2011
Ջ. Ռուբեն Քլարկ կրտ.` բացառիկ պարգևի տեր մարդը
նախորդ հաջորդ

Մեծ կյանքերը հիշվում են

Ջ. Ռուբեն Քլարկ կրտ.՝ բացառիկ պարգևի տեր մարդը

Ջոշուա Ռուբեն Քլարկ կրտսերը ծնվել է 1871թ. սեպտեմբերի 1-ին, Գրենսվիլում, Յուտա: Թեպետ նրա դպրոցական կրթությունը անավարտ էր մնացել, քանի որ նա հնարավորություն չէր ունեցել հաճախելու ավագ դպրոց, նրան սովորեցրել է մայրը, և նա սիրում էր սովորելը: Նա իր խմբում առաջինն է ավարտել Յուտայի Համալսարանը գիտության մեջ բակալավրի կոչում ստանալով և շարունակել է կրթությունը Նյու Յորքի Կոլումբիայի Համալսարանի իրավագիտության ֆակուլտետում ստանալով իրավաբանի կոչում:

Եղբայր Քլարկն ամուսնացել է 1898թ. Լյուասին Անետ Սավաժի հետ Սոլթ Լեյքի Տաճարում, և նրանք ունեցան չորս զավակ:

Զինված իր իրավագիտական աստիճանով և փայլուն մտքով, Ջ. Ռուբեն Քլարկ կրտ.-ն ունեցել է ակնառու իրավաբանական և քաղաքացիական ծառայության կարիերա, որի գագթնակետը հանդիսացավ ԱՄՆ դեսպանի կոչումը Մեքսիկայում 1930թ.: Ինչևէ, այդ կարիերան ավարտվեց, երբ 1933թ. ապրիլի 6-ին Եղբայր Քլարկը հաստատվեց որպես Նախագահ Հեբեր Ջ. Գրանտի Երկրորդ Խորհրդական Առաջին Նախագահությունում: Թեպետ այդ ժամանակ քահանայապետ էր, նա Գերագույն Իշխանավոր չէր: Նա կարգվեց Առաքյալ, երբ ավելի ուշ հաստատվեց որպես Նախագահ Գրանտի Առաջին Խորհրդական 1934թ. հոկտեմբերին: Նախագահ Քլարկը շարունակել է որպես խորհրդական ծառայել Նախագահներ Ջորջ Ալբերտ Սմիթին և Դեյվիդ Օ. Մակքեյին:

Եկեղեցում ներդրած իր բազմաթիվ ավանդների շարքում նա աչքի է ընկնել իր խոնարհության օրինակով, երբ Նախագահ Դեյվիդ Օ. Մակքեյը դարձավ Եկեղեցու Նախագահ: Նա կանչեց Նախագահ Քլարկին լինելու Երկրորդ Խորհրդական: Քանի որ Նախագահ Քլարկը նախորդ Առաջին Նախագահություններում ծառայել էր որպես Առաջին Խորհրդական, ոմանք ըստ երևույթին մտածեցին, թե նա անհարգալից վերաբերմունքի է արժանացել, սակայն Նախագահ Քլարկը բացատրել էր. «Տիրոջ ծառայության մեջ կարևոր է ոչ թե որտեղ ես ծառայում, այլ ինչպես ես ծառայում: Հիսուս Քրիստոսի Վերջին Օրերի Սրբերի Եկեղեցում մարդը գրավում է այն պաշտոնը, որի համար պատշաճ կերպով կանչվում է, որին նա չի ձգտում և որը չի մերժում»:1

Նախագահ Քլարկը մահացել է 1961թ. հոկտեմբերի 6-ին:

Հղում

  1. J. Reuben Clark Jr., in Conference Report, Apr. 1951, 154.

Առաջին Նախագահությունը 1945 թվին (ձախից). Ջ. Ռուբեն Քլարկ կրտ., Հեբեր Ջ. Գրանտ և Դեյվիդ Օ. Մակքեյ:

Նախագահ Քլարկը (ձախից) միսիայի նախագահ Լամոնթ Թորոնթոյի հետ: