki ni Liaona ka ciqoma o Liai. Era sega ni vunitaki tu na Liaona ka na via sega sara ni vaka na kena e cake na kedra irairai, ia dou na marautaka beka vakamatavuvale mo dou kunea mai se vica kece na Liaona era tiko ena ilavelave oqo.
E waqana
Eliu: Yaloyalo ivakaraitaki mai vei Joni Luke; Mo Dou Kila Kina, mai vei Gary Kapp, iLoloma nei David Larsen kei watina, me kakua ni lavetaki. Emuri: iYaloyalo kei Karisito, iloloma ni kabani na C. Harrison Conroy.