Quiz: Mga Asawa sa mga Propeta
Gikan ni Emma Smith hangtud ni Frances Monson, ang mga asawa sa mga Presidente sa Simbahan mibarug diha sa kiliran sa ilang mga bana isip matinud-anon nga mga kapikas. Niini ug sa uban nga matinud-anong mga babaye, si Elder Bruce R. McConkie (1915–85) sa Korum sa Napulog Duha ka mga Apostoles miingon, “Ang Ginoo dili gayud mopadala og mga apostoles ug mga propeta ug matarung nga mga lalaki sa pagpangalagad sa iyang katawhan nga dili mobutang og mga babaye nga may susamang kahingkod sa pagka-espirituhanon diha sa ilang mga kiliran.”1 Kini nga quiz motabang kaninyo nga makat-on og pipila ka makapaikag nga mga detalye mahitungod sa lig-on nga mga asawa sa walo ka mga propeta sa ulahing mga adlaw.
1. Kini nga babaye nabunyagan niadtong 1834 ug wala madugay mibiyahe og 1,000 ka milya (1,600 km) nga nag-inusara aron moapil sa mga Santos sa Ulahing mga Adlaw didto sa Kirtland, Ohio, USA. Misaad siya sa iyang inahan nga mobalik siya kon mahibaloan niya nga ang Simbahan dili tinuod, apan nagpabilin siya uban sa mga Santos sa Ulahing mga Adlaw sa tibuok niyang kinabuhi.
2. Ang nahimong bana niining batan-ong babaye nagtinguha sa pagpahimuot kaniya sa dihang mga tin-edyer pa sila pinaagi sa pagpanindot sa nataran sa iyang mga ginikanan aron sa pagdumala og usa ka party diha sa nataran nga pareho kanindot niadtong sa uban, mas adunahan nga mga lalaki nga silingan.
3. Kini nga babaye ganahan nga mobasa sukad pa sa panahon nga siya bata pa, kasagaran magbasa bisan kon gituohan nga siya natulog, maghapnig sa higdaanan, o magpraktis sa organ.
4. Isip otso anyos, kini nga batang babaye miadto sa kakahoyan aron mag-ampo. Nag-ampo siya alang sa iyang amahan, kinsa walay lig-on nga pagtuo ni Kristo. Sa dihang miadto ang iyang amahan didto sa kakahoyan aron mangayam, nadunggan niya ang iyang pag-ampo. Nakapahumok kini sa iyang kasingkasing, ug siya nahimong mas matinud-anon.
5. Sa unang pagpakig-date niini nga babaye sa iyang umaabut nga bana, ang iyang amahan ug inahan mihalok sa aping sa iyang ka-date. Sa dihang ang batan-ong lalaki milingi sa iyang ka-date, miingon lamang siya og, “Kuhaon usa nako ang akong coat.”2
6. Kini nga babaye nakadawat og pagbansay sa University of Utah ug sa Cincinnati College of Music, diin nakat-on siya og mga kahanas sa homemaking. Nakat-on siya sa pagmahal sa literatura, drama, ug mga art ug nahimong hanas nga musikera.
7. Isip usa ka estudyante sa kolehiyo, kining batan-on nga babaye mao ang nagdala sa papel sa bida nga si Viola sa kang Shakespeare nga Twelfth Night ug nahimong lider sa junior prom committee, presidente sa Girls’ Athletic Club, ug bise-presidente sa student body.
8. Kini nga babaye mihatag og makapatandog nga mga pakigpulong sa Primary, inubanan sa pinahan-ay nga istilo sa pagsulti ug mga lihok. Ang iyang bana sa kaulahian miingon kalabut sa usa sa iyang mga pakigpulong, “Wala ko masayud kon unsay nahimo niini kanako, apan dili ko gayud kini makalimtan. Dayon midako siya nga usa ka maanyag nga batan-ong babaye, ug gihunahuna nako og maayo nga minyoan siya.”3
Imahe Flora Amussen Benson Flora Amussen Benson |
Imahe Marjorie Pay Hinckley Marjorie Pay Hinckley |
Imahe Phoebe W. Carter Woodruff Phoebe W. Carter Woodruff | |
Imahe Lucy Woodruff Smith Lucy Woodruff Smith |
Imahe Frances Johnson Monson Frances Johnson Monson |
Imahe Camilla Eyring Kimball Camilla Eyring Kimball |
Imahe Emma Ray McKay Emma Ray McKay |