Naʻe pehē ʻe Palesiteni Tōmasi S. Monisoni ʻi he fakataha fakaʻosi ʻo e Konifelenisi Lahi Fakataʻu Hono 181, “ʻOku ou fie vahevahe atu ʻeku ʻofa ki he Fakamoʻuí mo ʻEne feilaulau fakalelei naʻe fai maʻatautolú. … ʻOku ou tui he ʻikai lava ke mahino kakato kiate kitautolu e meʻa ne fai ʻe Kalaisi maʻatautolu ʻi Ketisemaní, ka ʻoku ou fakafetaʻi he ʻaho kotoa pē ʻo ʻeku moʻuí koeʻuhí ko ʻEne feilaulau fakalelei ne fai maʻatautolú. … Naʻá Ne hāʻele hifo ki lalo ʻi he ngaahi meʻa kotoa kae lava ke Ne fakahaofi e ngaahi meʻa kotoa pē. ʻI Heʻene fai iá, naʻá Ne foaki mai ai e moʻuí, ke mahulu atu ia he moʻui fakamatelié ni. Naʻá Ne fakahaofi kitautolu mei he Hinga ʻa ʻĀtamá. ʻOku ou fakamālō loto houngaʻia moʻoni kiate Ia. Naʻá Ne akoʻi mai ʻa e founga ke tau moʻui aí. Naʻá Ne akoʻi mai ʻa e founga ke tau mate aí. Naʻá Ne fakapapauʻi mai hotau fakamoʻuí.”